കണ്ണൂരില് വാടക വീടിനുള്ളില് സ്ഫോടനം; ഒരാള് മരിച്ചു, ശരീര അവശിഷ്ടങ്ങള് ചിതറിയ നിലയില്
കണ്ണൂര് കണ്ണപുരം കീഴറയില് വീടിനുള്ളില് സ്ഫോടനം. വീടിനുള്ളില് ശരീരാവിശിഷ്ടങ്ങള് ചിതറിയ നിലയിലാണ്. ഒരാള് മരിച്ചെന്നാണ് സൂചന. ഗോവിന്ദന് എന്ന ആളുടെ ഉടമസ്ഥതയിലുള്ള, വാടകയ്ക്ക് നല്കിയ വീട്ടിലാണ് സ്ഫോടനമുണ്ടായത്. സ്ഫോടനം ബോംബ് നിര്മാണത്തിനിടെയെന്നാണ് നാട്ടുകാരുടെ സംശയം
പുലര്ച്ചെ രണ്ട് മണിയോടെയാണ് സ്ഫോടനം ഉണ്ടായതെന്ന് നാട്ടുകാര് പറയുന്നു. പൊട്ടിത്തെറിയുടെ വലിയ ശബ്ദം കേട്ട് നാട്ടുകാര് എത്തുമ്പോള് വീട് തകര്ന്ന നിലയിലായിരുന്നു. പൊലീസ് സംഭവസ്ഥലത്തെത്തി വിശദമായ പരിശോധനകള് നടത്തുകയാണ്. ഫയര് ഫോഴ്സും ഡോഗ് സ്ക്വാഡും വീട്ടിലും പരിസരത്തും പരിശോധനകള് നടത്തിവരുന്നുണ്ട്. അനൂപ് എന്നയാള്ക്കാണ് ഗോവിന്ദന് വീട് വാടകയ്ക്ക് നല്കിയത്. വീട്ടില് ബോംബ് നിര്മാണം നടക്കുന്നതായി ഇതുവരെ സംശയം തോന്നിയിട്ടില്ലെന്ന് പ്രദേശവാസികള് പറഞ്ഞു,
വീട്ടില് ഇരുചക്രവാഹനങ്ങളില് ആളുകള് വന്നുപോകുന്നതായി
More »
നവീന്ബാബുവിന്റെ മരണത്തില് തുടരന്വേഷണമില്ല; കുടുംബം നല്കിയ ഹര്ജി തലശ്ശേരി കോടതി തള്ളി
കണ്ണൂര് മുന് എഡിഎം നവീന് ബാബുവിന്റെ മരണത്തില് കുടുംബം നല്കിയ ഹര്ജി തള്ളി. തലശ്ശേരി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് ഹര്ജി തള്ളിയത്. തുടരന്വേഷണം ആവശ്യപ്പെട്ട് നവീന്ബാബുവിന്റെ ഭാര്യ മഞ്ജുഷയാണ് കോടതിയില് ഹര്ജി സമര്പ്പിച്ചത്.
കേസ് വിചാരണയ്ക്കായി തലശ്ശേരി സെഷന്സ് കോടതിയിലേക്ക് മാറ്റുകയും ചെയ്തിട്ടുണ്ട്. ഇനി ഈ കോടതിയില് ആയിരിക്കും കേസ് പരിഗണിക്കുക. പൊലീസിനെതിരെ ഗുരുതര ആരോപണങ്ങള് ഉന്നയിച്ചുകൊണ്ടുള്ളതായിരുന്നു ഹര്ജി. പ്രതിക്ക് രക്ഷപ്പെടാന് പഴുതുകളുള്ള കുറ്റപത്രമാണ് കോടതിയില് സമര്പ്പിച്ചതെന്ന് ഹര്ജിയില് ചൂണ്ടിക്കാട്ടിയിരുന്നു. കുറ്റം തെളിയിക്കാന് ആവശ്യമായ രേഖകള് മറച്ചുവെച്ചുവെന്നും നവീന് ബാബുവിന്റെ മരണത്തില് കൂടുതല് അന്വേഷണം വേണമെന്നും ഹര്ജിയില് ആവശ്യപ്പെട്ടിരുന്നു.
