സോഷ്യല്‍ മീഡിയയില്‍ നിന്ന് വിട്ടുനില്‍ക്കുമ്പോള്‍ സമാധാനമുണ്ടെന്ന് നടി ഐശ്വര്യ ലക്ഷ്മി. നിര്‍മാതാവ് സൗന്ദര്യ രജനീകാന്ത്, സഹതാരം അര്‍ജുന്‍ ദാസ് എന്നിവര്‍ക്കൊപ്പം തന്റെ പുതിയ നെറ്റ്ഫ്ലിക്സ് സീരീസ് ആയ Love-ന്റെ പ്രചാരണത്തിനിടെയാണ് അവര്‍ ഇക്കാര്യം പറഞ്ഞത്. സോഷ്യല്‍ മീഡിയയില്‍ തുടരുന്നതുകൊണ്ടുള്ള ഗുണങ്ങളേക്കുറിച്ചും അവര്‍ അഭിപ്രായപ്പെട്ടു. 2025 സെപ്റ്റംബറിലാണ് സോഷ്യല്‍ മീഡിയ ഉപേക്ഷിക്കാന്‍ തീരുമാനിച്ചതായി ഐശ്വര്യലക്ഷ്മി അറിയിച്ചത്.
യൂട്യൂബിലെ 'ദി പൂജ തല്‍വാര്‍ ഷോ'യിലാണ് ഐശ്വര്യലക്ഷ്മി തന്റെ സോഷ്യല്‍ മീഡിയാ പിന്മാറ്റത്തെക്കുറിച്ച് മനസുതുറന്നത്. 'കാര്യങ്ങളെല്ലാം ശരിയായ രീതിയില്‍ വരുന്നുണ്ട്. ഇപ്പോഴുള്ള എന്റെ ജീവിതത്തില്‍ ഞാന്‍ സന്തോഷവതിയാണ്. സോഷ്യല്‍ മീഡിയയില്‍ ഉണ്ടായിരുന്ന സമയത്തേക്കാള്‍ ഏറെ സമാധാനമുണ്ട്.
ഈ വര്‍ഷം തമിഴില്‍ 'ഗാട്ട കുസ്തി 2', മലയാളത്തില്‍ 'ആശ' എന്നീ ചിത്രങ്ങളിലാണ് ഐശ്വര്യ അഭിനയിച്ചത്. വെബ്സീരീസായ #Love നെറ്റ്ഫ്ലിക്സിലാണ് സ്ട്രീം ചെയ്യുന്നത്. കൂടാതെ തെലുങ്കില്‍ 'SYG - സാമ്പരള യേതി ഗട്ടു' എന്ന ചിത്രത്തിലും ഐശ്വര്യ വേഷമിടും.
