ഇന്ത്യന് വിദ്യാര്ത്ഥികളുടെ 80% വിസ അപേക്ഷകളും നിരസിച്ച് കാനഡ
കര്ശനമായ വിസാ നിയമങ്ങളാണ് കാനഡ നടപ്പാക്കിയിരിക്കുന്നത്. ഇത് വിദേശ വിദ്യാര്ത്ഥികളുടെ രാജ്യത്തേക്കുള്ള വരവിനെ വലിയ രീതിയില് ബാധിച്ചു. ഇമിഗ്രേഷന്, റെഫ്യൂജീസ് ആന്ഡ് സിറ്റിസണ്ഷിപ്പ് കാനഡ (ഐആര്സിസി)യുടെ കണക്കുകള് പ്രകാരം, 2025ല് ഇന്ത്യന് വിദ്യാര്ത്ഥികളുടെ ഏകദേശം 80 ശതമാനം വിസ അപേക്ഷകളും നിരസിച്ചു.
കാനഡയിലെ അന്താരാഷ്ട്ര വിദ്യാര്ത്ഥികളില് 40 ശതമാനം ഇന്ത്യക്കാരാണ്. 2025ന്റെ രണ്ടാം പാദത്തില് അഞ്ച് ഇന്ത്യന് അപേക്ഷകരില് നാല് പേരുടെയും അപേക്ഷകള് നിരസിച്ചതായി എജ്യുക്കേഷന് ഔട്ട്ലെറ്റായ ദ പൈ ന്യൂസ് റിപ്പോര്ട്ട് ചെയ്തു. കാനഡ സര്ക്കാരിന്റെ കണക്കനുസരിച്ച്, 2024-ല് 1.88 ലക്ഷം ഇന്ത്യന് വിദ്യാര്ത്ഥികള്ക്ക് പ്രവേശനം ലഭിച്ചിരുന്നു. ഇത് രണ്ട് വര്ഷം മുന്പുള്ളതിനേക്കാള് ഇരട്ടിയിലധികമായിരുന്നു. രാജ്യം തിരിച്ചുള്ള കണക്കുകള് ഒട്ടാവ പുറത്തുവിട്ടിട്ടില്ലെങ്കിലും, ഈ ഉയര്ന്ന നിരക്ക് ഏഷ്യ, ആഫ്രിക്ക, മറ്റ്
More »
ഒന്നര വര്ഷത്തിനുശേഷം ഹാരി രാജകുമാരന് പിതാവുമായി കൂടിക്കാഴ്ച നടത്തി
ഒന്നര വര്ഷം നീണ്ട ഇടവേളയ്ക്ക് ശേഷം ഹാരി രാജകുമാരന് പിതാവ് ചാള്സ് മൂന്നാമന് രാജാവുമായി കൂടിക്കാഴ്ച നടത്തി. ക്ലെയറന്സ് ഹൗസില് വെച്ചായിരുന്നു ഇരുവരും തമ്മിലുള്ള കൂടിക്കാഴ്ച. 2014ല് ഹാരി ആരംഭിച്ച ഇന്വിക്റ്റസ് ഗെയിംസുമായി ബന്ധപ്പെട്ടായിരുന്നു ഹാരി ബ്രിട്ടനിലെത്തിയത്. മുന് സൈനികര്ക്കും പരിക്കേറ്റ സൈനികര്ക്കും വേണ്ടിയുള്ളതാണ് ഇന്വിക്റ്റസ് ഗെയിംസ്. തികച്ചും ശാന്തനും പ്രസന്നവാനുമായി കാണപ്പെട്ട ഹാരി, പരിപാടിയുടെ സ്പോണ്സര്മാരോടും മന്ത്രിമാരോടും കുശലം പറഞ്ഞു. ലണ്ടനിലെ ഗെര്ക്കിനിലാണ് പരിപാടി നടക്കുന്നത്. പുനഃസംഗമത്തിന് ശേഷം ഹാരി രാജകുമാരന് പറഞ്ഞത് തന്റെ പിതാവ് സുഖമായി ഇരിക്കുന്നു എന്നാണ്.