കേസില് പി പി ദിവ്യ മാത്രമാണ് പ്രതി. ദിവ്യയെ പ്രതിചേര്ത്തുള്ള കുറ്റപത്രം
More »
കണ്ണൂരിലെ ദമ്പതികളുടെ ദാരുണ മരണം മകനും കുടുംബവും വിദേശത്ത് നിന്നെത്തുന്ന ദിനം
കണ്ണൂര് : അലവിലില് ദമ്പതികളെ വീടിനകത്ത് കത്തിക്കരിഞ്ഞ നിലയില് കണ്ടെത്തിയ സംഭവം ഭാര്യയെ കൊലപ്പെടുത്തി ഭര്ത്താവ് ജീവനൊടുക്കിയതെന്ന് നിഗമനം. പൊള്ളലേറ്റ് മരിച്ച നിലയില് കണ്ടെത്തിയ ഇരുവരുടേയും മൃതദേഹത്തിനരികില് നിന്ന് ചുറ്റിക കണ്ടെത്തി. കല്ലാളത്തില് പ്രേമരാജന്, ഭാര്യ എ കെ ശ്രീലേഖയെ ചുറ്റിക കൊണ്ട് അടിച്ച് കൊലപ്പെടുത്തിയതിന് ശേഷം മണെണ്ണ ഒഴിച്ച് ആത്മഹത്യ ചെയ്യുകയാണ് ഉണ്ടായതെന്നാണ് പ്രാഥമിക കണ്ടെത്തല്.
മൂന്നാമത് ഒരാളുടെ സാന്നിധ്യം അവിടെ ഉണ്ടായിരുന്നില്ലെന്നും പൊലീസ് വിലയിരുത്തുന്നു. സാമ്പത്തിക പ്രയാസങ്ങളൊന്നുമില്ലാത്ത കുടുംബമായിരുന്നെങ്കിലും മക്കള് ഒപ്പമില്ലാത്തത് വിരസതയുണ്ടാക്കിയിരുന്നതായാണ് വിവരം. ഇതിലെ മാനസിക ബുദ്ധിമുട്ടുകളാണ് മരണത്തിലേക്ക് നയിച്ചത് എന്നാണ് കരുതുന്നത്. സിറ്റി പൊലീസ് കമ്മീഷണറുടെ മേല്നോട്ടത്തില് വളപട്ടണം പൊലീസ് അന്വേഷണം ആരംഭിച്ചിട്ടുണ്ട്. മന്ത്രി എ കെ ശശീന്ദ്രന്റെ
More »
തലപ്പാടിയില് കര്ണാടക ആര്ടിസി ബസ് ഇടിച്ചുകയറി മരണം ആറായി
കാസര്കോട് : കാസര്കോട്-കര്ണാടക അതിര്ത്തിയായ തലപ്പാടിയില് കര്ണാട ആര്ടിസി ബസ് ഓട്ടോറിക്ഷയിലേക്കും ബസ് കാത്തുനിന്നവര്ക്കിടയിലേക്കും ഇടിച്ചുകയറിയുണ്ടായ അപകടത്തില് മരണം ആറായി. ഓട്ടോറിക്ഷാ ഡ്രൈവര് ഹൈദര് അലി, ആയിഷ, ഹസ്ന, ഖദീജ, നഫീസ, ഹവ്വമ്മ എന്നിവരാണ് മരിച്ചത്. ഇതില് ഹസ്നയ്ക്ക് പതിനൊന്ന് വയസ് മാത്രമാണ് പ്രായം. ഇന്ന് ഉച്ചതിരിഞ്ഞ് രണ്ടരയോടെയായിരുന്നു അപകടം നടന്നത്. മരിച്ചവരുടെ മൃതദേഹങ്ങള് ആശുപത്രിയിലേക്ക് മാറ്റി. മരിച്ചവരില് നാല് പേര് കര്ണാടക സ്വദേശികളെന്നാണ് വിവരം.
