വെങ്ങാനൂരില് ഒന്പതാം ക്ലാസ് വിദ്യാര്ഥി വീടിനുള്ളില് മരിച്ച നിലയില്
തിരുവനന്തപുരം വെങ്ങാനൂരില് ഒന്പതാം ക്ലാസ് വിദ്യാര്ഥിയെ മരിച്ച നിലയില് കണ്ടെത്തി. 14 വയസുകാരനായ അലോക്നാഥന് ആണ് മരിച്ചത്. വീടിനുള്ളിലാണ് മരിച്ച നിലയില് കണ്ടെത്തിയത്. കുട്ടിയുടെ കഴുത്തില് പാടുകള് ഉണ്ടായിരുന്നു. പൊലീസ് സ്ഥലത്തെത്തി അന്വേഷണം ആരംഭിച്ചു.
വെങ്ങാനൂര് വില്ലേജ് ഓഫീസിന് സമീപത്തെ വീട്ടിലാണ് സംഭവം. ഇന്ന് രാവിലെ 7 മണിക്കാണ് സംഭവം നടന്നത്. മൊട്ടമൂട് ചിന്മയ സ്കൂളിലെ വിദ്യാര്ത്ഥിയാണ് അലോകനാഥന്. പോസ്റ്റുമോര്ട്ടം നടപടികള്ക്ക് ശേഷം മാത്രമേ മരണകാരണം വ്യക്തമാകൂ.
രാവിലെ മുറിയിലെത്തിയ അമ്മയാണ് മകനെ തറയില് കിടക്കുന്ന നിലയില് കണ്ടത്. വീട്ടില് സഹായിക്കാനെത്തുന്ന നഴ്സ് കൂടിയായ യുവതിയുടെ സഹായത്തോടെ പ്രാഥമ ശുശ്രൂഷ നല്കി ആശുപത്രിയിലേക്കു കൊണ്ടുപോയെങ്കിലും മരിച്ചു.
മുറിയില് സാധനങ്ങള് വലിച്ചുവാരിയിട്ട നിലയിലായിരുന്നു. അലോക്നാഥിന്റെ പിതാവ് ഗള്ഫിലാണ്. അമ്മയ്ക്കും
More »
കൊല്ലത്ത് റെയില്വേ പാളത്തിന് കുറുകെ ടെലിഫോണ് പോസ്റ്റ്, മാറ്റിയപ്പോള് വീണ്ടുമിട്ടു
കൊല്ലം കുണ്ടറയില് റെയില്വേ പാളത്തിന് കുറുകെ ടെലിഫോണ് പോസ്റ്റ്. ഇന്ന് പുലര്ച്ചെ ഒന്നര മണിയോടെയാണ് പോസ്റ്റ് റെയില്പാളത്തില് ആദ്യം കണ്ടെത്തുന്നത്. പൊലീസെത്തി പോസ്റ്റ് മാറ്റിയിട്ടെങ്കിലും വീണ്ടും പരിശോധനയില് പോസ്റ്റ് കണ്ടെത്തി. പുനലൂര് റെയില്വേ പൊലീസ് സംഭവത്തില് അന്വേഷണം ആരംഭിച്ചിട്ടുണ്ട്. ട്രെയിന് അട്ടിമറി ശ്രമമാണോ നടന്നതെന്ന് കേന്ദ്രീകരിച്ചാണ് അന്വേഷണം.
പുലര്ച്ചെ പോസ്റ്റ് കണ്ട സമീപത്തുള്ള ഒരാള് അധികൃതരെ വിവരമറിയിക്കുകയായിരുന്നു. തുടര്ന്ന് ഏഴുകോണ് പൊലീസെത്തി ഈ പോസ്റ്റ് മാറ്റിയിട്ടു. പിന്നീട് മണിക്കൂറുകള്ക്ക് ശേഷം റെയില്വേ പൊലീസ് എത്തി പരിശോധന നടത്തിയപ്പോള് വീണ്ടും പോസ്റ്റ് കണ്ടെത്തുകയായിരുന്നു. ഇത് ട്രെയിന് അട്ടിമറിശ്രമത്തിലേക്കുള്ള സംശയം വര്ധിപ്പിക്കുന്നുണ്ട്.
