ഷൂട്ടിങ് തുടങ്ങാതെ ആദ്യ ഷെഡ്യൂള് കഴിഞ്ഞെന്ന് പറഞ്ഞ് പണം വാങ്ങി; സൗബിന് കോടികള് തട്ടിയെന്ന് പൊലീസ്
മഞ്ഞുമ്മല് ബോയ്സ് സിനിമയുമായി ബന്ധപ്പെട്ട സാമ്പത്തിക തര്ക്കത്തില് ചിത്രത്തിന്റെ നിര്മ്മാതാവായ പറവ ഫിലിംസ് ഉടയും നടനുമായ സൗബിനെ പൊലീസ് വീണ്ടും ചോദ്യം ചെയ്യും. നിലവില് നികുതി വെട്ടിപ്പുമായി ബന്ധപ്പെട്ട് ഇന്കം ടാക്സിന്റെയും എന്ഫോഴ്സ്മെന്റ് ഡയറക്ടറേറ്റിന്റെയും അന്വേഷണം പുരോഗമിക്കുകയാണ്. അതിന് പിന്നാലെയാണ് പൊലീസ് വീണ്ടും സൗബിനെ ചോദ്യം ചെയ്യാന് ഒരുങ്ങുന്നത്.
അരൂര് സ്വദേശി സിറാജ് ഹമീദിന്റെ പരാതിയിലാണ് സൗബിനെതിരെ കേസ് എടുത്തത്. നാല്പത് ശതമാനം ലാഭവിഹിതം വാഗ്ദാനം ചെയ്ത് സൗബിനും സംഘവും മഞ്ഞുമ്മല് ബോയ്സ് സിനിമയ്ക്കായി സിറാജില് നിന്ന് ഏഴ് കോടിയിലധികം രൂപ വാങ്ങിയിരുന്നു. എന്നാല് മുടക്കുമുതല് പോലും തിരിച്ചു കിട്ടാത്തതിനെ തുടര്ന്നാണ് സിറാജ് പൊലീസിനെ സമീപിച്ചത്.
സിനിമയുടെ ചിത്രീകരണം ആരംഭിക്കുന്നതിന് മുന്നേ ആദ്യ ഷെഡ്യൂള് പൂര്ത്തിയായതായി വിശ്വസിപ്പിച്ചാണ് സൗബിനും സംഘവും കോടികള്
More »
പുഷ്പ 2 കാണാനെത്തിയ യുവതിയുടെ മരണം; അല്ലു അര്ജുനെതിരെ കേസ്
പുഷ്പ 2 പ്രീമിയര് ഷോ കാണാനെത്തിയ യുവതി തിക്കിലും തിരക്കിലുംപെട്ട് മരിച്ച സംഭവത്തില് നടന് അല്ലു അര്ജുനെതിരെ കേസ്. ഹൈദരാബാദിലെ സന്ധ്യ തിയറ്ററില് അല്ലു എത്തിയതിന് പിന്നാലെയുണ്ടായ തിക്കിലും തിരക്കിലുംപെട്ടായിരുന്നു രേവതി എന്ന 35കാരി മരിച്ചത്. നേരത്തേ തിയറ്റര് മാനേജര്ക്കെതിരെ പൊലീസ് കേസെടുത്തിരുന്നു. ഇതിന് പിന്നാലെയാണ് അല്ലു അര്ജുനേയും കേസില് പ്രതി ചേര്ത്തത്.
പുഷ്പ 2 പ്രീമിയര് ഷോ കാണാന് സംഗീത സംവിധായകന് ദേവി ശ്രീ പ്രസാദിനൊപ്പം അല്ലു അര്ജുന് സന്ധ്യ തിയറ്ററില് എത്തുകയായിരുന്നു. അല്ലു അടക്കമുള്ളവര് തിയറ്റര് സന്ദര്ശിക്കുമെന്ന് മുന്നറിയിപ്പുണ്ടായിരുന്നില്ലെന്ന് ഹൈദരാബാദ് പൊലീസ് അറിയിച്ചു. അഭിനേതാക്കള്ക്ക് പ്രവേശിക്കാനും തിരികെ പോകാനും പ്രത്യേക പ്രവേശന വാതില് ഉണ്ടായിരുന്നില്ലെന്നും പൊലീസ് അറിയിച്ചു.
