നാട്ടുവാര്‍ത്തകള്‍

ഇന്ത്യാ സന്ദര്‍ശനം പൂര്‍ത്തിയാക്കി വില്യമും കെയ്റ്റും; നരേന്ദ്ര മോദിയുമായി കൂടിക്കാഴ്ച നടത്തി

മൂന്ന് ദിവസത്തെ ഇന്ത്യാ സന്ദര്‍ശനം പൂര്‍ത്തിയാക്കി വെയില്‍സ് രാജകുമാരന്‍ വില്യമും പത്‌നി കെയ്റ്റ് മിഡില്‍ടണും. സന്ദര്‍ശനത്തിന്റെ അവസാന ദിവസം ന്യൂഡല്‍ഹിയില്‍ പ്രധാനമന്ത്രി നരേന്ദ്ര മോദിയുമായി ഇരുവരും കൂടിക്കാഴ്ച നടത്തി. 2022നുശേഷം ദമ്പതികളുടെ ആദ്യ വിദേശ പര്യടനമായിരുന്നു ഇത്.

മോദിയുടെ ഔദ്യോഗിക വസതിയില്‍ നടന്ന കൂടിക്കാഴ്ചയില്‍ ഇന്ത്യ-ബ്രിട്ടന്‍ ബന്ധത്തിന്റെ ശക്തിയും പ്രാധാന്യവും ചര്‍ച്ചയായി. ഇരുരാജ്യങ്ങളും തമ്മിലുള്ള ദീര്‍ഘകാല സൗഹൃദം കൂടുതല്‍ ശക്തിപ്പെടുത്തുന്നതിനുള്ള സാധ്യതകളും ചര്‍ച്ച ചെയ്തതായി കെന്‍സിങ്ടണ്‍ കൊട്ടാരം അറിയിച്ചു. ഇന്ത്യയില്‍ ലഭിച്ച ഊഷ്മളമായ സ്വീകരണത്തിന് വില്യമും കെയ്റ്റും പ്രധാനമന്ത്രിക്കും ജനങ്ങള്‍ക്കും നന്ദി അറിയിച്ചു.

പരിസ്ഥിതി സംരക്ഷണത്തിനായി വില്യം രാജകുമാരന്‍ സ്ഥാപിച്ച എര്‍ത്ത്‌ഷോട്ട് പുരസ്‌കാര ചടങ്ങ് ഇന്ത്യയിലെത്തിച്ചതിന് മോദി നന്ദി രേഖപ്പെടുത്തി. മുംബൈയില്‍ നടന്ന ചടങ്ങില്‍ പരിസ്ഥിതി സംരക്ഷണ രംഗത്തെ മികച്ച പ്രവര്‍ത്തനങ്ങള്‍ക്കായി വിജയികള്‍ക്ക് 10 ലക്ഷം പൗണ്ട് വീതമുള്ള പുരസ്‌കാരങ്ങള്‍ സമ്മാനിച്ചിരുന്നു. ഇന്ത്യയുടെ കാലാവസ്ഥാ നവീകരണ രംഗത്തെ മുന്നേറ്റവും ജൈവവൈവിധ്യവും യുവജനശക്തിയുമാണ് പുരസ്‌കാരച്ചടങ്ങിന് ഇന്ത്യയെ തിരഞ്ഞെടുത്തതിന് പ്രധാന കാരണങ്ങളെന്ന് വില്യം നേരത്തെ വ്യക്തമാക്കിയിരുന്നു.

സന്ദര്‍ശനത്തിനിടെ കെയ്റ്റ് ഒരു പ്രസവാശുപത്രിയും സന്ദര്‍ശിച്ചിരുന്നു. മാസം തികയാതെ ജനിച്ച ഇരട്ട പെണ്‍കുട്ടികളില്‍ ഒരാളെ നഷ്ടപ്പെട്ട അമ്മയെ ആശ്വസിപ്പിച്ച കെയ്റ്റിന്റെ ഇടപെടലും ശ്രദ്ധ നേടിയിരുന്നു.

2016ലാണ് വില്യമും കെയ്റ്റും അവസാനമായി ഇന്ത്യ സന്ദര്‍ശിച്ചത്.

  • ഷുക്കൂര്‍ വധക്കേസില്‍ പി ജയരാജനെയും ടി വി രാജേഷിനെയും വെറുതെവിട്ടു; 13 പ്രതികള്‍ കുറ്റക്കാര്‍
  • മുഖ്യമന്ത്രിക്കെതിരെ മന്ത്രിമാര്‍; മന്ത്രിസഭാ യോഗത്തില്‍ രൂക്ഷമായ തര്‍ക്കം, പിന്നാലെ ഒപ്പിടല്‍
  • യുകെയില്‍ തൊഴിലില്ലായ്മ നിരക്ക് അപ്രതീക്ഷിതമായി താഴ്ന്ന് 4.6%ല്‍
  • ആശുപത്രി ഉടമയെ ഭീഷണിപ്പെടുത്തി 10 ലക്ഷം വാങ്ങിയ കോണ്‍ഗ്രസ് നേതാവ് പിടിയില്‍; പാര്‍ട്ടിയില്‍ നിന്ന് പുറത്ത്
  • സച്ചിനും കുട്ടികള്‍ക്കും ഒപ്പം ക്രിക്കറ്റ് കളിച്ചു വില്യമും കെയ്റ്റും മുംബൈയില്‍
  • മഞ്ഞിനുള്ള 12 മണിക്കൂര്‍ അലേര്‍ട്ട് പ്രഖ്യാപിച്ച് മെറ്റ് ഓഫീസ്
  • ഇന്ത്യയില്‍ എര്‍ത്ത്ഷോട്ട് പുരസ്‌കാര ചടങ്ങില്‍ വില്യവും കെയ്റ്റും പങ്കെടുക്കും
  • മൈക്രോസോഫ്റ്റ് ആഗോള തകരാര്‍; എന്‍എച്ച്എസ് ഉള്‍പ്പെടെ നിര്‍ണായക സേവനങ്ങള്‍ തടസ്സപ്പെട്ടു
  • വിവാഹ ക്ഷണക്കത്ത് നല്‍കാന്‍ പോയ പ്രതിശ്രുത വധുവും ബന്ധുവും ലോറിയിടിച്ച് മരിച്ചു
  • പ്രണബ് മുഖര്‍ജി പ്രധാനമന്ത്രിയാകാന്‍ ആഗ്രഹിച്ചത്ഞെട്ടിച്ചെന്നു സോണിയ; നെഹ്‌റു കുടുംബത്തിന് പുറത്തുള്ളവര്‍ ആഗ്രഹിച്ചാല്‍ എന്താണ് തെറ്റെന്നു പ്രണബിന്റെ മകള്‍
  •  
        © 2022 ukmalayalamnews.com All rights reserved. Powered by PI Digi-Logical Solutions