ബജ്രംഗ് ദള് പോലുള്ള സാമൂഹ്യ വിരുദ്ധരാണ് പൊലീസ് സ്റ്റേഷന് ഭരിക്കുന്നത്, ഭരണഘടന പശു തിന്നുന്ന ഗതികേടില്- തുറന്നടിച്ച് തലശ്ശേരി അതിരൂപത ആര്ച്ച് ബിഷപ്പ്
ബജ്രംഗ് ദള് പോലുള്ള സാമൂഹ്യ വിരുദ്ധരാണ് ഛത്തീസ്ഗഡില് പൊലീസ് സ്റ്റേഷന് ഭരിക്കുന്നതെന്നും അവരെ നിലക്കുനിര്ത്താന് ഭരിക്കുന്നവര് തയ്യാറാകണമെന്നും തുറന്നടിച്ച് തലശ്ശേരി അതിരൂപത ആര്ച്ച് ബിഷപ്പ് മാര് ജോസഫ് പാംപ്ലാനി. കേക്കും ലഡുവുമായി തന്റെ അരമനയില് ആരും വന്നിട്ടില്ലെന്നും ഭരണഘടന പശു തിന്നുന്ന ഗതികേടിലാണ് രാജ്യമെന്നും അദ്ദേഹം പറഞ്ഞു. കന്യാസ്ത്രീമാരെ അറസ്റ്റ് ചെയ്തതിനെതിരെ കണ്ണൂര് കരുവഞ്ചാലില് കത്തോലിക്കാ കോണ്ഗ്രസ് നടത്തിയ പ്രതിഷേധ പരിപാടിയില് സംസാരിക്കുകയായിരുന്നു ആര്ച്ച് ബിഷപ്പ് മാര് ജോസഫ് പാംപ്ലാനി.
വിഷയത്തില് എം വി ഗോവിന്ദന് പക്കാരാഷ്ട്രീയം പറയുകയാണ്. എന്നാല്, ഛത്തീസ്ഗഡില് സിസ്റ്റര്മാരെ അറസ്റ്റ് ചെയ്ത സംഭവത്തെ സഭ രാഷ്ട്രീയമായി കാണുന്നില്ല. ഭൂരിപക്ഷത്തിന്റെ പിന്ബലത്തിലും അധികാരത്തിന്റെ തണലിലും സാമൂഹ്യ ദ്രോഹികള് അഴിഞ്ഞാടുകയാണ്. സഭയ്ക്ക് ഇത് രാഷ്ട്രീയ വിഷയമല്ലെന്നും കാലം
More »
സ്വര്ണമാലയ്ക്ക് വേണ്ടി തൃശൂരില് മകന് അച്ഛനെ കൊലപ്പെടുത്തി ചാക്കില്ക്കെട്ടി പറമ്പില് ഉപേക്ഷിച്ചു
തൃശൂര് മുളയത്ത് പിതാവിനെ കൊലപ്പെടുത്തി ചാക്കില്ക്കെട്ടി സമീപത്തെ പറമ്പില് ഉപേക്ഷിച്ച സംഭവത്തില് മകനെ പിടികൂടി. കൂട്ടാല സ്വദേശി സുന്ദരനെയാണ് കൊലപ്പെടുത്തിയത്. സംഭവത്തില് മകന് സുമേഷിനെ പുത്തൂരില്നിന്നാണ് പൊലീസ് പിടികൂടിയത്. പിടികൂടുന്ന സമയത്ത് ഇയാള് മദ്യലഹരിയിലായിരുന്നെന്നാണ് പൊലീസ് പറഞ്ഞു. ചൊവ്വാഴ്ച വൈകിട്ട് ആറുമണിയോടെയാണ് കൊലപാതകം നടന്നതായുള്ള വിവരം നാട്ടുകാര് അറിയുന്നത്.