അല്ലു അര്ജുന്റെ കടുത്ത ആരാധകനായിരുന്ന മകന് തേജിന്റെ നിര്ബന്ധം മൂലമാണ്
More »
സുരേഷ് ഗോപിക്ക് സിനിമയില് അഭിനയിക്കാന് ബിജെപി നേതൃത്വം അനുമതി നല്കി
കേന്ദ്രമന്ത്രി സുരേഷ് ഗോപി സിനിമാഭിനയത്തിനായി ഉടന് ക്യാമറയ്ക്ക് മുന്നിലെത്തും. ഇക്കാര്യത്തില് ബി.ജെ.പി. ഉന്നതനേതൃത്വം തത്വത്തില് അനുമതി നല്കി. ഔദ്യോഗിക അനുമതി ഉടനുണ്ടാവും. എട്ടുദിവസമാണ് ആദ്യഷെഡ്യൂളില് അനുവദിച്ചിരിക്കുന്നത്. സിനിമയിലെ കഥാപാത്രമാകാന് സുരേഷ് ഗോപി താടിവളര്ത്തിത്തുടങ്ങിയിട്ടുമുണ്ട്.
ചിത്രീകരണം തിരുവനന്തപുരത്താണ്. സുരേഷ് ഗോപിയുടെ ഷൂട്ടിങ് 29-നാണ് തുടങ്ങുക. ജനുവരി അഞ്ചുവരെയാണ് അനുമതി. ഈ ദിവസങ്ങളില് സെന്ട്രല് ജയിലുമായി ബന്ധപ്പെട്ട അദ്ദേഹത്തിന്റെ പരമാവധിഭാഗം ചിത്രീകരിക്കും.
ഏറ്റെടുത്തിട്ടുള്ള പല പ്രവര്ത്തനങ്ങളും മുന്നോട്ടുകൊണ്ടുപോകാനുള്ള വരുമാനത്തിനായി അഭിനയം ഒഴിവാക്കാന് കഴിയില്ലെന്നായിരുന്നു അദ്ദേഹത്തിന്റ നിലപാട്. എന്നാല് മാസങ്ങള് കാത്തിരുന്നിട്ടും ഇക്കാര്യത്തില് ബി.ജെ.പി. കേന്ദ്രനേതൃത്വം അനുകൂല തീരുമാനമെടുത്തിരുന്നില്ല.
ഒറ്റക്കൊമ്പന് എന്ന സിനിമയിലെ
More »
പുഷ്പ-2 റിലീസിനിടെ ദുരന്തം; തിക്കിലും തിരക്കിലും പെട്ട് ഒരു സ്ത്രീ മരിച്ചു, നിരവധിപ്പേര്ക്കു പരിക്ക്
പുഷ്പ 2 റിലീസിനിടെ ഹൈദരാബാദില് തിക്കിലും തിരക്കിലും പെട്ട് ഒരു സ്ത്രീ മരിച്ചു. നിരവധിപ്പേര്ക്കു ഗുരുതരമായി പരുക്കേറ്റു. സന്ധ്യ തീയറ്ററിന് മുന്നില് പൊലീസും ഫാന്സും തമ്മില് സംഘര്ഷമുണ്ടായി. ജനക്കൂട്ടത്തിനുനേരെ പൊലീസ് ലാത്തിവീശിയിരുന്നു. സംഘര്ഷത്തില് നിരവധി പേര്ക്ക് പരുക്കേറ്റിട്ടുമുണ്ട്. ഇന്നലെ രാത്രിയായിരുന്നു സംഭവം.
ദില്സുഖ്നഗര് സ്വദേശിയായ രേവതിയാണ് തിക്കിലും തിരക്കിലും പെട്ട് മരിച്ചത്. 39 വയസുകാരിയായ ഈ സ്ത്രീയുടെ കുട്ടിയ്ക്കും ഗുരുതരമായി പരുക്കേറ്റെന്നും ചികിത്സയിലാണെന്നുമാണ് വിവരം. 10.30ന് പ്രീമിയര് ഷോ കാണാന് അല്ലു അര്ജുന് വരുന്നുവെന്ന് കേട്ട് ആരാധകര് തിയറ്ററില് തടിച്ചുകൂടിയപ്പോഴാണ് ദുരന്തമുണ്ടായത്.
തിക്കിലും തിരക്കിലും പെട്ട് കുഴഞ്ഞുവീണ രേവതിയ്ക്ക് സിപിആര് ഉള്പ്പെടെയുള്ളവ നല്കാന് ശ്രമിച്ചെങ്കിലും ആശുപത്രിയിലെത്തും മുന്പ് മരിക്കുകയായിരുന്നു. ആളുകള് അല്ലു
More »
നസ്രിയയുടെ സഹോദരന് നവീന് വിവാഹിതനാകുന്നു; വിവാഹനിശ്ചയ ചടങ്ങിന് ചുക്കാന് പിടിച്ച് ഫഹദും നസ്രിയയും
നടനും സഹ സംവിധായകനും നടി നസ്രിയയുടെ സഹോദരനുമായ നവീന് നസീം വിവാഹിതനാകുന്നു. നവീന്റെ വിവാഹനിശ്ചയ ചടങ്ങില് നിന്നുള്ള വീഡിയോകളാണ് ഇപ്പോള് സോഷ്യല് മീഡിയയുടെ ശ്രദ്ധ കവരുന്നത്. അനിയന്റെ വിവാഹചടങ്ങില് തിളങ്ങി നിന്നത് ചേച്ചി നസ്രിയയും അളിയന് ഫഹദുമായിരുന്നു. തീര്ത്തും സ്വകാര്യ ചടങ്ങായതുകൊണ്ടുതന്നെ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.
