യുകെയിലെദശലക്ഷക്കണക്കിന് കുടുംബങ്ങള്‍ വ്യാഴാഴ്ച മുതല്‍ വൈദ്യുതി ബില്ലില്‍ 4 ശതമാനം വര്‍ധന നേരിടും.സാധാരണ കുടുംബത്തിന്റെ ശരാശരി വാര്‍ഷിക ഊര്‍ജ ചെലവ് 1,723 പൗണ്ടായി ഉയരും.
ഗ്രേറ്റ് ബ്രിട്ടനിലെ ഊര്‍ജ വില പരിധി നിശ്ചയിക്കുന്ന റെഗുലേറ്റര്‍ ഓഫ്‌ജെം ആണ് നിരക്ക് വര്‍ധന പ്രഖ്യാപിച്ചത്. മൂന്ന് വര്‍ഷത്തിനിടയിലെ ഏറ്റവും ഉയര്‍ന്ന നിരക്കിലേക്കാണ് വില പരിധി ഉയരുന്നത്. ഒക്ടോബര്‍ 1 മുതല്‍ വൈദ്യുതി ബില്ലിന്റെ വാറ്റ് കുറയ്ക്കാനുള്ള ആന്‍ഡി ബേണ്‍ഹാമിന്റെ തീരുമാനത്തിലൂടെ ശരാശരി കുടുംബത്തിന് വര്‍ഷത്തില്‍ 45 പൗണ്ട് ലാഭിക്കാനാകുമെങ്കിലും, മൊത്തം ബില്‍ വര്‍ധന തടയാന്‍ ഇത് മതിയാകില്ലെന്നാണ് വിലയിരുത്തല്‍.
ഇതിനുപുറമെ ഡീസല്‍ വിലയും റെക്കോര്‍ഡ് ഉയരത്തിലെത്തി. ഈ ആഴ്ച ഡീസല്‍ ലിറ്ററിന് ഏകദേശം 2 പൗണ്ട് വരെ എത്തിയതോടെ ഗതാഗതച്ചെലവും തുടര്‍ന്ന് സാധനങ്ങളുടെ വിലയും ഉയരാനുള്ള സാധ്യതയുണ്ട്.
ഒക്ടോബര്‍ 28ന് അവതരിപ്പിക്കുന്ന ബജറ്റില്‍ ആഗോള സാമ്പത്തിക പ്രതിസന്ധിയുടെ പശ്ചാത്തലത്തില്‍ സര്‍ക്കാര്‍ ചെലവുകള്‍ നിയന്ത്രിക്കുന്നതില്‍ ശ്രദ്ധ കേന്ദ്രീകരിക്കുമെന്നാണ് ട്രഷറി വൃത്തങ്ങള്‍ വ്യക്തമാക്കുന്നത്. ബോണ്ട് വിപണിയിലെ അനിശ്ചിതത്വവും പൊതു ധനകാര്യത്തില്‍ സമ്മര്‍ദം വര്‍ധിപ്പിക്കുന്നുണ്ട്.
കുടുംബങ്ങള്‍ക്ക് ആശ്വാസം നല്‍കാന്‍ അടിയന്തര ഊര്‍ജ സഹായം പ്രഖ്യാപിക്കണമെന്ന് ചില ലേബര്‍ എംപിമാര്‍ ആവശ്യപ്പെട്ടിട്ടുമുണ്ട്.