വീട്ടിലുള്ള സുന്ദരന്റെ ഇളയമകന് ഉള്പ്പെടെ ജോലിക്ക് പോയ സമയത്താണ് കൊലപാതകം നടന്നത്. സുന്ദരന്റെ ഭാര്യ ഉള്പ്പെടെ വീട്ടിലില്ലാത്ത തക്കം നോക്കിയാണ് സുമേഷ് ഇവിടെ എത്തിയിരുന്നത്. ഇവര് ജോലി കഴിഞ്ഞ് വൈകിട്ട് തിരിച്ചെത്തിയപ്പോള് അച്ഛനെ കാണാനുണ്ടായിരുന്നില്ല. തുടര്ന്ന് നടത്തിയ തിരച്ചിലിലാണ് തൊട്ടടുത്ത പറമ്പില് ചാക്കില്ക്കെട്ടിയ നിലയില് സുന്ദരന്റെ മൃതദേഹം കണ്ടെത്തിയത്.
സുന്ദരന്റെ ദേഹത്തുണ്ടായിരുന്ന ആഭരണങ്ങള്
More »
തൃശൂരില് ഗര്ഭിണിയായ 23കാരി ജീവനൊടുക്കി, ഭര്ത്താവിനെതിരെ അവസാന വാട്സാപ്പ് സന്ദേശം പുറത്ത്
തൃശൂര് : ഭര്ത്താവിന്റെ പീഡനത്തെത്തുടര്ന്ന് ഇരിങ്ങാലക്കുടയില് ഗര്ഭിണിയായ യുവതി ജീവനൊടുക്കി. 23കാരിയായ ഫസീല ആണ് മരിച്ചത്. ഭര്ത്താവിന്റെ ഉപദ്രവമാണ് ആത്മഹത്യയ്ക്ക് കാരണമെന്ന് കാട്ടി ഫസീല അവസാനമായി മാതാവിന് അയച്ച വാട്സാപ്പ് സന്ദേശവും പുറത്തുവന്നിട്ടുണ്ട്. ഇതിന് പിന്നാലെ ഭര്ത്താവ് വലിയകത്ത് നൗഫലിനെ (29) ഇരിങ്ങാലക്കുട പൊലീസ് കസ്റ്റഡിയിലെടുത്തു.
ഗര്ഭിണിയായ തന്നെ വയറ്റില് ചവിട്ടിയെന്നും നിരന്തരം മര്ദിക്കുമായിരുന്നു എന്നുമാണ് ഫസീല ഉമ്മയ്ക്കയച്ച വാട്സാപ്പ് സന്ദേശത്തില് പറയുന്നത്. ഭര്തൃമാതാവ് തെറി വിളിച്ചുവെന്നും അവര് തന്നെ കൊല്ലുമെന്നും ഫസീല പറയുന്നുണ്ട്. ആത്മഹത്യയ്ക്ക് പിന്നാലെ പൊലീസില് പരാതി നല്കിയ ഫസീലയുടെ കുടുംബത്തോട് നൗഫലിന്റെ വീട്ടുകാര് വളരെ മോശമായാണ് സംസാരിച്ചതെന്നും ബന്ധുക്കള് പറഞ്ഞു. ഫസീലയുടെ വിവാഹം കഴിഞ്ഞ് ഒരു വര്ഷവും ഒമ്പത് മാസവുമേ ആയിട്ടുള്ളു. ദമ്പതികള്ക്ക് ഒരു
More »
എച്ച്ഐവി ബാധിതനായ യുവാവിനെ സഹോദരിയും ഭര്ത്താവും ചേര്ന്ന് കൊലപ്പെടുത്തി
കര്ണാടകയില് എച്ച്ഐവി ബാധിതനായ യുവാവിനെ സഹോദരിയും ഭര്ത്താവും ചേര്ന്ന് കൊലപ്പെടുത്തി. കുടുംബത്തിന് നാണക്കേടുണ്ടാവുമെന്ന് ഭയന്നാണ് കൊലപാതകം നടത്തിയതെന്നാണ് പ്രതികളുടെ വെളിപ്പെടുത്തല്. കര്ണാടകയിലെ ചിത്ര ദുര്ഗയിലാണ് സംഭവം. മല്ലികാര്ജ്ജുന് എന്ന 23 കാരനെയാണ് സഹോദരിയും ഭര്ത്താവും ചേര്ന്ന് ക്രൂരമായി കൊലപ്പെടുത്തിയത്.
