ഡെറി/ഇടുക്കി: നോര്ത്തേണ് അയര്ലന്ഡ് ലണ്ടന്ഡെറിയില് ഇടുക്കി തോപ്രാംകുടി സ്വദേശിയായ യുവാവ് അന്തരിച്ചു. തോപ്രാംകുടി കോനാട്ട് വീട്ടില് കെ.എസ്. രാജന് - മിനി രാജന് ദമ്പതികളുടെ മകന് ആര്. വിഷ്ണു പ്രസാദ് (34) ആണ് കഴിഞ്ഞ ദിവസം അന്തരിച്ചത്. രണ്ട് വര്ഷം മുന്പാണ് വിഷ്ണു പ്രസാദ് ഡിപെന്ഡന്റ് വീസയില് യുകെയിലെത്തിയത്. നോര്ത്തേണ് അയര്ലന്ഡിലെ സ്വകാര്യ ഹോട്ടലില് ജീവനക്കാരനായി ജോലി ചെയ്തുവരികയായിരുന്നു. ഭാര്യ ശ്യാമിലി എന്എച്ച്എസ് നഴ്സാണ്. മക്കള്: രോഹിത് കൃഷ്ണ, ഇഷാനി വിഷ്ണു. സഹോദരന്: സുരേഷ് രാജന്.
മരണകാരണം സംബന്ധിച്ച വിവരങ്ങള് നിലവില് ലഭ്യമായിട്ടില്ല. മൃതദേഹം യുകെയില് തന്നെ സംസ്കരിക്കുന്നതിനുള്ള ക്രമീകരണങ്ങള് നടക്കുന്നതായി കുടുംബാംഗങ്ങള് അറിയിച്ചു. ഇതിനായുള്ള ക്രമീകരണങ്ങള്ക്കായി കുടുംബാംഗങ്ങളും സുഹൃത്തുക്കളും പ്രാദേശിക മലയാളി കൂട്ടായ്മകളുമായും മലയാളി അസോസിയേഷനുമായും ബന്ധപ്പെട്ടുവരികയാണ്.
വിഷ്ണുവിന്റെ അപ്രതീക്ഷിത വേര്പാടിന്റെ ഞെട്ടലില് നിന്ന് നാട്ടിലെയും യുകെയിലെയും കുടുംബാംഗങ്ങള്ക്കും സുഹൃത്തുക്കള്ക്കും ഇതുവരെ മുക്തരാകാനായിട്ടില്ല.
