പ്രതിവര്ഷം 100 ദശലക്ഷത്തിലധികം യാത്രക്കാര്ക്ക് സേവനം നല്കുന്ന ബ്രിട്ടനിലെ ആദ്യ റെയില്വേ സ്റ്റേഷനായി ലിവര്പൂള് സ്ട്രീറ്റ് സ്റ്റേഷന്. 2026 മാര്ച്ച് വരെയുള്ള 12 മാസത്തിനുള്ളില് 102.7 ദശലക്ഷം യാത്രക്കാരുമായി ഈ സ്റ്റേഷന് തുടര്ച്ചയായ നാലാം വര്ഷവും യുകെയിലെ ഏറ്റവും തിരക്കേറിയ റെയില്വേ സ്റ്റേഷനായി മാറി. 2022-ല് എലിസബത്ത് ലൈന് (Elizabeth line) സെന്ട്രല് സെക്ഷന് തുറന്നതാണ് സ്റ്റേഷനിലെ യാത്രക്കാരുടെ എണ്ണം ഇത്രയധികം വര്ദ്ധിക്കാന് കാരണം.
72.9 ദശലക്ഷം യാത്രക്കാരുമായി പാഡിംഗ്ടണ് രണ്ടാം സ്ഥാനത്ത് എത്തിയപ്പോള്, 71.6 ദശലക്ഷം യാത്രക്കാരുമായി വാട്ടര്ലൂ മൂന്നാം സ്ഥാനത്തെത്തി. ഏറ്റവും തിരക്കേറിയ ആദ്യ പത്ത് സ്റ്റേഷനുകളും ലണ്ടനില് തന്നെയാണ് സ്ഥിതിചെയ്യുന്നത്. ലണ്ടന് പുറത്ത് ബര്മ്മിംഗ്ഹാം ന്യൂ സ്ട്രീറ്റ് സ്റ്റേഷനാണ് ഏറ്റവുമധികം യാത്രക്കാര്ക്ക് സേവനം നല്കിയിരിക്കുന്നത്. സ്കോട്ട്ലാന്ഡില് ഗ്ലാസ്ഗോ സെന്ട്രലും വെയില്സില് കാര്ഡിഫ് സെന്ട്രലുമാണ് ഏറ്റവും തിരക്കേറിയ സ്റ്റേഷനുകള്. ഏറ്റവും കുറവ് യാത്രക്കാരുള്ള സ്റ്റേഷന് ഗ്രെയ്റ്റര് മാഞ്ചസ്റ്ററിലെ റെഡിഷ് സൗത്ത് ആണ് പ്രതിവര്ഷം 94 പേര് മാത്രമാണ് ഈ സ്റ്റേഷനിലൂടെ യാത്ര ചെയ്യുന്നത്. ഓഫീസ് ഓഫ് റെയില് ആന്ഡ് റോഡിന്റെ കണക്കുകളാണ് ഇക്കാര്യങ്ങള് വെളിപ്പെടുത്തിയിരിക്കുന്നത്.