യുകെയിലെ ഉന്നത വിദ്യാഭ്യാസം എന്നത് ഇനിയങ്ങോട്ട് അപ്രസക്തമാവുന്നു! രാജ്യത്തെ സര്വകലാശാല വിദ്യാഭ്യാസത്തിന്റെ മൂല്യത്തില് പൊതു ജന വിശ്വാസം കുറയുന്നതായി സര്വേ പറയുന്നു. ഉയര്ന്ന ഫീസ്, വിദ്യാര്ത്ഥികള്ക്കുണ്ടാകുന്ന കട ബാധ്യത, ബിരുദ ധാരികളിലെ തൊഴില് അവസരങ്ങളിലെ കുറവ് എന്നിവയാണ് ഉന്നത വിദ്യാഭ്യാസത്തില് അതൃപ്തിയുണ്ടാകാന് കാരണം.
ബ്രിട്ടീഷ് സോഷ്യല് ആറ്റിറ്റിയൂഡ് സര്വേ പ്രകാരം സര്വകലാശാല ബിരുദം നേടുന്നതു പണവും സമയവും നഷ്ടപ്പെടലാണെന്ന് കരുതുന്ന വലിയൊരു ശതമാനം ഉണ്ടെന്നതാണ്. 2005ലെ 14 ശതമാനത്തില് നിന്ന് 2025 ല് 34 ശതമാനമായി ഉയര്ന്നു. അതുപോലെ ബിരുദ ധാരികള് സാമ്പത്തികമായി മെച്ചപ്പെട്ട ജീവിതം നയിക്കുമെന്ന വിശ്വാസമുള്ളവര് 50 ശതമാനത്തില് നിന്ന് 36 ശതമാനമായി കുറഞ്ഞു.
1983-ല് സ്കൂള് പഠനം പൂര്ത്തിയാക്കിയവരില് വെറും 6 ശതമാനം പേര് മാത്രമാണ് സര്വകലാശാലകളില് പ്രവേശിച്ചിരുന്നത്. എന്നാല് 2025-ഓടെ അത് 36 ശതമാനമായി ഉയര്ന്നു. നിലവില് രണ്ട് ദശലക്ഷത്തിലധികം ആഭ്യന്തര വിദ്യാര്ത്ഥികള് ബ്രിട്ടനിലെ സര്വകലാശാലകളില് പഠിക്കുന്നുണ്ട്.
1998-ല് ട്യൂഷന് ഫീസ് ആരംഭിക്കുമ്പോള് വാര്ഷിക ഫീസ് 1,000 പൗണ്ടായിരുന്നു. ഇപ്പോള് ഇംഗ്ലണ്ടിലെ വിദ്യാര്ത്ഥികള്ക്ക് വര്ഷം 9,535 പൗണ്ട് വരെ ഫീസ് നല്കേണ്ടിവരുന്നു. താമസച്ചെലവുകളും ഇതോടൊപ്പം വര്ധിച്ചിരിക്കുകയാണ്. വിദ്യാര്ത്ഥി വായ്പയുടെ തിരിച്ചടവും ഉയര്ന്ന പലിശയും കടുത്ത സമ്മര്ദ്ദമാണുണ്ടാക്കുന്നത്.
യൂണിവേഴ്സിറ്റികളും സാമ്പത്തിക സമ്മര്ദ്ദത്തിലാണ്. ഇതിനിടയിലാണ് പുതിയ റിപ്പോര്ട്ട്. വിദേശ വിദ്യാര്ത്ഥികളുടെ വരവും ഗണ്യമായി കുറഞ്ഞു.
