ബ്ലാക് പൂളില്‍ കാന്‍സര്‍ ബാധിച്ച് ചികിത്സയിലിരിക്കെ മരണം വിളിച്ച കോഴിക്കോട് സ്വദേശി ജയിംസ് മാത്യു(57)വിന്റെ മൃതദേഹം സംസ്‌കരിച്ചു. വെള്ളിയാഴ്ച്ച നാട്ടിലേക്ക് കൊണ്ടു പോയ മൃതദേഹം നടപടി ക്രമങ്ങളെല്ലാം പൂര്‍ത്തിയാക്കി തിങ്കളാഴ്ചയാണ് സംസ്‌കരിച്ചത്. കൂടരന്നി സെന്റ് സെബാസ്റ്റ്യന്‍ പള്ളിയിലാണ് ജയിംസ് മാത്യുവിന് അന്ത്യവിശ്രമം ഒരുക്കിയത്. ജയിംസ് മാത്യുവിന്റെ അന്ത്യാഭിലാഷം സഫലമാക്കുന്നതിനാണ് മൃതദേഹം നാട്ടിലെത്തിച്ചത്.
ഫ്ളൈഡ് കൗണ്ടിയിലെ ലിഥം സെന്റ് ആന്‍സീസില്‍ (ബ്ലാക്ക്പൂളിന് സമീപം) താമസിച്ചിരുന്ന ജെയിംസ് മാത്യുവിനെ ചികിത്സയിലിരിക്കെ മരണം വിളിച്ചത്. കോഴിക്കോട് സ്വദേശിയായ ജെയിംസ് മാത്യു 2024 മാര്‍ച്ച് 10-നാണ് കുടുംബവുമായി യുകെയില്‍ എത്തിയത്. ഭാര്യ ഷിനി ഡൊമസ്റ്റിക് കെയര്‍ മേഖലയില്‍ ജോലി ചെയ്തുവരുന്നു. ആനലിസ ജെയിംസ് (12), അസേലിയ റോസ് ജെയ്ംസ് (10), അന്റോണിയോ ജെയിംസ് (10) എന്നിവരാണ് മക്കള്‍.
