ജസ്നയുടെ തിരോധാനം വഴിത്തിരിവിലെത്തിയോ? സിബിഐ ലോഡ്ജ് ജീവനക്കാരിയുടെ മൊഴിയെടുത്തു
പത്തനംതിട്ടയില് നിന്ന് കാണാതായ ജസ്ന ജയിംസിനെ കണ്ട വിവരം വെളിപ്പെടുത്താന് വൈകിയതില് കുറ്റബോധമുണ്ടെന്ന് മുണ്ടക്കയത്തെ ലോഡ്ജ് ജീവനക്കാരി. സിബിഐയ്ക്ക് മുന്നില് മൊഴി രേഖപ്പെടുത്തിയ ശേഷമായിരുന്നു ലോഡ്ജ് ജീവനക്കാരി മാധ്യമങ്ങളോട് സംസാരിച്ചത്. രണ്ടര മണിക്കൂര് കൊണ്ടാണ് സിബിഐ ലോഡ്ജ് ജീവനക്കാരിയുടെ മൊഴി രേഖപ്പെടുത്തിയത്.
ജസ്നയെ കണ്ട സംഭവം വെളിപ്പെടുത്താന് വൈകിയതില് കുറ്റബോധം തോന്നുന്നുവെന്നും സിബിഐയോട് പറയാനുള്ളത് എല്ലാം പറഞ്ഞിട്ടുണ്ടെന്നും ജീവനക്കാരി പറഞ്ഞു. തിരുവനന്തപുരത്ത് നിന്നുള്ള സിബിഐ സംഘമാണ് മൊഴി രേഖപ്പെടുത്തിയത്. ജസ്നയെ കാണാതാകുന്നതിന് ദിവസങ്ങള്ക്ക് മുന്പ് മുണ്ടക്കയത്തെ ഒരു ലോഡ്ജില് ജസ്നയുമായി സാമ്യമുള്ള ഒരു പെണ്കുട്ടിയെ കണ്ടിരുന്നതായാണ് ജീവനക്കാരിയുടെ വെളിപ്പെടുത്തല്.
സ്വകാര്യ ചാനലിനോട് ആയിരുന്നു ജീവനക്കാരിയുടെ തുറന്നുപറച്ചില്. ഇതിന് പിന്നാലെ ആയിരുന്നു സിബിഐ ഇവരുടെ
More »
ബാങ്ക് ഓഫ് മഹാരാഷ്ട്രയില് നിന്ന് 17 കോടിയുടെ സ്വര്ണം തട്ടിയ കേസ്; മുന് മാനേജരെ പൊലീസ് കസ്റ്റഡിയില് വിട്ടു
ബാങ്ക് ഓഫ് മഹാരാഷ്ട്രയുടെ കോഴിക്കോട് എടോടി ശാഖയില് നിന്ന് 17 കോടിയുടെ സ്വര്ണം തട്ടിയെടുത്ത കേസില് പിടിയിലായ മുന് മാനേജര് മധു ജയകുമാര് പൊലീസ് കസ്റ്റഡിയില്. വടകര ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയില് ഹാജരാക്കിയ പ്രതിയെ ആറ് ദിവസത്തേക്ക് പൊലീസ് കസ്റ്റഡിയില് വിടുകയായിരുന്നു.
കര്ണാടക-തെലങ്കാന അതിര്ത്തിയായ ബിദര് ഹുംനാബാദില് നിന്നാണ് പ്രതിയെ പിടികൂടിയത്. ഇയാള് പൂനെയിലേക്ക് കടക്കാന് ശ്രമിക്കുന്നതിനിടെയായിരുന്നു പിടികൂടിയത്. എന്നാല് പിടിയിലായ പ്രതിയില് നിന്ന് സ്വര്ണം കണ്ടെത്താന് കഴിഞ്ഞിട്ടില്ല. തമിഴ്നാട് മേട്ടുപാളയം പാത്തി സ്ട്രീറ്റ് സ്വദേശി മധുജയകുമാര് സ്ഥാപനത്തില് 26244.20 ഗ്രാം സ്വര്ണത്തിനു പകരം മുക്കുപണ്ടം വച്ച് 17 കോടിയിലേറെ തട്ടിയെന്നാണ് പരാതി.