മല്ലികാര്ജ്ജുന് ബെംഗ്ലൂരുവിലെ ഒരു സ്വകാര്യ കമ്പനിയില് ജോലി ചെയ്തു വരികയായിരുന്നു. ഈ കഴിഞ്ഞ ജൂലൈ 23ന് കുടുംബത്തെ കാണാനായി സുഹൃത്തിനൊപ്പം കാറില് യാത്ര ചെയ്യവെ ഇയാള് ഒരു അപകടത്തില്പ്പെടുകയായിരുന്നു. അപകടത്തില് പരിക്കേറ്റ മല്ലികാര്ജ്ജുനെ ചിത്ര ദുര്ഗയിലെ ഒരു ആശുപത്രിയില് പ്രവേശിപ്പിച്ചു. ശസ്ത്രക്രിയ ആവശ്യമാണെന്ന് മനസിലാക്കിയതിന് പിന്നാലെ നടത്തിയ രക്ത പരിശോധനയിലാണ് യുവാവ് എച്ച്ഐവി പോസിറ്റീവാണെന്ന് കണ്ടെത്തിയത്. അമിത രക്തസ്രാവം കണ്ടെത്തിയതോടെ യുവാവിനെ മറ്റൊരു
More »
ജാമ്യാപേക്ഷ സെഷന്സ് കോടതി പരിഗണിച്ചില്ല: കന്യാസ്ത്രീകള് ജയിലില് തന്നെ
മതപരിവര്ത്തനവും മനുഷ്യക്കടത്തും ആരോപിച്ച് ഛത്തീസ്ഗഡില് അറസ്റ്റിലായ കന്യാസ്ത്രീകളുടെ ജാമ്യാപേക്ഷ സെഷന്സ് കോടതി പരിഗണിച്ചില്ല. ബുധനാഴ്ച ജാമ്യംതേടി ദുര്ഗിലെ സെഷന്സ് കോടതിയെ സമീപിച്ചെങ്കിലും കോടതി ജാമ്യാപേക്ഷ പരിഗണിച്ചില്ല. മനുഷ്യക്കടത്ത് അടക്കമുള്ള വകുപ്പുകള് ചുമത്തിയതിനാല് ജാമ്യാപേക്ഷ പരിഗണിക്കാന് തങ്ങള്ക്ക് അധികാരമില്ലെന്നായിരുന്നു സെഷന്സ് കോടതിയുടെ നിലപാട്. വിഷയത്തില് ബിലാസ്പുരിലെ എന്ഐഎ കോടതിയെ സമീപിക്കാനും കോടതി നിര്ദേശിച്ചു.
കന്യാസ്ത്രീകള്ക്ക് ജാമ്യം ലഭിച്ചില്ലെന്ന് അറിഞ്ഞതോടെ കോടതിക്ക് പുറത്ത് ബജ്റങ്ദള് പ്രവര്ത്തകരുടെ വന് ആഘോഷപ്രകടനം അരങ്ങേറി.ജാമ്യാപേക്ഷ പരിഗണിക്കുമെന്ന വിവരമറിഞ്ഞ് ബുധനാഴ്ച രാവിലെ മുതല് തന്നെ ജ്യോതിശര്മ അടക്കമുള്ള നേതാക്കളുടെ നേതൃത്വത്തില് ബജ്റങ്ദള് പ്രവര്ത്തകര് കോടതിക്ക് മുന്നില് തടിച്ചുകൂടിയിരുന്നു.
കന്യാസ്ത്രീകള്ക്ക്
More »
കന്യാസ്ത്രീകള്ക്ക് നീതി ലഭ്യമാക്കാനുള്ള എല്ലാ സഹായവും ചെയ്തിട്ടുണ്ടെന്നു ഷോണ് ജോര്ജ്
തിരുവനന്തപുരം : ഛത്തീസ്ഗഡില് മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തില് പ്രതികരിച്ച് ബിജെപി സംസ്ഥാന ഉപാധ്യക്ഷന് ഷോണ് ജോര്ജ്. കന്യാസ്ത്രീകള്ക്ക് നീതി ലഭ്യമാക്കുമെന്നും അറസ്റ്റില് ബിജെപി എന്തു ചെയ്തു എന്ന് സഭാ നേതൃത്വത്തിനും കന്യാസ്ത്രികളുടെ കുടുംബത്തിനും അറിയാമെന്നും അദ്ദേഹം പറഞ്ഞു.