പത്തൊമ്പത് മാസങ്ങള്ക്ക് ശേഷമാണ് ഹാരി പിതാവുമായി നേരിട്ട് കൂടിക്കാഴ്ച നടത്തുന്നത്. 55 മിനിറ്റ് കൂടിക്കാഴ്ച നീണ്ടു. 2024 ഫെബ്രുവരിയില് ആയിരുന്നു അവസാനമായി രാജകുമാരന് പിതാവിനെ കാണാന് യുകെയില് എത്തിയത്.
More »
സി പി രാധാകൃഷ്ണന് ഇന്ത്യയുടെ പുതിയ ഉപരാഷ്ട്രപതി; 'ഇന്ത്യ' മുന്നണിയുടെ വോട്ട് ചോര്ന്നു
ന്യൂഡല്ഹി : ഇന്ത്യയുടെ പുതിയ ഉപരാഷ്ട്രപതിയായി തെരഞ്ഞെടുക്കപ്പെട്ട് എന്ഡിഎ സ്ഥാനാര്ത്ഥി സി പി രാധാകൃഷ്ണന്. നിലവില് മഹാരാഷ്ട്ര ഗവര്ണറാണ് സി പി രാധാകൃഷ്ണന്. ആകെ പോള് ചെയ്ത 767 വോട്ടുകളില് 452 വോട്ടുകള് നേടിയാണ് സി പി രാധാകൃഷ്ണന്റെ വിജയം. 152 വോട്ടിന്റെ ഭൂരിപക്ഷത്തിനാണ് സി പി രാധാകൃഷ്ണന് തെരഞ്ഞെടുക്കപ്പെട്ടിരിക്കുന്നത്.
'ഇന്ത്യ' മുന്നണി സ്ഥാനാര്ത്ഥി ബി സുദര്ശന് റെഡ്ഡിക്ക് 300 വോട്ടുകള് നേടി. 15 വോട്ടുകള് അസാധുവായി. പ്രതിപക്ഷ മുന്നണിയ്ക്ക് ലഭിക്കേണ്ടിയിരുന്ന 14 വോട്ടുകള് സി പി രാധാകൃഷ്ണന് അധികമായി ലഭിച്ചിട്ടുണ്ട്. ആര്എസ്എസിന്റെ വളരെ പ്രധാനപ്പെട്ട നേതാക്കളില് ഒരാളാണ് സി പി രാധാകൃഷ്ണന്. ആര്എസ്എസിലൂടെ വന്ന നേതാവിനെ തന്നെ ഉപരാഷ്ട്രപതി പദവിയിലേയ്ക്ക് നിയോഗിക്കുക എന്ന രാഷ്ട്രീയ തീരുമാനം കൂടിയാണ് ഇതിലൂടെ ബിജെപി നടപ്പിലാക്കിയിരിക്കുന്നതെന്നാണ് വിലയിരുത്തപ്പെടുന്നത്. ബിആര്എസ്, ബിജെഡി, അകാലി ദള്
More »
ബലാത്സംഗക്കേസ്: റാപ്പര് വേടന് അറസ്റ്റില്
കൊച്ചി : ബലാത്സംഗക്കേസില് റാപ്പര് വേടന് അറസ്റ്റില്. തൃക്കാക്കര പൊലീസാണ് വേടനെ അറസ്റ്റ് ചെയ്തത്. തൃക്കാക്കര എസിപിയുടെ നേതൃത്വത്തിലുളള ചോദ്യംചെയ്യലിന് പിന്നാലെയാണ് അറസ്റ്റ്. വേടനെതിരെ ഡിജിറ്റല് തെളിവുകള് അടക്കം ലഭിച്ചിട്ടുണ്ടെന്ന് പൊലീസ് അറിയിച്ചു. മുന്കൂര് ജാമ്യമുളളതിനാല് വൈദ്യ പരിശോധനയ്ക്ക് ശേഷം വേടനെ വിട്ടയക്കും. വിവാഹ വാഗ്ദാനം നല്കി അഞ്ചുതവണ പീഡിപ്പിച്ചുവെന്നായിരുന്നു വേടനെതിരായ യുവ ഡോക്ടറുടെ പരാതി.