മധുജയകുമാര് ജൂലൈ 6ന് എറണാകുളം പാലാരിവട്ടം ശാഖയിലേക്ക് സ്ഥലം മാറി. ഇതേ തുടര്ന്ന് പുതുതായി സ്ഥാപനത്തില്
More »
ഹേമ കമ്മിറ്റി: പരാതിയുമായി വനിതകള് വന്നാല്, ഏത് ഉന്നതനും കുടുങ്ങും- മുഖ്യമന്ത്രി
തിരുവനന്തപുരം : ഹേമ കമ്മിറ്റി റിപ്പോര്ട്ട് പുറത്തുവരാതിരിക്കാന് സര്ക്കാര് ശ്രമിച്ചിട്ടില്ലെന്ന് മുഖ്യമന്ത്രി പിണറായി വിജയന്. ശുപാര്ശകള് അതീവ പ്രാധാന്യം നല്കി നടപ്പിലാക്കാനാണ് സര്ക്കാര് ശ്രമിച്ചത്. റിപ്പോര്ട്ടില് പലരുടേയും സ്വകാര്യതയെ ബാധിക്കുന്ന പരാമര്ശങ്ങളുണ്ട്. അതിനാല്, റിപ്പോര്ട്ട് പുറത്തുവിടാന് പാടില്ലെന്ന് ജസ്റ്റിസ് ഹേമ ആവശ്യപ്പെട്ടിരുന്നുവെന്നും മുഖ്യമന്ത്രി തിരുവനന്തപുരത്ത് നടത്തിയ വാര്ത്താ സമ്മേളനത്തില് പറഞ്ഞു.
ഹേമാ കമ്മിറ്റി റിപ്പോര്ട്ടില് ഒരു പൂഴ്ത്തലും ഉണ്ടായിട്ടില്ല. റിപ്പോര്ട്ടില് പലരുടേയും സ്വകാര്യതയെ ബാധിക്കുന്ന പരാമര്ശങ്ങളുണ്ട്. അതുകൊണ്ട് തന്നെ ഇത് പുറത്തുവിടാന് പാടില്ല എന്ന് ആവശ്യപ്പെട്ടുകൊണ്ട് ജസ്റ്റിസ് ഹേമ തന്നെ 2020 ഫെബ്രുവരി 19-ന് സര്ക്കാരിന് കത്ത് നല്കിയിരുന്നു. തങ്ങളുടെ കമ്മിറ്റി മുന്പാകെ സിനിമാ മേഖലയിലെ ചില വനിതകള് നടത്തിയത് തികച്ചു
More »
വൈകിയെന്നു ആരോപിച്ച് എസ്പിയെ പൊതുവേദിയില് അപമാനിച്ച് പിവി അന്വര് എംഎല്എ
മലപ്പുറം : മലപ്പുറം ജില്ലാ പോലീസ് അസോസിയേഷന് സമ്മേളന വേദിയില് എസ്പിയെ പരസ്യമായി അധിക്ഷേപിച്ച് എംഎല്എ യുടെ പ്രസംഗം. വേദിയില് തന്നെ ദീര്ഘനേരം കാത്തിരിക്കാന് നിര്ബ്ബന്ധിതനാക്കി എന്നാരോപിച്ച് മലപ്പുറം എസ്പി എസ് ശശിധരനെ എംഎല്എ പിവി അന്വര് ആണ് ആക്ഷേപിച്ചത്. മറുപടി പ്രസംഗത്തില് കാര്യമായി പ്രസംഗിക്കാതെ എസ്പി വേദി വിട്ടുപോകുകയും ചെയ്തു.
പരിപാടിയില് എംഎല്എ ഉദ്ഘാടകനും എസ്പി മുഖ്യപ്രഭാഷകനുമായരുന്നു. എന്നാല് ഐപിഎസ് ഓഫീസറുടെ പെരുമാറ്റം പോലീസ് സേനയക്ക് തന്നെ നാണക്കേടാണെന്ന് പറഞ്ഞ് പ്രസംഗം ആരംഭിച്ച എംഎല്എയുടെ സംസാരം പുരോഗമിച്ചപ്പോള് രൂക്ഷ വിമര്ശനത്തിന് എസ്പിയെ ഇരയാക്കാനും മറന്നില്ല.