നസ്രിയയുടെ ഏക സഹോദരനാണ് നവീന്. ഇരുവരും തമ്മില് കൃത്യം ഒരു വയസ്സിന്റെ വിത്യാസവും ഒരേ ദിവസം ജന്മദിനം ആഘോഷിക്കുന്നുവെന്ന പ്രത്യേകതയുമുണ്ട്.
നസിമുദീന് , ബീഗം ബീന ദമ്പതികളുടെ മക്കളാണ് നസ്രിയയും നവീനും.അമ്പിളി എന്ന ചിത്രത്തിലൂടെയാണ് നവീന് അഭിനയത്തില് അരങ്ങേറ്റം കുറിച്ചത്. സീ യു സൂണ് എന്ന ഫഹദ് ചിത്രത്തിലും നവീന് പ്രവര്ത്തിച്ചിരുന്നു. 2024-ല് പുറത്തിറങ്ങിയ ഫഹദ് നായകനായ ആവേശം എന്ന ചിത്രത്തിന്റെ അസിസ്റ്റന്റ് ഡയറക്ടറായും നവീന് വര്ക്ക്
More »
സമയം മെനക്കെടുത്താന്; 'പുഷ്പ 2'വിന്റെ റിലീസ് തടയണമെന്ന ഹര്ജി തള്ളി പിഴയിട്ട് കോടതി
അല്ലു അര്ജുന് ചിത്രം ‘പുഷ്പ 2’വിന്റെ റിലീസ് തടയണമെന്ന് ആവശ്യപ്പെട്ട് നല്കിയ ഹര്ജി തള്ളി പിഴയിട്ട് തെലങ്കാന ഹൈക്കോടതി. ചന്ദനക്കടത്തും അക്രമവും മഹത്വല്ക്കരിക്കുന്നുവെന്നും യുവാക്കളെ വഴിതെറ്റിക്കുമെന്നും ആരോപിച്ചാണ് സരരാപു ശ്രീശൈലം എന്ന വ്യക്തി സിനിമയ്ക്കെതിരെ ഹര്ജി നല്കിയത്. അതിനാല് സിനിമയുടെ റിലീസ് തടയണം എന്നായിരുന്നു ആവശ്യം.
എന്നാല് സിനിമയുടെ റിലീസിന് ദിവസങ്ങള് മാത്രം ബാക്കിനില്ക്കെ സമര്പ്പിച്ച ഹര്ജിയുടെ ഉദ്ദേശത്തെ കുറിച്ച് സംശയം പ്രകടിപ്പിച്ച കോടതി ഹര്ജിക്കാരനെ രൂക്ഷമായി വിമര്ശിക്കുകയായിരുന്നു. കോടതിയുടെ സമയം ദുരുപയോഗം ചെയ്യുന്നത് വച്ചുപൊറുപ്പിക്കാനാകില്ലെന്ന മുന്നറിയിപ്പും കോടതി നല്കി.
വ്യക്തമായ തെളിവുകളില്ലാതെയാണ് ഹര്ജി സമര്പ്പിച്ചിരിക്കുന്നതെന്ന് കോടതി ചൂണ്ടിക്കാട്ടി. റിലീസ് നിര്ത്തിവയ്ക്കുന്നത് സിനിമയുടെ നിര്മ്മാതാക്കള്ക്കും സംവിധായകര്ക്കും
More »
വധുവായി അണിഞ്ഞൊരുങ്ങാന് കീര്ത്തി സുരേഷ്; വിവാഹം ഡിസംബര് 12ന്
തെന്നിന്ത്യന് നായിക കീര്ത്തി സുരേഷിന്റെ വിവാഹം ഡിസംബര് 12ന് ഗോവയില് നടക്കും. അടുത്ത കുടുംബാംഗങ്ങളും സുഹൃത്തുക്കളും മാത്രമാണ് അതിഥികള്. ബാല്യകാല സുഹൃത്തായ ആന്റണി തട്ടിലാണ് കീര്ത്തിയുടെ വരന്. 12-ാം തീയതി രാവിലെയാണ് ആദ്യത്തെ ചടങ്ങ്. പരമ്പരാഗത ഹിന്ദു ആചാരപ്രകാരമാണ് വിവാഹം.
ഈ ചടങ്ങില് ഹിന്ദു തമിഴ് ബ്രാഹ്മണ ശൈലിയിലുളള വസ്ത്രമായിരിക്കും കീര്ത്തി ധരിക്കുക എന്നാണ് റിപ്പോര്ട്ടുകള്. അതിഥികള്ക്കും പ്രത്യേക ