സ്പിരിച്വല്‍

ലെസ്റ്ററില്‍ പുറത്ത് നമസ്കാരം ഫെബ്രുവരി 6ന്; മാര്‍ തോമസ് ആനിമൂട്ടില്‍ മുഖ്യകാര്‍മികത്വം വഹിക്കും

ക്‌നാനായക്കാരുടെ തലപ്പള്ളിയായ കടുത്തുരുത്തി വലിയപള്ളിയുടെ കല്‍ക്കുരിശിങ്കല്‍ മൂന്ന് നോമ്പിനോടനുബന്ധിച്ച് നടത്തിവരുന്ന പാരമ്പര്യ പ്രാര്‍ത്ഥനയായ പുറത്ത് നമസ്‌കാരം യു.കെയില്‍ വീണ്ടും സംഘടിപ്പിക്കുന്നു. ക്‌നാനായ കാത്തലിക് മിഷന്‍സ് യു.കെയുടെ ആഭിമുഖ്യത്തില്‍ കഴിഞ്ഞ വര്‍ഷങ്ങളില്‍ സംഘടിപ്പിച്ച പുറത്ത് നമസ്‌കാരത്തില്‍ യു.കെയുടെ വിവിധ ഭാഗങ്ങളില്‍ നിന്നായി നിരവധി വിശ്വാസികള്‍ പങ്കെടുത്തിരുന്നു. ജനപങ്കാളിത്തം കൊണ്ടും ഭക്തിനിര്‍ഭരമായ പ്രാര്‍ത്ഥനാനുഭവം കൊണ്ടും ശ്രദ്ധേയമായ ഈ വര്‍ഷത്തെ പുറത്ത് നമസ്‌കാരം ഫെബ്രുവരി 6ന് ലെസ്റ്ററിലെ കമ്മ്യൂണിറ്റി സെന്‍ട്രലില്‍ നടക്കും.

അന്നേ ദിവസം രാവിലെ 10.30ന് അര്‍പ്പിക്കപ്പെടുന്ന വിശുദ്ധ കുര്‍ബാനയ്ക്കുശേഷം ഭക്തിസാന്ദ്രമായ പുറത്ത് നമസ്‌കാര പ്രാര്‍ത്ഥന നടത്തപ്പെടും. കോട്ടയം അതിരൂപതയുടെ സഹായ മെത്രാന്‍ മാര്‍ തോമസ് ആനിമൂട്ടില്‍ പിതാവ് വിശുദ്ധ കുര്‍ബാനയ്ക്ക് മുഖ്യകാര്‍മികത്വം വഹിക്കും.

വലിയ നോമ്പിന് മുന്നോടിയായി കടുത്തുരുത്തി വലിയപള്ളിയുടെ കല്‍ക്കുരിശിനു താഴെ നടത്തിവരുന്ന ക്‌നാനായക്കാരുടെ തനതായ പ്രാര്‍ത്ഥനാരീതിയാണ് പുറത്ത് നമസ്‌കാരം. ജാതിമതഭേദമന്യേ നിരവധി ആളുകള്‍ എല്ലാ വര്‍ഷവും ഈ പ്രാര്‍ത്ഥനയില്‍ പങ്കുചേരുന്നു. ഹൃദയസ്പര്‍ശിയായ പ്രാര്‍ത്ഥനാഗീതങ്ങളും അനുതാപ സങ്കീര്‍ത്തനങ്ങളും ദൈവകരുണയ്ക്കായുള്ള യാചനകളും പുറത്ത് നമസ്‌കാരത്തെ വിശ്വാസികള്‍ക്ക് പ്രിയങ്കരമാക്കുന്നു.

നാഥാ, കനിയണമേ എന്ന പ്രാര്‍ത്ഥനയോടെ ദൈവത്തിന്റെ കരുണയ്ക്കായി യാചിക്കാനും വലിയ നോമ്പിലേക്ക് ആത്മീയ ഒരുക്കത്തോടെ പ്രവേശിക്കാനും ലെസ്റ്ററില്‍ നടക്കുന്ന ഈ പാരമ്പര്യ പ്രാര്‍ത്ഥനയില്‍ പങ്കുചേര്‍ന്ന് പ്രാര്‍ത്ഥനാചൈതന്യത്തില്‍ നിറയുവാനും യു.കെയിലെ എല്ലാ വിശ്വാസികളെയും ക്‌നാനായ കാത്തലിക് മിഷന്‍സ് ഹൃദയപൂര്‍വം സ്വാഗതം ചെയ്യുന്നു.

ഇതിനോടനുബന്ധിച്ച് യു.കെയില്‍ ആദ്യമായി സന്ദര്‍ശനം നടത്തുന്ന കോട്ടയം അതിരൂപത സഹായ മെത്രാന്‍ മാര്‍ തോമസ് ആനിമൂട്ടില്‍ പിതാവിന് ഉച്ചകഴിഞ്ഞ് പ്രൗഢഗംഭീരമായ സ്വീകരണവും ഒരുക്കിയിട്ടുണ്ട്. യു.കെയിലെ ക്‌നാനായ വിശ്വാസികള്‍ക്ക് പിതാവിന്റെ സന്ദര്‍ശനം ഏറെ സന്തോഷകരവും ആത്മീയ പ്രാധാന്യമുള്ളതുമായ അനുഭവമായിരിക്കും.


  • കെന്റ് അയ്യപ്പക്ഷേത്രത്തില്‍ പ്രതിമാസ അയ്യപ്പപൂജ: ശനിയാഴ്ച
  • ലിങ്കണില്‍ അയ്യപ്പ പൂജ 22ന്
  • ഇംഗ്ലണ്ടിലെ കെന്റ് അയ്യപ്പ ക്ഷേത്രത്തില്‍ മണ്ഡല-മകരവിളക്ക് പൂജകള്‍ക്ക് തുടക്കം
  • ലണ്ടനില്‍ 13-ാമത് ചെമ്പൈ സംഗീതോത്സവം നവംബര്‍ 28 ന്
  • ലണ്ടന്‍ ശ്രീ ഗുരുവായൂരപ്പന്‍ ക്ഷേത്രത്തിന്റെ ദീപാവലി ആഘോഷം ഭക്തിനിര്‍ഭരമായി
  • ലണ്ടന്‍ ശ്രീ ഗുരുവായൂരപ്പന്‍ ക്ഷേത്രത്തിന്റെ ദീപാവലി ആഘോഷം 31ന്
  • കെന്റ് അയ്യപ്പ ക്ഷേത്രത്തില്‍ നവരാത്രി - വിജയദശമി - വിദ്യാരംഭ ആഘോഷങ്ങള്‍ ഭക്തിസാന്ദ്രമായി സമാപിച്ചു
  • കെന്റ് അയ്യപ്പ ക്ഷേത്രത്തില്‍ നവരാത്രി - ആഘോഷം 18 മുതല്‍ 21 വരെ
  • ജപമാല മണികളില്‍ കൈവിരല്‍ അമരുമ്പോള്‍' ഭക്തിസാന്ദ്രമായ മാതാവിന്റെ ഗാനം ചെസ്റ്റര്‍ഫീല്‍ഡില്‍ റിലീസ് ചെയ്തു
  • മലങ്കര യാക്കോബായ സുറിയാനി ഓര്‍ത്തഡോക്‌സ് ഭദ്രാസനത്തിന് സ്വന്തം ആസ്ഥാന മന്ദിരം
  •  
        © 2022 ukmalayalamnews.com All rights reserved. Powered by PI Digi-Logical Solutions