കേരളത്തെ ബുദ്ധിമുട്ടിക്കുക എന്ന കേന്ദ്രത്തിന്റെ ആവശ്യത്തിന് കുടപിടിക്കുന്നതാണ് എസ്പിയുടെ പെരുമാറ്റം എന്നായിരുന്നു എംഎല്എയുടെ ആക്ഷേപം. ഇപ്പോള് നടക്കുന്ന ഈ പരിപാടിക്ക് താന് എസ്പിയെ കാത്ത് ഒരുപാട് സമയം
More »
ഹേമ കമ്മിറ്റി റിപ്പോര്ട്ടിലെ നിയമനടപടിക്ക് ശുപാര്ശയുള്ള ഭാഗവും മുക്കി
തിരുവനന്തപുരം : ഹേമ കമ്മിറ്റി റിപ്പോര്ട്ടില് ലൈംഗിക അതിക്രമത്തിനും ചൂഷണത്തിനും എതിരെ നിയമനടപടിക്ക് ശുപാര്ശ ഉണ്ടായിരുന്നതായി റിപ്പോര്ട്ട്. ഐപിസി 354 പ്രകാരം സ്ത്രീത്വത്തിനെ അപമാനിച്ചതില് കേസെടുക്കാമെന്ന ശുപാര്ശയുള്ളത് പുറത്ത് വിടാതിരുന്ന ഭാഗത്ത്. സ്വകാര്യത കണക്കിലെടുത്ത് പുറത്തുവിടാതിരുന്ന പേജുകളില് ഈ ശുപാര്ശയും ഉണ്ടായിരുന്നതായിട്ടാണ് വിവരം. എന്നാല് മൊഴി പ്രസിദ്ധീകരിച്ചാലേ കേസെടുക്കാനാകൂ എന്നാണ് സര്ക്കാരിന്റെ നിലപാട്. മൊഴി നല്കിയ ചില നടിമാര് സ്ക്രീന് ഷോട്ടുകളും റെക്കോഡുകളും ചാറ്റുകളും അടക്കം ഹാജരാക്കിയിരുന്നു. നിയമ നടപടി എടുത്താല് പല വിഗ്രഹങ്ങളും ഉടയും. ഇതില് സര്ക്കാരിനും താല്പ്പര്യമില്ല
വിദേശഷോകളുടെ പേരിലും ലൈംഗികചൂഷണം ഉണ്ടായതായിട്ടാണ് മൊഴി. സംഭവത്തില് നേരത്തേ കേസെടുക്കാനാകില്ലെന്ന് പൊലീസ് വ്യക്തമാക്കിയിരുന്നു. നാല് വര്ഷം മുമ്പ് ഇതുസംബന്ധിച്ച്
More »
മങ്കിപോക്സ് ഇന്ത്യയിലെ വിമാനത്താവളങ്ങളിലടക്കം ജാഗ്രതാ നിര്ദേശം
ആഫ്രിക്കയിലും യൂറോപ്പിലും സ്ഥിരീകരിച്ച മങ്കിപോക്സ്, അതിവേഗം പടരുന്ന സാഹചര്യത്തില് രാജ്യത്ത് ജാഗ്രതാ നിര്ദേശം. എംപോക്സിനെ ആഗോള പൊതുജനാരോഗ്യ അടിയന്തരവസ്ഥയായി പ്രഖ്യാപിച്ചതിന് പിന്നാലെ മുന്കരുതല് നടപടികള് സ്വീകരിച്ചെന്ന് കേന്ദ്ര ആരോഗ്യ മന്ത്രാലയ വൃത്തങ്ങള് അറിയിച്ചു. അടിയന്തര വാര്ഡുകള് സജ്ജമാക്കുക, വിമാനത്താവളങ്ങളില് മുന്നറിയിപ്പ് നല്കുക തുടങ്ങിയ മുന്കരുതല് ആരോഗ്യ മന്ത്രാലയം സ്വീകരിച്ചിട്ടുണ്ട്.