പാലരുവി എക്സ്പ്രസടക്കം കടന്നുപോകുന്ന സമയത്താണ് പോസ്റ്റ് കണ്ടെത്തുന്നത്. എന്നാല് ട്രെയിന് എത്തുന്നതിന്
More »
ചട്ട ലംഘനം; ബിബിസിയ്ക്ക് 3.44 കോടി രൂപ പിഴ ചുമത്തി ഇ ഡി
വിദേശനാണ്യ വിനിമയ ചട്ടം ലംഘിച്ചതിന് ബിബിസി ഇന്ത്യയ്ക്ക് 3.44 കോടി പിഴ ചുമത്തി എന്ഫോഴ്സ്മെന്റ് ഡയറക്ടറേറ്റ്. ആന്റണി ഹണ്ട്, ഇന്ദു ശേഖര് സിന്ഹ, പോള് മൈക്കല് ഗിബ്ബണ്സ് തുടങ്ങി ബിബിസിയുടെ മൂന്ന് ഡയറക്ടര്മാര് 1.14 കോടി പിഴ നല്കണമെന്നും ഇ ഡി വ്യക്തമാക്കി. 2023 ല് ഡയറക്ടര്മാര്ക്ക് ഇ ഡി നോട്ടീസ് നല്കിയിരുന്നു. ഇതിന് പിന്നാലെയാണ് പിഴ ചുമത്തല് നടപടി.
2021 ഒക്ടോബര് 15 മുതല് ഇതുവരെ ഓരോ ദിവസവും 5000 രൂപ വെച്ചാണ് പിഴ ഈടാക്കിയിരിക്കുന്നത്. ഫോറിന് എക്സ്ചേഞ്ച് മാനേജ്മെന്റ് ആക്ട് (ഫെമ) ലംഘനങ്ങള് ചൂണ്ടിക്കാണിച്ചാണ് ബിബിസിക്കെതിരായ നടപടി. 100 ശതമാനം വിദേശ നിക്ഷേപമുള്ള കമ്പനിയാണ് ബിബിസി ഇന്ത്യ. 2019 സെപ്റ്റംബര് 18 ന് ഡിപ്പാര്ട്ട്മെന്റ് ഫോര് പ്രൊമോഷന് ഓഫ് ഇന്ഡസ്ട്രി ആന്ഡ് ഇന്റേണല് ട്രേഡ് (ഡിപിഐഐടി) പുറത്തിറക്കിയ പ്രസ് നോട്ട് 4 പ്രകാരം, ഡിജിറ്റല് മീഡിയയ്ക്ക് 26 ശതമാനം എഫ്ഡിഐ പരിധി വ്യവസ്ഥ ചെയ്യുന്നുണ്ട്. ഇത്
More »
വിദേശങ്ങളിലേക്കുള്ള സുരക്ഷിത കുടിയേറ്റം: നിയമനിര്മാണ സാധ്യത പഠിക്കാന് 10 അംഗ സമിതി
തിരുവനന്തപുരം : കേരളത്തില് നിന്നുള്ള രാജ്യാന്തര റിക്രൂട്ട്മെന്റ് മേഖലയിലെ സുതാര്യത ഉറപ്പുവരുത്തി സുരക്ഷിത കുടിയേറ്റം സാധ്യമാക്കുന്നതിന് നിയമ നിര്മാണ സാധ്യത പരിശോധിക്കാന് സംസ്ഥാന സര്ക്കാര് 10 അംഗ സമിതി രൂപീകരിച്ചു. അനധികൃത റിക്രൂട്ട്മെന്റ് ഏജന്റുമാരുടെ കെണിയില്പ്പെട്ട് പലരും ദുരിതത്തിലാകുന്ന സാഹചര്യത്തിലാണ് സര്ക്കാര് നടപടി. അഭ്യന്തര വകുപ്പ് അഡീഷനല് ചീഫ് സെക്രട്ടറി, ഡിജിപി, നോര്ക്ക സെക്രട്ടറി, നിയമ വകുപ്പ് സെക്രട്ടറി, നിയമസഭാ സെക്രട്ടറി, നോര്ക്ക റൂട്ട്സ് റസിഡന്റ് വൈസ് ചെയര്മാന്, ലോക കേരള സഭാ സെക്രട്ടറിയേറ്റ് ഡയറക്ടര്, നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫിസര്, എന്ആര്ഐ സെല് പൊലീസ് സൂപ്രണ്ട്, ഐഐഎംഎഡി ചെയര് എന്നിവരാണ് കമ്മിറ്റി അംഗങ്ങള്.
