കോട്ടയം: തമിഴ് നടിയും മോഡലുമായ യുവതിക്കെതിരെ ട്രെയിനില് ലൈംഗികാതിക്രമമെന്ന് പരാതി. സംഭവത്തില് കൊല്ലം ചവറ തയ്യില് സ്വദേശിയായ അന്സാര് ഖാനെ (25) കോട്ടയം റെയില്വേ പൊലീസ് അറസ്റ്റ് ചെയ്തു. ഏപ്രില് 12ന് ചെന്നൈ- തിരുവനന്തപുരം എക്സ്പ്രസിലായിരുന്നു കേസിനാസ്പദമായ സംഭവം നടന്നത്.
യുവതി ഉറക്കത്തിലായിരുന്നപ്പോള് പ്രതി ലൈംഗികാതിക്രമം നടത്തിയെന്നാണ് പരാതി. യുവതി ഉണര്ന്നതോടെ ഇയാള് ശുചിമുറിയില് കയറി ഒളിച്ചു. ട്രെയിന് കോട്ടയത്ത് എത്തിയപ്പോള് പുറത്തേക്ക് ചാടി കടന്നുകളയുകയുമായിരുന്നു. യുവതി പിന്നാലെ ഓടിയെങ്കിലും പിടികൂടാനായില്ല. തുടര്ന്ന് യുവതിയുടെ പരാതിയില് പൊലീസ് സിസിടിവി ദൃശ്യങ്ങള് അടക്കം കേന്ദ്രീകരിച്ച് നടത്തിയ അന്വേഷണത്തിലാണ് അന്സാര് പിടിയിലായത്. മുന്പ് കഞ്ചാവ് കേസില് ഇയാള് പിടിയിലായിട്ടുണ്ടെന്ന് പൊലീസ് പറയുന്നു.