സിസ്റ്റര്മാര് തെറ്റിദ്ധരിക്കപ്പെട്ടതാണ് വിഷയം, രണ്ട് സിസ്റ്റര്മാരും റിമാന്ഡില് ആയതിന് ശേഷമാണ് വിഷയത്തെ കുറിച്ച് അറിയുന്നത്. റെയില്വേ പ്ലാറ്റ്ഫോമില്, പ്ലാറ്റ്ഫോം ടിക്കറ്റ് എടുക്കാതെ ആളുകളെ കാണുകയും റെയില്വേ പൊലീസ് ചോദിച്ചപ്പോള് വ്യക്തമായി വിശദീകരിക്കാന് കഴിയാതെ വന്നതുമാണ് പ്രശ്നമായത്. എല്ലാ സഹായവും ബിജെപി സംസ്ഥാന ഘടകം ചെയ്തിട്ടുണ്ടെന്നും ഷോണ് ജോര്ജ് അറിയിച്ചു.
മൂന്നു ദിവസമായി കുടുംബങ്ങളുമായി ബന്ധപ്പെടുന്നുണ്ട്. പ്രധാനമന്ത്രിയുടെ ഓഫീസും വിഷയത്തില് ഇടപെട്ടു. അധികം വൈകാതെ
More »
കന്യാസ്ത്രീകളുടെ അറസ്റ്റില് മതപരിവര്ത്തനം ആവര്ത്തിച്ച് ഛത്തീസ്ഗഡ് മുഖ്യമന്ത്രി; പ്രതിപക്ഷ എംപിമാരുടെ സംഘം ഛത്തീസ്ഗഡിലേക്ക്
കന്യാസ്ത്രീകളുടെ അറസ്റ്റുമായി ബന്ധപ്പെട്ട വിഷയത്തില് പെണ്കുട്ടികളെ പ്രലോഭിപ്പിച്ച് മനുഷ്യക്കടത്തും, മത പരിവര്ത്തനവും നടന്നു എന്ന ആരോപണം ഏറ്റെടുത്ത് ഛത്തീസ്ഗഡ് മുഖ്യമന്ത്രി വിഷ്ണു ദേവ് സായ്. സ്ത്രീ സുരക്ഷയുമായി ബന്ധപ്പെട്ട ഗുരുതര വിഷയമാണ്. അന്വേഷണം പുരോഗമിക്കുകയാണ്. നിയമപ്രകാരം നടപടികള് ഉണ്ടാകും. വിഷയത്തിന് രാഷ്ട്രീയ നിറം നല്കരുതെന്നും വിഷ്ണു ദേവ് സായ് പ്രതികരിച്ചു.
അതിനിടെ, ഛത്തീസ്ഗഡില് കന്യാസ്ത്രീകളെ അറസ്റ്റ് ചെയ്തതില് കൂടെയുണ്ടായിരുന്ന പെണ്കുട്ടിയുടെ സംഭവ സമയത്തെ പ്രതികരണം നിര്ണ്ണായകമാവുകയാണ്. സ്വന്തം ഇഷ്ടപ്രകാരമാണ് തങ്ങള് പോയതെന്നും ആരുടേയും നിര്ബന്ധം ഉണ്ടായിട്ടില്ലെന്നും പ്രാദേശിക മാധ്യമപ്രവര്ത്തകയോട് ഒരു പെണ്കുട്ടി പറയുന്ന വീഡിയോ പുറത്തുവന്നിട്ടുണ്ട്. തങ്ങള് ക്രൈസ്തവ വിശ്വസികളാണ് എന്നും പെണ്കുട്ടി പറയുന്നുണ്ട്.എന്നാല് ഈ മൊഴി പെണ്കുട്ടി മാറ്റുമോ എന്നാണു
More »
നഴ്സുമാര് 3.6% വേതന വര്ധന ഓഫര് തള്ളി; സര്ക്കാരിന് പുതിയ തലവേദന
റെസിഡന്റ് ഡോക്ടര്മാരുടെ അഞ്ചുദിവസ പണിമുടക്കിന് പിന്നാലെ വേതന വര്ധനയുടെ പേരില് നഴ്സുമാരും ഇടയുന്നു. ലേബര് സര്ക്കാര് ഓഫര് ചെയ്ത നാമമാത്രമായ ശമ്പളവര്ധനവില് വിശ്വസിച്ച് മുന്നോട്ട് പോകേണ്ടതില്ലെന്ന് എന്എച്ച്എസ് നഴ്സുമാര് തീരുമാനിക്കുമെന്നാണ് സൂചന. ഇതോടെ എന്എച്ച്എസിനും, ഗവണ്മെന്റിനും തിരിച്ചടിയായി നഴ്സുമാരും സമരമുഖത്തേക്ക് എത്തുമെന്നാണ് വ്യക്തമാകുന്നത്.