ലൈസന്സില്ലാതെ പ്രവര്ത്തിക്കുന്ന റിക്രൂട്ട്മെന്റ് സ്ഥാപനങ്ങള്, ഏജന്റുമാര്, ഇടനിലക്കാര് തുടങ്ങിയവര് നിയമ പരിമിതികള് മനസിലാക്കി
More »
ചരിത്രം; കേരളം ആദ്യമായി രഞ്ജി ട്രോഫി ഫൈനലില്, എതിരാളികള് വിദര്ഭ
അഹമ്മദാബാദ് : കേരളം ചരിത്രത്തിലാദ്യമായി രഞ്ജി ട്രോഫി ഫൈനലില് പ്രവേശിച്ചു. ത്രസിപ്പിക്കുന്ന സെമിപോരാട്ടത്തില് ഗുജറാത്തിനെതിരെ നേടിയ രണ്ടു റണ്സിന്റെ ഒന്നാം ഇന്നിങ്സ് ലീഡിന്റെ അകമ്പടിയിലാണ് കേരളം ചരിത്രത്തിലാദ്യമായി രഞ്ജി ട്രോഫിയുടെ ഫൈനലിലേക്ക് പ്രവേശനം നേടിയത്.
ഏറക്കുറേ സാധ്യതകള് അസ്തമിച്ചെന്ന് കരുതിയിടത്ത് നിന്ന് അവസാന വിക്കറ്റ് വീഴ്ത്തി ലീഡ് പിടിച്ചെടുക്കുകയായിരുന്നു. രണ്ടാം ഇന്നിങ്സിന് ഇറങ്ങിയ കേരളത്തിന് 114 റണ്സെടുക്കുന്നതിനിടെ നാല് വിക്കറ്റുകള് നഷ്ടമായിരുന്നു. സമനിലയില് പിരിഞ്ഞ മത്സരത്തില് ഒന്നാംഇന്നിങ്സിന്റെ ലീഡോഡെയാണ് കേരളം ഫൈനലില് പ്രവേശിച്ചത്.
ഏഴിന് 429 റണ്സുമായി അവസാന ദിനം ഇറങ്ങിയ ഗുജറാത്തിനെതിരെ 28 റണ്സിനിടെ മൂന്നു വിക്കറ്റെടുക്കണമെന്ന വലിയ വെല്ലുവിളിയായിരുന്നു കേരളത്തിനുണ്ടായിരുന്നത്. കേരളം 455 റണ്സിന് ഗുജറാത്തിനെ എറിഞ്ഞിട്ടു. ലീഡിന് രണ്ട് റണ്സ് മാത്രം അകലെ നാഗസ്വലയുടെ
More »
കൊച്ചിയില് കസ്റ്റംസ് കമ്മീഷണറുടെയും കുടുംബത്തിന്റെയും കൂട്ടമരണം; ആത്മഹത്യ സംശയിച്ചു പോലീസ്
കാക്കനാട് ജിഎസ്ടി കമ്മീഷണറുടേയും കുടുംബത്തിന്റെയും മരണത്തില് കൂടുതല് തെളിവുകള് പൊലീസിന്. സഹോദരിയുടെ ജോലി നഷ്ടമായതിന്റെ മനോവിഷമത്തില് കൂട്ട ആത്മഹത്യ ചെയ്തിരിക്കാമെന്ന സൂചനയാണ് പൊലീസിന് ലഭിച്ചിരിക്കുന്നത്. അടുക്കളയില് രേഖകള് കത്തിച്ചതിന്റെ അവശിഷ്ടങ്ങളും ഡയറിക്കുറിപ്പുകളും കണ്ടെത്തി. സഹോദരിയുടെ ജോലിയുമായി ബന്ധപ്പെട്ട രേഖകള് ആകാമെന്നാണ് പൊലീസിന്റെ നിഗമനം.
