യു.കെ.വാര്‍ത്തകള്‍

യുകെ വിദ്യാര്‍ഥി വിസ: ഇന്റര്‍വ്യൂന് വിളിച്ചവരില്‍ 79 ശതമാനവും നിരസിക്കപ്പെട്ടു

യുകെ വിദ്യാര്‍ഥി വിസയ്ക്കുള്ള ക്രെഡിബിലിറ്റി ഇന്റര്‍വ്യൂവില്‍ പങ്കെടുക്കുന്നവരില്‍ ഭൂരിഭാഗം പേര്‍ക്കും അപേക്ഷ നിരസിക്കപ്പെടുന്നതായി റിപ്പോര്‍ട്ട്. 2026 മേയ് മുതല്‍ ഒക്ടോബര്‍ വരെ നടത്തിയ 11,415 ഇന്റര്‍വ്യൂകളില്‍ 9,043 എണ്ണത്തില്‍ അപേക്ഷകരുടെ പഠനലക്ഷ്യത്തിന്റെ വിശ്വാസ്യത അംഗീകരിക്കപ്പെട്ടില്ലെന്നാണ് യുകെ വിസാസ് ആന്‍ഡ് ഇമിഗ്രേഷന്റെ വിദ്യാഭ്യാസ മേഖലയ്ക്കുള്ള വിശദീകരണരേഖയെ അടിസ്ഥാനമാക്കിയുള്ള വിവരം. ഇത് ഏകദേശം 79 ശതമാനമാണ്. ഇന്റര്‍വ്യൂവിന് തിരഞ്ഞെടുത്തവരുടെ മാത്രം കണക്കാണിത്.

ഇന്റര്‍വ്യൂവില്‍ പങ്കെടുത്ത നേപ്പാളി അപേക്ഷകരിലാണ് ഏറ്റവും ഉയര്‍ന്ന നിരസിക്കല്‍ നിരക്ക്-92 ശതമാനം. ഇന്ത്യക്കാരില്‍ 89 ശതമാനവും നൈജീരിയക്കാരില്‍ 84 ശതമാനവും ബംഗ്ലാദേശ്, ശ്രീലങ്ക എന്നിവിടങ്ങളില്‍നിന്നുള്ളവരില്‍ 79 ശതമാനം വീതവും പാകിസ്ഥാനികളില്‍ 73 ശതമാനവും നിരസിക്കപ്പെട്ടതായി റിപ്പോര്‍ട്ട് പറയുന്നു. ആറുമാസത്തെ കണക്കുകള്‍ പൂര്‍ണവര്‍ഷത്തെ സ്ഥിതി പ്രതിഫലിപ്പിക്കണമെന്നില്ലെന്നും യുകെവിഐ വ്യക്തമാക്കിയിട്ടുണ്ട്.

തിരഞ്ഞെടുത്ത സര്‍വകലാശാലയെയും കോഴ്സിനെയും കുറിച്ചുള്ള പരിമിതമായ അറിവ്, യുകെയില്‍ പഠിക്കാനുള്ള കാരണങ്ങള്‍ വ്യക്തമായി വിശദീകരിക്കാനാകാത്തത്, പഠനവും ഭാവിപദ്ധതികളും തമ്മിലുള്ള പൊരുത്തക്കുറവ് എന്നിവയാണ് പ്രധാന കാരണങ്ങളായി ചൂണ്ടിക്കാട്ടുന്നത്. ഇംഗ്ലീഷ് പ്രാവീണ്യവും പഠനച്ചെലവിനുള്ള സാമ്പത്തിക സ്രോതസ്സുകളുടെ വിശ്വാസ്യതയും പരിശോധനയില്‍ പരിഗണിക്കുന്നു.

അതേസമയം, വിലയിരുത്തലുകളുടെ സ്ഥിരതയെയും ചില ചോദ്യങ്ങളുടെ പ്രസക്തിയെയും കുറിച്ച് വിദ്യാഭ്യാസ മേഖലയില്‍ വിമര്‍ശനമുയര്‍ന്നിട്ടുണ്ട്. ഓരോ അപേക്ഷയും അതിലെ തെളിവുകളും വ്യക്തിഗത സാഹചര്യങ്ങളും പരിഗണിച്ചാണ് തീരുമാനിക്കുന്നതെന്നാണ് ആഭ്യന്തര മന്ത്രാലയത്തിന്റെ നിലപാട്.

  • ഇംഗ്ലണ്ടില്‍ സെക്കന്‍ഡ് ഹോമുകളുടെ എണ്ണത്തില്‍ വന്‍ ഇടിവ്; തിരിച്ചടിയാകുന്നത് കൗണ്‍സിലുകളുടെ 100% പ്രീമിയം ടാക്‌സ്
  • ബ്രിട്ടന്‍ അതി ശൈത്യത്തിലേയ്ക്ക്; താപനില മൈനസ് 10 ഡിഗ്രിയിലെത്തും, ജാഗ്രതാ നിര്‍ദ്ദേശം
  • ബന്ധം മെച്ചപ്പെടുത്താന്‍ ബ്രിട്ടനും ഇ യുവും; വര്‍ഷം ഒരു ലക്ഷം യൂറോപ്യന്‍ യൂത്തിന് അവസരം
  • പകുതിയിലേറെ എന്‍എച്ച്എസ് ആശുപത്രികളിലും ഇടനാഴിപരിചരണം
  • ഏറ്റവും തിരക്കേറിയ സ്റ്റേഷന്‍ ലിവര്‍പൂള്‍ സ്ട്രീറ്റ്; പാഡിങ്ടണും വാട്ടര്‍ലൂവും രണ്ടും മൂന്നും സ്ഥാനത്ത്
  • ഡിസംബറില്‍ യുകെ ജനത തണുത്ത് വിറയ്ക്കും; വരുന്നത് കനത്ത മഞ്ഞ് വീഴ്ച്ച
  • എനര്‍ജി ബില്ലുകള്‍ 26% വര്‍ധിക്കുമെന്ന് പ്രവചനം; ജനുവരിയില്‍ 2166 പൗണ്ടിലേക്ക് എത്തും
  • വെസ്റ്റ് മിഡ്‌ലാന്‍ഡ്‌സ് മുതല്‍ സ്‌കോട്‌ലന്‍ഡ് വരെ കനത്ത മഞ്ഞുവീഴ്ച
  • ക്രിസ്മസ് - പുതുവത്സര യാത്രകള്‍ക്ക് പാരയാകാന്‍ ട്യൂബ് സമരം
  • ഇ യുവുമായുള്ള ബന്ധം ശക്തമാക്കാന്‍ പുതിയ പദ്ധതികള്‍ അടുത്ത മാസം പ്രഖ്യാപിക്കും
  •  
        © 2022 ukmalayalamnews.com All rights reserved. Powered by PI Digi-Logical Solutions