അമിത വേഗത്തിലെത്തിയ ബസാണ് ബസ് കാത്തിരിപ്പ് കേന്ദ്രത്തിലേക്കും ഓട്ടോറിക്ഷയിലേക്കും ഇടിച്ചുകയറിയത്. ഓട്ടോറിക്ഷ പൂര്ണമായും തകര്ന്നു. ഗുരുതരമായി പരിക്കേറ്റവരെ ഉടന് തന്നെ ആശുപത്രിയില് പ്രവേശിപ്പിച്ചെങ്കിലും മരണം സംഭവിച്ചു. മൂന്ന് പേരുടെ നില ഗുരുതരമാണ്. ഇവര് നിലവില് മംഗളൂരുവിലെ സ്വകാര്യ ആശുപത്രിയില് ചികിത്സയിലാണ്. ബസ്
More »
കാസര്ഗോഡ് കൂട്ട ആത്മഹത്യ; ഗൃഹനാഥനും ഭാര്യയും മകനും ജീവനൊടുക്കിയത് ആസിഡ് കുടിച്ച്
കാസര്ഗോഡ് അമ്പലത്തറയില് ആത്മഹത്യയ്ക്ക് ശ്രമിച്ച ഒരു കുടുംബത്തിലെ മൂന്നുപേര് മരിച്ചു. അമ്പലത്തറ പറക്കളായി സ്വദേശികളായ ഗോപി (60), ഭാര്യ ഇന്ദിര (57), മകന് രഞ്ചേഷ് (22) എന്നിവരാണ് മരിച്ചത്. മറ്റൊരു മകന് രാകേഷ് പരിയാരം മെഡിക്കല് കോളേജ് ആശുപത്രിയില് ചികിത്സയിലാണ്. സാമ്പത്തിക പ്രശ്നങ്ങളാണ് ആത്മഹത്യക്ക് പിന്നിലെന്നാണ് പ്രാഥമിക നിഗമനം
ഇന്ന് പുലര്ച്ചെയാണ് സംഭവം. നാലുപേരും ജീവനൊടുക്കാനായി ആസിഡ് കഴിക്കുകയായിരുന്നു. നാട്ടുകാര് ഇവരെ ആശുപത്രിയിലെത്തിക്കാന് ശ്രമിച്ചെങ്കിലും ഒരാള് കാഞ്ഞങ്ങാട്ടെ ആശുപത്രിയിലേക്ക് പോകുന്നതിനിടെയും രണ്ടുപേര് പരിയാരത്തെ ആശുപത്രിയില് വച്ചും മരണപ്പെടുകയായിരുന്നു. രാകേഷ് ഇപ്പോഴും പരിയാരം മെഡിക്കല് കോളജില് ചികിത്സയില് തുടരുകയാണ്.
രണ്ട് പേരുടെ മൃതദേഹം പരിയാരത്തേക്ക് മാറ്റി. ഒരാളുടെ മൃതദേഹം കാസര്കോട് ജില്ലാ ആശുപത്രിയിലാണ്. മരിച്ച രഞ്ചേഷും, ഗുരുതരാവസ്ഥയില് ചികിത്സയില്
More »
ബിജെപിയിലും പീഡന പരാതി; കൃഷ്ണകുമാര് ലൈംഗികമായി പീഡിപ്പിച്ചെന്ന് പാലക്കാട് സ്വദേശിനി
കോണ്ഗ്രസില് രാഹുല് മാങ്കൂട്ടത്തില് എംഎല്എയ്ക്കെതിരായ ലൈംഗിക ചൂഷണ ആരോപണങ്ങള്ക്ക് പിന്നാലെ ബിജെപിയില് പീഡന പരാതി. ബിജെപി സംസ്ഥാന വൈസ് പ്രസിഡന്റ് സി കൃഷ്ണകുമാറിനെതിരെയാണ് പരാതി ഉയര്ന്നത്. ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിനാണ് പാലക്കാട് സ്വദേശി പരാതി നല്കിയത്.