ശരീരത്തില് തിണര്പ്പുകളുള്ള രോഗികളെ തിരിച്ചറിയണമെന്നും അവര്ക്ക് ഐസൊലേഷന് വാര്ഡുകള് സജ്ജമാക്കണമെന്നും ആശുപത്രികള്ക്ക് ആരോഗ്യമന്ത്രാലയം നിര്ദ്ദേശം നല്കിയിട്ടുണ്ട്. അറിയിച്ചിട്ടുണ്ട്. ഡല്ഹിയിലെ നോഡല് ആശുപത്രികളായ സഫ്ദര്ജുങ്, ലേഡി ഹാര്ഡിങ് മെഡിക്കല് കോളേജ്, റാം മനോഹര് ലോഹിയ ആശുപത്രി എന്നിവിടങ്ങളില് വാര്ഡുകള് സജ്ജമാക്കിയിട്ടുണ്ട്.
സംശയമുള്ള രോഗികളില് ആര്ടി-
More »
സിദ്ധരാമയ്യയെ പ്രോസിക്യൂട്ട് ചെയ്യാനുള്ള ഗവര്ണറുടെ ഉത്തരവില് നടപടി അരുതെന്നു ഹൈക്കോടതി
ഭൂമി കുംഭകോണ കേസില് കര്ണാടക മുഖ്യമന്ത്രി സിദ്ധരാമയ്യയെ പ്രോസിക്യൂട്ട് ചെയ്യാനുള്ള ഗവര്ണറുടെ ഉത്തരവില് നടപടി അരുതെന്ന് കര്ണാടക ഹൈക്കോടതി. വിചാരണ കോടതിയോടാണ് ഹൈക്കോടതി കേസ് പരിഗണിക്കുന്നത് വരെ മുഖ്യമന്ത്രിയ്ക്കെതിരെ പ്രോസിക്യൂഷന് നടപടി പാടില്ലെന്ന് ഉത്തരവിറക്കിയത്. ഓഗസ്റ്റ് 29ന് ഹൈക്കോടതി കേസ് പരിഗണിക്കുന്നത് വരെയാണ് സിദ്ധരാമയ്യയ്ക്ക് നടപടി നേരിടേണ്ടി വരാതിരിക്കുക.
മുഡ ഭൂമി കുംഭകോണ കേസില് മുഖ്യമന്ത്രി സിദ്ധരാമയ്യയെ പ്രോസിക്യൂട്ട് ചെയ്യാന് അനുമതി നല്കിയത് കര്ണാടക ഗവര്ണര് തവാര് ചന്ദ് ഗെഹ്ലോട്ടാണ്. ഗവര്ണറുടെ നടപടി ചോദ്യം ചെയ്ത് കര്ണാടക സര്ക്കാര് ഇന്ന് ഹൈക്കോടതിയെ സമീപിക്കുകയായിരുന്നു. ഗവര്ണറുടെ നടപടി ഭരണഘടനാ വിരുദ്ധമാണെന്ന് ചൂണ്ടിക്കാട്ടിയാണ് സിദ്ധരാമയ്യ ഹര്ജി ഫയല് ചെയ്തത്. മുതിര്ന്ന അഭിഭാഷകന് മനു അഭിഷേക് സിംഗ്വി സിദ്ധരാമയ്യക്കായി കോടതിയില് ഹാജരായി.
ഗവര്ണറുടെ
More »
പി.കെ ശശിക്കെതിരെ അച്ചടക്ക നടപടി; പാര്ട്ടിയുടെ തിരഞ്ഞെടുക്കപ്പെട്ട എല്ലാ സ്ഥാനങ്ങളില് നിന്നും നീക്കി
പാലക്കാട് ജില്ലയിലെ മുതിര്ന്ന നേതാവും മുന് എംഎല്എയും കെടിഡിസി ചെയര്മാനുമായ പി.കെ ശശിക്കെതിരെ അച്ചടക്ക നടപടിയുമായി വീണ്ടും സിപിഎം. പാര്ട്ടിയുടെ തിരഞ്ഞെടുക്കപ്പെട്ട എല്ലാ സ്ഥാനങ്ങളില് നിന്നും നീക്കി. ഇത് മൂന്നാം തവണയാണ് പി.കെ ശശിക്കെതിരെ പാര്ട്ടി നടപടി എടുക്കുന്നത്. സിപിഎം. ജില്ലാസെക്രട്ടേറിയറ്റ് അംഗം ടി.എം ശശിക്ക് ഏരിയാകമ്മിറ്റിയുടെ താത്കാലിക ചുമതല നല്കി.
സിപിഎം സംസ്ഥാന സെക്രട്ടറി എം.വി ഗോവിന്ദന്റെ സാന്നിധ്യത്തില് ഞായറാഴ്ച ചേര്ന്ന പാര്ട്ടി ജില്ലാ സെക്രട്ടേറിയേറ്റ് യോഗത്തിലാണ് തീരുമാനമുണ്ടായത്. ജില്ലാനേതൃത്വത്തിന്റെ ഈ തീരുമാനം സംസ്ഥാനകമ്മിറ്റി അംഗീകരിക്കുന്നതോടെ നടപടി നിലവില് വരും. മണ്ണാര്ക്കാട് ഏരിയ കമ്മിറ്റി ഓഫീസ് നിര്മാണ ഫണ്ടില് തിരിമറി നടത്തിയെന്ന് കണ്ടെത്തിയതിനെ തുടര്ന്നാണ് പാര്ട്ടി നടപടി. അതേസമയം വിഭാഗീയപ്രശ്നങ്ങളെത്തുടര്ന്ന് യു.ടി രാമകൃഷ്ണന് സെക്രട്ടറിയായ
More »
ഭൂമി കുംഭകോണക്കേസില് കര്ണാടക മുഖ്യമന്ത്രി സിദ്ധരാമയ്യയെ പ്രോസിക്യൂട്ട് ചെയ്യാന് ഗവര്ണറുടെ അനുമതി
ബെംഗളൂരു : മൈസൂരു വികസന അതോറിറ്റിയുമായി ബന്ധപ്പെട്ട അഴിമതി കേസില് കര്ണാടക മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ സിദ്ധരാമയ്യയെ പ്രോസിക്യൂട്ട് ചെയ്യാന് ഗവര്ണറുടെ അനുമതി. കര്ണാടക ഗവര്ണര് താവര്ചന്ദ് ഗെലോട്ടാണ് അനുമതി നല്കിയത്.
സിദ്ധരാമയ്യയുടെ ഭാര്യ പാര്വതി മൈസൂരു വികസന അതോറിറ്റിയുടെ ഭൂമി അനധികൃതമായി കയ്യടക്കി എന്നതാണ് അഴിമതി ആരോപണത്തിലാണ് ഗവര്ണറുടെ നടപടി. മുഡ ഭൂമി കുംഭകോണ കേസില് ഗവര്ണര് തവര്ചന്ദ് ഗെഹ്ലോട്ടിന് മലയാളിയായ ടി ജെ അബ്രഹാം, പ്രദീപ് കുമാര്, സ്നേഹമയി കൃഷ്ണ എന്നീ മൂന്ന് സാമൂഹ്യപ്രവര്ത്തകര് സമര്പ്പിച്ച ഹര്ജിയുടെ അടിസ്ഥാനത്തിലാണ് പ്രോസിക്യൂഷന് അനുമതി നല്കിയത്.
1988ലെ അഴിമതി നിരോധന നിയമത്തിലെ സെക്ഷന് 17, 218 പ്രകാരമാണ് മുഖ്യമന്ത്രി സിദ്ധരാമയ്യയ്ക്കെതിരെ പ്രോസിക്യൂഷന് അനുമതി നല്കിയതെന്നാണ് പ്രസ്താവനയില് പറഞ്ഞിട്ടുള്ളത്. ഭാരതീയ നാഗരിക സുരക്ഷാ
More »
