യു.കെ.വാര്‍ത്തകള്‍

എനര്‍ജി ബില്ലുകള്‍ 26% വര്‍ധിക്കുമെന്ന് പ്രവചനം; ജനുവരിയില്‍ 2166 പൗണ്ടിലേക്ക് എത്തും

പുതുവര്‍ഷത്തില്‍ യുകെയിലെ കുടുംബങ്ങളെ കാത്തിരിക്കുന്നത് എനര്‍ജി ബില്‍ ഷോക്ക്. ജനുവരിയില്‍ ഗ്യാസ്, ഇലക്ട്രിസിറ്റി ബില്ലുകള്‍ 443 പൗണ്ട് വര്‍ദ്ധിക്കുമെന്നാണ് മുന്നറിയിപ്പ്. പണപ്പെരുപ്പം ഒരു വര്‍ഷത്തിനിടെ ഏറ്റവും ഉയര്‍ന്ന നിരക്കിലേക്ക് എത്തിയതോടെയാണ് ഇത്.

പുതുവര്‍ഷത്തില്‍ വാര്‍ഷിക ബില്ലുകള്‍ 26% വര്‍ദ്ധിക്കുമെന്നാണ് കോണ്‍വാള്‍ ഇന്‍സൈറ്റിന്റെ പ്രവചനം. അടുത്ത ആഴ്ചയാണ് ഇതുസംബന്ധിച്ച ഔദ്യോഗിക പ്രഖ്യാപനം വരിക. ബജറ്റില്‍ പ്രഖ്യാപിച്ച 100 പൗണ്ട് പേയ്‌മെന്റ് ചില കുടുംബങ്ങള്‍ക്കാണ് ലഭിക്കുക.

ഒക്ടോബറില്‍ പണപ്പെരുപ്പം 3.6 ശതമാനമാണ് വര്‍ദ്ധിച്ചതെന്ന് ഔദ്യോഗിക കണക്കുകള്‍ വ്യക്തമാക്കി. ഇറാനെതിരെ യുഎസും, ഇസ്രയേലും നടത്തുന്ന യുദ്ധമാണ് എനര്‍ജി, ഇന്ധന വിലകള്‍ ഉയര്‍ത്താന്‍ ഇടയാക്കുന്നത്. ഈ മാസം ബാങ്ക് ഓഫ് ഇംഗ്ലണ്ട് പലിശ നിരക്കുകള്‍ മൂന്ന് വര്‍ഷത്തിനിടെ ആദ്യമായി ഉയര്‍ത്തുകയും ചെയ്തിരുന്നു.

മിഡില്‍ ഈസ്റ്റ് സംഘര്‍ഷം പരിഹരിച്ചില്ലെങ്കില്‍ പലിശകള്‍ വീണ്ടും ഉയരുമെന്നാണ് ബാങ്ക് സൂചന നല്‍കിയിരിക്കുന്നത്. ഇത് മോര്‍ട്ട്‌ഗേജുകളെയും, ലോണുകളെയും, കടമെടുപ്പ് നടത്തുന്നവരെയും സാരമായി ബാധിക്കുന്നുണ്ട്.

പണപ്പെരുപ്പം കുതിച്ചുയര്‍ന്ന് ശക്തമായ നിലയില്‍ തുടരുന്നത് ബാങ്ക് ഓഫ് ഇംഗ്ലണ്ടിന്റെ തീരുമാനങ്ങളെ സ്വാധീനിക്കും. പണപ്പെരുപ്പം 2 ശതമാനമാക്കി കുറയ്ക്കാനാണ് ബാങ്ക് ലക്ഷ്യമിടുന്നത്.

  • വെസ്റ്റ് മിഡ്‌ലാന്‍ഡ്‌സ് മുതല്‍ സ്‌കോട്‌ലന്‍ഡ് വരെ കനത്ത മഞ്ഞുവീഴ്ച
  • ക്രിസ്മസ് - പുതുവത്സര യാത്രകള്‍ക്ക് പാരയാകാന്‍ ട്യൂബ് സമരം
  • ഇ യുവുമായുള്ള ബന്ധം ശക്തമാക്കാന്‍ പുതിയ പദ്ധതികള്‍ അടുത്ത മാസം പ്രഖ്യാപിക്കും
  • ടൂറിസ്റ്റ് വിസയ്ക്ക് പകരം ഇന്ത്യയിലേക്കുള്ള യാത്രകള്‍ എളുപ്പത്തിലാക്കാന്‍ ഇനി രണ്ട് കാറ്റഗറി വിസിറ്റര്‍ വിസ
  • പരീക്ഷകളിലും അസൈന്‍മെന്റുകളിലും എഐ ഉപയോഗിച്ച് കോപ്പിയടിച്ചാല്‍ ജിസിഎസ്ഇ, എ ലെവല്‍ യോഗ്യതകള്‍ റദ്ദാക്കും
  • വാടക നിരക്കുകള്‍ കുത്തനെ ഉയരുന്നു; ചെലവുകളില്‍ പൊറുതിമുട്ടി ജനം
  • വിന്റര്‍ ഒരുക്കം; രക്തദാനത്തിന് അടിയന്തര അപേക്ഷ വെച്ച് യുകെ ബ്ലഡ് സര്‍വ്വീസസ്
  • റെഡിച്ചിലെ മലയാളി അധ്യാപകന്‍ ഹീത്രു എയര്‍പോര്‍ട്ടില്‍ കുഴഞ്ഞു വീണു മരിച്ചു
  • നവംബറില്‍ ബ്രിട്ടനില്‍ വീടുകളുടെ ചോദിക്കുന്ന വില 1.8% ഇടിഞ്ഞു
  • യുവാക്കളുടെ മടി മാറ്റാന്‍ ശമ്പളത്തോടെ ആറു മാസത്തെ ജോലി നല്‍കാന്‍ സര്‍ക്കാര്‍; സ്‌കൂള്‍ തലത്തില്‍ തൊഴില്‍ പരിശീലനം
  •  
        © 2022 ukmalayalamnews.com All rights reserved. Powered by PI Digi-Logical Solutions