എറണാകുളം സെന്ട്രല് പൊലീസ് രജിസ്റ്റര് ചെയ്ത ബലാത്സംഗക്കേസില് കഴിഞ്ഞ ദിവസം വേടന് കോടതി മുന്കൂര് ജാമ്യം അനുവദിച്ചിരുന്നു. എറണാകുളം അഡീഷണല് സെഷന്സ് കോടതിയാണ് മുന്കൂര് ജാമ്യം അനുവദിച്ചത്.ലൈംഗിക ആരോപണങ്ങള്ക്കിടെ കഴിഞ്ഞ ദിവസം വേടന് സംഗീത പരിപാടിയില് പങ്കെടുത്തിരുന്നു. പത്തനംതിട്ട കോന്നിയില് നടന്ന സംഗീത പരിപാടിയിലാണ് വേടന് പങ്കെടുത്തത്. താന് എവിടെയും പോയിട്ടില്ലെന്ന് വേടന്
More »
യുകെ പ്രോപ്പര്ട്ടി വിപണിക്ക് തിരിച്ചടിയായി ഉയര്ന്ന സ്റ്റാമ്പ് ഡ്യൂട്ടി; മോര്ട്ട്ഗേജ് അനുവദിക്കുന്നതില് 24% ഇടിവ്
ബ്രിട്ടീഷ് ഭവനവിപണി മാന്ദ്യത്തിലേക്ക് നീക്കിയത് ഉയര്ന്ന സ്റ്റാമ്പ് ഡ്യൂട്ടി ചെലവുകളെന്ന് പുതിയ ഡാറ്റ. ഏപ്രില് 1 മുതല് സ്റ്റാമ്പ് ഡ്യൂട്ടിയില് വരുത്തിയ മാറ്റങ്ങള് മോര്ട്ട്ഗേജുകള് നല്കുന്ന നിരക്കില് തന്നെ കുറവ് വരുത്തിയതായി ഫിനാന്ഷ്യല് കണ്ടക്ട് അതോറിറ്റി കണക്കുകള് വെളിപ്പെടുത്തുന്നു.
ഈ വര്ഷം ഏപ്രിലിനും, ജൂണിനും ഇടയില് ബാങ്കുകള് നല്കിയ പുതിയ മോര്ട്ട്ഗേജുകളുടെ എണ്ണത്തില് കാല്ശതമാനം ഇടിവ് രേഖപ്പെടുത്തിയിട്ടുണ്ട്. ജനുവരി മുതല് മാര്ച്ച് വരെ മാസങ്ങളിലെ കണക്കുകളുമായി താരതമ്യം ചെയ്യുമ്പോഴാണ് ഇത്.
ജനുവരി മുതല് മാര്ച്ച് വരെ അനുവദിച്ച മോര്ട്ട്ഗേജുകളുടെ മൂല്യം 77.6 ബില്ല്യണ് പൗണ്ടായിരുന്നുവെങ്കില് ഏപ്രില് മുതല് ജൂണ് വരെ ഇത് 58.8 ബില്ല്യണ് പൗണ്ടിലേക്കാണ് കുറഞ്ഞത്. 2024-ലെ ആദ്യ മൂന്ന് മാസങ്ങള്ക്ക് ശേഷം ആദ്യമാണ് ഇത്രയും കുറഞ്ഞ നിരക്കില് മോര്ട്ട്ഗേജ്
More »
സരിന് എതിരായ ലൈംഗിക ആരോപണത്തില് മാനനഷ്ട കേസ് ഫയല് ചെയ്തതായി സൗമ്യ
ഡോ. പി സരിന് എതിരെ ലൈംഗികാരോപണം ഉന്നയിച്ച ട്രാന്സ്ജെന്ഡര് യുവതിയും കോണ്ഗ്രസ് അനുഭാവിയുമായ രാഗ രഞ്ജിനിക്കെതിരെ മാനനഷ്ടത്തിന് നോട്ടിസ് അയച്ചതായി സരിന്റെ ഭാര്യ ഡോ. സൗമ്യ സരിന്. രാഗരഞ്ജിനിക്കെതിരെ നിയമപരമായി നീങ്ങുമെന്ന് ഫേസ്ബുക്ക് പോസ്റ്റിലൂടെയാണ് സൗമ്യ അറിയിച്ചത്. ഈ ആരോപണം രാഗരഞ്ജിനി സമൂഹമാധ്യമത്തില് പോസ്റ്റ് ചെയ്ത സാഹചര്യവും അത് ഏറ്റെടുത്തു ആഘോഷിക്കുന്നവരുടെ ഉദ്ദേശവും എന്താണെന്ന് അരിയാഹാരം കഴിക്കുന്ന മലയാളിക്ക് മനസിലാകും എന്നും സൗമ്യ കുറിച്ചു.