ഝാര്ഖണ്ഡ് സ്റ്റേറ്റ് സര്വീസില് ജോലി ലഭിച്ച സഹോദരിക്ക് ജോലി നഷ്ടമായതിന്റെ മാനസിക ബുദ്ധിമുട്ട് ഉണ്ടായിരുന്നുവെന്ന് സൂചിപ്പിക്കുന്ന ഡയറിക്കുറിപ്പുകള് പൊലീസിന് ലഭിച്ചെന്നാണ് സൂചന. മനീഷിന്റെ അമ്മയാണ് ആദ്യം മരിച്ചതെന്നാണ് പൊലീസ് സംശയിക്കുന്നത്. അതിന് ശേഷമാകാം മനീഷും സഹോദരിയും തൂങ്ങിമരിച്ചത്. അമ്മയുടെ മരണം എങ്ങനെയെന്ന് പോസ്റ്റ്മോര്ട്ടം റിപ്പോര്ട്ട് പുറത്തുവരുമ്പോള് തെളിയുമെന്ന് പൊലീസ് പ്രതീക്ഷിക്കുന്നു.
തൃക്കാക്കരയില് മരിച്ച
More »
കാല് നൂറ്റാണ്ടിനു ശേഷം ഡല്ഹി ഭരണം ബിജെപിയ്ക്ക്; രേഖാ ഗുപ്ത മുഖ്യമന്ത്രിയായി സ്ഥാനമേറ്റു
ന്യൂഡല്ഹി : ഭാരതീയ ജനതാ പാര്ട്ടിയുടെ രേഖ ഗുപ്ത ഡല്ഹി മുഖ്യമന്ത്രിയായി സത്യപ്രതിജ്ഞ ചെയ്തു. വ്യാഴാഴ്ച ഉച്ചകഴിഞ്ഞ് നഗരത്തിലെ രാംലീല മൈതാനിയില് നടന്ന സത്യപ്രതിജ്ഞാ ചടങ്ങില് പ്രധാനമന്ത്രി നരേന്ദ്രമോദിയുടെ സാന്നിദ്ധ്യത്തിലാണ് അധികാരമേറ്റത്. ബിജെപിയുടെ രണ്ടാമത്തെ വനിതാനേതാവും നാലാമത്തെ ഡല്ഹി മുഖ്യമന്ത്രിയുമാണ് രേഖാഗുപ്ത.
ബിജെപിയുടെ സുഷമ സ്വരാജ്, കോണ്ഗ്രസിന്റെ ഷീലാ ദീക്ഷിത്, ആം ആദ്മി പാര്ട്ടിയുടെ അതിഷി എന്നിവരുടെ പിന്ഗാമിയായിട്ടാണ് രേഖയും എത്തുന്നത്. ന്യൂഡല്ഹി മണ്ഡലത്തില് ആം ആദ്മി നേതാവ് അരവിന്ദ് കെജ്രിവാളിനെ തോല്പ്പിച്ച് 'ഭീമന് കൊലയാളി' എന്ന് സ്വയം വിശേഷിപ്പിക്കപ്പെട്ട പര്വേഷ് വര്മ്മ ഉള്പ്പെടെയുള്ള അവരുടെ ആറ് പാര്ട്ടി സഹപ്രവര്ത്തകര് കൂടി സത്യപ്രതിജ്ഞ ചെയ്തു. ഗുപ്തയ്ക്ക് പിന്നാലെയാണ് വര്മ രണ്ടാമനായി സത്യപ്രതിജ്ഞ ചെയ്തത്.