കൃഷ്ണകുമാര് ലൈംഗികമായി പീഡിപ്പിച്ചെന്നാണ് പാലക്കാട് സ്വദേശിനിയുടെ പരാതി. സി കൃഷ്ണകുമാറിനെതിരെ പരാതി ലഭിച്ച വിവരം രാജീവ് ചന്ദ്രശേഖറിന്റെ ഓഫീസ് സ്ഥിരീകരിച്ചു. പരിശോധിക്കാമെന്നായിരുന്നു രാജീവ് ചന്ദ്രശേഖര് പരാതിക്കാരിക്ക് നല്കിയ മറുപടി.
യുവതി നേരിട്ടാണ് രാജീവ് ചന്ദ്രശേഖറിന് ഇ-മെയില് വഴി പരാതി നല്കിയത്. രണ്ടുദിവസം മുമ്പാണ് പരാതി നല്കിയത്.
ആര്എസ്എസ് ബിജെപി നേതാക്കള്ക്ക് നേരത്തെയും പരാതി നല്കിയെങ്കിലും നടപടി ഉണ്ടായില്ലെന്ന് യുവതിയുടെ പരാതിയില് പറയുന്നു. പരാതിയുമായി ആദ്യം ഗോപാലന്കുട്ടി മാസ്റ്ററെ
More »
ഐ ടി ജീവനക്കാരനെ തട്ടിക്കൊണ്ടുപോയ കേസ്; നടി ലക്ഷ്മി മേനോനെ പ്രതിചേര്ത്തു
ബാറിലുണ്ടായ തര്ക്കത്തെ തുടര്ന്ന് കൊച്ചിയില് ഐ ടി ജീവനക്കാരനായ യുവാവിനെ തട്ടിക്കൊണ്ടുപോയി മര്ദ്ദിച്ച സംഭവത്തില് പ്രമുഖ നടി ലക്ഷ്മി മേനോനെ പ്രതിചേര്ത്തു. തട്ടിക്കൊണ്ടുപോയ സംഘത്തിന്റെ കാറില് നടിയും ഉണ്ടായിരുന്നുവെന്നാണ് വിവരം. തട്ടിക്കൊണ്ടുപോകുന്നതിനിടെ നടി കാറിലുണ്ടായിരുന്നുവെന്ന വിവരത്തിന്റെ അടിസ്ഥാനത്തിലാണ് പ്രതിചേര്ത്തത്.
ഞായറാഴ്ച്ച രാത്രിയായിരുന്നു സംഭവം. സംഭവത്തില് മൂന്ന് പേരെ നോര്ത്ത് പൊലീസ് അറസ്റ്റ് ചെയ്തിരുന്നു. ഇതില് ഒരാള് പ്രമുഖ നടിയുടെ സുഹൃത്താണ്. ബാനര്ജി റോഡിലെ ബാറില് വെച്ചായിരുന്നു തര്ക്കം ഉണ്ടായത്. അതിന് ശേഷം കാറില് മടങ്ങുകയായിരുന്ന ഐടി ജീവനക്കാരനായ യുവാവിനെ പ്രതികള് നോര്ത്ത് പാലത്തിന് സമീപം കാര് വട്ടംവെച്ച് തടയുകയായിരുന്നു.
തുടര്ന്ന് യുവാവിനെ കാറില് കയറ്റി പറവൂര് ഭാഗത്തേക്ക് കൊണ്ടുപോയി മര്ദ്ദിച്ചെന്നാണ് കേസ്. സംഭവത്തില് മിഥുന്, അനീഷ്, സോനാമോള്
More »
നെടുമ്പാശ്ശേരി വിമാനത്താവളം വഴി കടത്താന് ശ്രമിച്ചത് നാലുകോടിയുടെ ഹെെബ്രിഡ് കഞ്ചാവ്; ഒരാള് പിടിയില്
കൊച്ചി : നെടുമ്പാശ്ശേരി വിമാനത്താവളത്തില് ഹെെബ്രിഡ് കഞ്ചാവ് പിടികൂടി. തായ്ലന്ഡില് നിന്ന് ക്വാലാലംപൂര് വഴി കടത്തിക്കൊണ്ടുവന്ന കഞ്ചാവാണ് വിമാനത്താവളത്തിലെ കസ്റ്റംസ് സംഘം പിടികൂടിയത്. സംഭവത്തില് ഇരിഞ്ഞാലക്കുട സ്വദേശിയായ സിബിനെ കസ്റ്റിഡിയിലെടുത്തു. സിബിനില് നിന്നും 4.1 കിലോ ഹെെബ്രിഡ് കഞ്ചാവ് ആണ് പിടികൂടിയത്. രാജ്യാന്തര മാര്ക്കറ്റില് ഇതിന് നാല് കോടിയോളം വില വരും.