സൗമ്യ സരിന്റെ ഫേസ്ബുക്ക് പോസ്റ്റിന്റെ പൂര്ണരൂപം
അപ്പൊ ഇനി അവിടുത്തെ കാര്യങ്ങള് എങ്ങനാ ?
ഈ വെല്ലുവിളിയൊക്കെ പാവം ഞങ്ങളോട് മാത്രമേ ഉള്ളോ ?
ഓണത്തിരക്കൊക്കെ ഒന്ന് ഒതുങ്ങിയ സ്ഥിതിക്ക് ഇനി കാര്യത്തിലേക്ക് വരാം. എന്റെ ഭര്ത്താവ് ഡോ. പി സരിന് എതിരെ ചില ആരോപണങ്ങള് ഉന്നയിച്ച ട്രാന്സ്ജന്ഡേര് വ്യക്തിക്ക് കഴിഞ്ഞ ശനിയാഴ്ച (06/09/2025) തന്നെ ഞങ്ങള് വക്കീല് വഴി
More »
അത്തം മുതല് അവിട്ടം വരെ മലയാളി കുടിച്ചത് 920 കോടിയുടെ മദ്യം!
സംസ്ഥാനത്ത് ഈ വര്ഷത്തെ ഓണം മദ്യവില്പ്പനയില് നിന്ന് റെക്കോര്ഡ് വരുമാനമാണ് ഉണ്ടായിരിക്കുന്നത്. കഴിഞ്ഞ വര്ഷം ഓണക്കാലത്തെ റെക്കോര്ഡ് മറികടന്നാണ് ഇത്തവണത്തെ വില്പന. ഓണത്തിന്റെ ആദ്യ ദിവസങ്ങളില് കഴിഞ്ഞ പ്രാവശ്യത്തേക്കാള് കുറവായിരുന്നു വില്പനയെങ്കിലും തുടര്ന്നുള്ള ദിവസങ്ങളില് ഇത് മറികടന്നു. ആദ്യത്തെ ആറു ദിവസം 426.8 കോടിയുടെ മദ്യം വിറ്റപ്പോള് തുടര്ന്നുള്ള അഞ്ചു ദിവസങ്ങളില് 500 കോടിക്കടുത്താണ് വില്പന നടന്നത്. 29, 30 തീയതികളില് കഴിഞ്ഞ വര്ഷത്തെ അപേക്ഷിച്ച് കനത്ത വില്പനയുണ്ടായി. 30 ശതമാനം കൂടുതല് വില്പന രണ്ടു ദിവസവുമുണ്ടായി.
12 ദിവസംകൊണ്ട് മലയാളി കുടിച്ചത് 920.74 കോടി രൂപയുടെ മദ്യമാണ്. കഴിഞ്ഞ വര്ഷം ഇത് 824.07 കോടി രൂപയായിരുന്നു. 9.34 ശതമാനത്തിന്റെ വര്ധനവാണ് ഈ വര്ഷം വില്പനയിലുണ്ടായത്. അത്തം മുതല് മൂന്നാം ഓണം വരെയുള്ള ദിവസത്തെ കണക്കാണിത്. ഈ വര്ഷം തിരുവോണ ദിവസം മദ്യവില്പന ഷോപ്പുകള് പ്രവര്ത്തിച്ചിരുന്നില്ല.