റോയല് കോളേജ് ഓഫ് നഴ്സിംഗ് നടത്തിയ സൂചനാ ബാലറ്റില് 3.6 ശതമാനം പേര് സര്ക്കാര് ഓഫര് വോട്ടിനിട്ട് തള്ളാന് പിന്തുണ ലഭിക്കുന്നതായാണ് വിവരം. ഈ വര്ധന പണപ്പെരുപ്പം കൊണ്ട് മാത്രം കവരാന് സാധ്യതയുണ്ടെന്ന് ചൂണ്ടിക്കാണിക്കപ്പെടുന്നു.
ഭൂരിപക്ഷവും സമര നടപടിയെ പിന്തുണയ്ക്കുന്നുണ്ടെങ്കിലും നിയമപരമായി 50 ശതമാനത്തിലേറെ പേര് വോട്ടിംഗില് പങ്കെടുക്കണമെന്ന നിബന്ധന പാലിച്ചില്ല. ഇതോടെ യൂണിയന് സമ്പൂര്ണ്ണ വോട്ടിംഗ് നടത്താന്
More »
പഹല്ഗാം ഭീകരാക്രമണത്തിന്റെ മുഖ്യ സൂത്രധാരന് ഉള്പ്പെടെ മൂന്ന് പേരെ വധിച്ചു
ശ്രീനഗര് : പഹല്ഗാം ഭീകരാക്രമണത്തിന്റെ മുഖ്യ സൂത്രധാരന് ഹാഷിം മൂസ ഉള്പ്പെടെ മൂന്ന് പേരെ വധിച്ച് സുരക്ഷ സേന. ശ്രീനഗറിലെ ഹര്വാനിലെ ഡാച്ചിഗാം ദേശീയ ഉദ്യാനത്തിനടുത്തുള്ള ലിഡ്വാസ് പ്രദേശത്ത് ഇന്ന് നടന്ന ഏറ്റുമുട്ടലിലാണ് മൂന്ന് തീവ്രവാദികള് കൊല്ലപ്പെട്ടത്.
മുള്നാര് മേഖലയില് തീവ്രവാദ നീക്കം നടക്കുന്നതായി ഇന്റലിജന്സ് വിഭാഗത്തിന് വിവരങ്ങള് ലഭിച്ചിരുന്നു. ഇതിന്റെ അടിസ്ഥാനത്തില് ഇന്ത്യന് സൈന്യവും ജമ്മു കശ്മീര് പൊലീസും സെന്ട്രല് റിസര്വ് പൊലീസ് ഫോഴ്സും (സിആര്പിഎഫ്) ചേര്ന്നാണ് ഓപ്പറേഷന് മഹാദേവ് എന്ന പേരില് ഭീകരവിരുദ്ധ ഓപ്പറേഷന് നടത്തിയത്.
മൂന്ന് തീവ്രവാദികള് കൊല്ലപ്പെട്ടതായി സുരക്ഷ ഉദ്യോഗസ്ഥര് തന്നെ സ്ഥിതീകരിച്ചിട്ടുണ്ട്. ഇന്ന് രാവിലെയാണ് ഏറ്റുമുട്ടല് ആരംഭിച്ചത്. ഓപ്പറേഷന് തുടര്ന്ന് കൊണ്ടിരിക്കുകയാണെന്നും സൈന്യം പുറത്തിറക്കിയ പ്രസ്താവനയില് പറയുന്നു. മരിച്ച
More »