വിദേശത്ത് നിന്നും വിമാനത്താവളങ്ങളിലൂടെ ഹൈബ്രിഡ് കഞ്ചാവ് കടത്ത് വ്യാപകമായിരിക്കുകയാണ്. പരിശോധനയ്ക്ക് അത്യാധുനിക സംവിധാനങ്ങളില്ലാത്തതാണ് പ്രതിസന്ധി. എക്സ്റേ പരിശോധനയില് പിടിക്കപ്പെടാത്ത രീതിയിലാണ് ഇപ്പോള് കഞ്ചാവും മയക്കുമരുന്നും കടത്തുന്നത്. കഴിഞ്ഞ ദിവസം 13 കോടിയുടെ ഹൈബ്രിഡ് കഞ്ചാവ് കോഴിക്കോട് സ്വദേശിയില് നിന്ന് പിടികൂടിയത് കേരള പൊലീസിന്റെ രഹസ്യാന്വേഷണ വിഭാഗത്തിന് ലഭിച്ച വിവരത്തിന്റെ അടിസ്ഥാനത്തിലായിരുന്നു. ഇല്ലെങ്കില് ഇയാള്
More »
അധികം കളിക്കരുത്; കേരളം ഞെട്ടിപ്പോകുന്ന ബോംബ് വരാനുണ്ടെന്നു സിപിഎമ്മിനോട് വി ഡി സതീശന്
കോഴിക്കോട് : സിപിഎമ്മിനും ബിജെപിക്കും മുന്നറിയിപ്പുമായി പ്രതിപക്ഷ നേതാവ് വി ഡി സതീശന്. സിപിഎമ്മുകാര് ഇക്കാര്യത്തില് അധികം കളിക്കരുത്. വൈകാതെ കേരളം ഞെട്ടുന്ന വാര്ത്ത വരുമെന്നും സതീശന് പറഞ്ഞു. 'സിപിഎമ്മുകാര് അധികം കളിക്കരുത് ഇക്കാര്യത്തില്. കേരളം ഞെട്ടിപ്പോകും. വരുന്നുണ്ട്. വലിയ താമസമൊന്നും വേണ്ട. ഞാന് പറയുന്നതൊന്നും വൈകാറില്ലല്ലോ. തെരഞ്ഞെടുപ്പിനൊക്കെ സമയം ഉണ്ടല്ലോ', വി ഡി സതീശന് പറഞ്ഞു.
കന്റോണ്മെന്റ് ഹൗസിലേക്ക് പ്രതിഷേധം സംഘടിപ്പിക്കാന് ബിജെപി എത്തിച്ച കാളയെ ഉപേക്ഷിക്കരുതെന്നും വൈകാതെ ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിന്റെ വീട്ടിലേക്ക് പ്രതിഷേധം നടത്താന് ആവശ്യം വരുമെന്നും വി ഡി സതീശന് വിമര്ശിച്ചു.
'ബിജെപിക്കാരോട് ഒരു കാര്യം പറയാനുണ്ട്. ഇന്നലെ കന്റോണ്മെന്റ് ഹൗസിലേക്ക് പ്രകടനം നടത്തിയ കാളയെ കളയരുത്. പാര്ട്ടി ഓഫീസിന്റെ മുറ്റത്ത് കെട്ടിയിടണം. അടുത്ത ദിവസങ്ങളില് ആവശ്യം വരും. ആ
More »