More »
കാസര്കോട് അമ്മയ്ക്ക് സന്ദേശം അയച്ചതിന് പിന്നാലെ നവവധു മരിച്ച നിലയില്
നവവധുവിനെ ഭര്തൃവീട്ടില് ജീവനൊടുക്കിയ നിലയില് കണ്ടെത്തി. അരമങ്ങാനം ആലിങ്കാല്തൊട്ടിയില് വീട്ടില് രഞ്ജേഷിന്റെ ഭാര്യ കെ നന്ദനയെയാണ്(21) ഞായറാഴ്ച ഉച്ചയ്ക്ക് കിടപ്പുമുറിയില് മരിച്ച നിലയില് കണ്ടെത്തിയത്.
ഏപ്രില് 26നായിരുന്നു നന്ദനയുടെ വിവാഹം. പ്രണയവിവാഹമായിരുന്നു. പെരിയ ആയംപാറ വില്ലാരംപെതിയിലെ കെ രവിയുടെയും സീനയുടെയും ഏകമകളാണ്.
ഇന്നലെ രാവിലെ താന് മരിക്കാന് പോവുകയാണെന്ന ഫോണ് സന്ദേശം നന്ദന അമ്മ സീനയ്ക്ക് അയച്ചിരുന്നു. സന്ദേശം ലഭിച്ചയുടന് തന്നെ ഭര്തൃവീട്ടുകാരെ ഇക്കാര്യം അറിയിച്ചു. ഇതിന് പിന്നാലെ റൂമിന്റെ വാതില് മുട്ടിയിട്ടും തുറന്നില്ല. വാതില് പൊളിച്ച് അകത്ത് കയറിയപ്പോഴാണ് മരിച്ച നിലയില് കണ്ടെത്തിയത്. പോസ്റ്റ്മോര്ട്ടത്തിനായി മൃതദേഹം കാസര്കോട് ജനറല് ആശുപത്രിയിലേക്ക് മാറ്റി.
More »
ട്രെയിന് യാത്രയ്ക്കിടെ ഹൃദയാഘാതം; കേരള കോണ്ഗ്രസ് നേതാവ് പ്രിന്സ് ലൂക്കോസ് അന്തരിച്ചു
കേരള കോണ്ഗ്രസ് നേതാവും മുന് ഏറ്റുമാനൂര് എം.എല്.എ സ്ഥാനാര്ത്ഥിയുമായിരുന്ന അഡ്വ. പ്രിന്സ് ലൂക്കോസ് (53) അന്തരിച്ചു. വേളാങ്കണ്ണിയില് നിന്ന് കുടുംബത്തോടൊപ്പം മടങ്ങുന്നതിനിടെ ട്രെയിനില് വെച്ച് ഹൃദയാഘാതമുണ്ടാവുകയായിരുന്നു. പുലര്ച്ചെ 3.30-ഓടെ തെങ്കാശിക്കടുത്ത് എത്തിയപ്പോഴായിരുന്നു ഹൃദയാഘാതം ഉണ്ടായത്. ഉടന് തന്നെ ആശുപത്രിയിലെത്തിച്ചെങ്കിലും അദ്ദേഹത്തിന്റെ ജീവന് രക്ഷിക്കാനായില്ല.
കഴിഞ്ഞ നിയമസഭാ തിരഞ്ഞെടുപ്പില് ഏറ്റുമാനൂര് മണ്ഡലത്തിലെ യുഡിഎഫ് സ്ഥാനാര്ത്ഥിയായിരുന്നു പ്രിന്സ് ലൂക്കോസ്. കേരള കോണ്ഗ്രസിന്റെ സ്ഥാപക നേതാക്കളിലൊരാളായിരുന്ന ഒ.വി. ലൂക്കോസിന്റെ മകനാണ്. കോട്ടയം പെരുമ്പയിക്കാടാണ് അദ്ദേഹത്തിന്റെ സ്വദേശം. കോട്ടയം ബാറിലെ അഭിഭാഷകന് കൂടിയാണ് പ്രിന്സ്. പാര്ട്ടിയിലും പൊതുപ്രവര്ത്തനരംഗത്തും സജീവമായി ഇടപെടുന്ന പ്രിന്സ് ഏവര്ക്കും പ്രിയങ്കരനായ നേതാവാണ്.
More »