പ്രധാനമന്ത്രി നരേന്ദ്രമോദി, ആഭ്യന്തരമന്ത്രി അമിത് ഷാ,
More »
പാകിസ്ഥാനായി ചാരപ്പണി: മലയാളി അടക്കം മൂന്നു പേര് പിടിയില്
ന്യൂഡല്ഹി : വിശാഖപട്ടണം ചാരക്കേസില് മലയാളി ഉള്പ്പെടെ മൂന്നു പേര് കൂടി അറസ്റ്റിലായി. മലയാളിയായ പിഎ അഭിലാഷിനെ കൊച്ചിയില് നിന്നാണ് എന്ഐഎ സംഘം അറസ്റ്റ് ചെയ്തത്. കര്ണാടകയിലെ ഉത്തര കന്നട ജില്ലയില് നിന്നും വേദന് ലക്ഷ്മണ് ടന്ഡേല്, അക്ഷയ് രവി നായിക് എന്നിവരെയും പിടികൂടി. രഹസ്യ നാവിക പ്രതിരോധ വിവരങ്ങള് ഉള്പ്പെടെ ചോര്ത്തിയ കേസിലാണു നടപടി. ഇതോടെ അറസ്റ്റിലായവരുടെ ആകെ എണ്ണം എട്ടായി. പിടിയിലായവര് സാമൂഹിക മാധ്യമങ്ങളിലൂടെ പാക് ചാരസംഘടനയുമായി ബന്ധപ്പെട്ടിരുന്നുവെന്നാണ് എന്ഐഎ കണ്ടെത്തല്.
അറസ്റ്റിലായ മൂന്നുപേരും കാര്വാര് നാവിക സേന ആസ്ഥാനത്തെയും കൊച്ചി നാവിക സേനാ ആസ്ഥാനത്തെയും സുപ്രധാന വിവരങ്ങള് കൈമാറുകയും അതിന് പണം കൈപ്പറ്റുകയും ചെയ്തുവെന്നും എന്ഐഎ അന്വേഷണത്തില് കണ്ടെത്തി. നാവികസേനയുടെ സുപ്രധാന വിവരങ്ങള് പാക് ചാരസംഘടനയ്ക്ക് കൈമാറിയെന്നാണ് കേസ്. കേസില് നേരത്തെ അഞ്ചു പേരെ അറസ്റ്റ്
More »
വിവാഹമോചന കരാറില് വ്യാജ ഒപ്പിട്ടു, മകളുടെ പേരിലുള്ള ഇന്ഷുറന്സിലും തിരിമറി'; നടന് ബാലയ്ക്കെതിരെ കേസ്
നടന് ബാലയ്ക്കെതിരെ കേസ് എടുത്ത് പൊലീസ്. ഗായികയും ബാലയുടെ മുന് ഭാര്യയുമായ അമൃത സുരേഷിന്റെ പരാതിയിലാണ് കേസ്. വിവാഹമോചന കരാറില് വ്യാജ ഒപ്പിട്ടെന്നും മകളുടെ പേരിലുള്ള ഇന്ഷുറന്സിലും തിരിമറി നടത്തിയെന്നതടക്കമുള്ള കുറ്റങ്ങളാണ് ബാലയ്ക്കെതിരെ ഉള്ളത്. നേരത്തെയും ബാലക്കെതിരെ കേസ് എടുത്തിരുന്നു.
എറണാകുളം സെന്ട്രല് സ്റ്റേഷനില് നല്കിയ പരാതിയുടെ അടിസ്ഥാനത്തിലാണ് കേസ്. കോടതി രേഖകളില് കൃത്രിമം കാണിച്ചെന്നാണ് അമൃതയുടെ പരാതി. നേരത്തെ സോഷ്യല് മീഡിയയില് തന്നെ അപകീര്ത്തിപ്പെടുത്തിയെന്ന അമൃതയുടെ പരാതിയില് ബാലയെ അറസ്റ്റ് ചെയ്തിരുന്നു. മകളുമായി ബന്ധപ്പെട്ട് അടക്കം ബാല നടത്തിയ പരാമര്ശങ്ങള് അറസ്റ്റിന് കാരണമായിരുന്നു. ബാലയുടെ മാനേജര് രാജേഷ്, സുഹൃത്ത് അനന്തകൃഷ്ണന് എന്നിവരും കേസിലെ പ്രതികളായിരുന്നു.
വിവാഹമോചന കരാറിലെ കോംപ്രമൈസ് എഗ്രിമെന്റില് കൃത്രിമം കാണിച്ചെന്നും അമൃതയുടെ ഒപ്പ് വ്യാജമായി
More »
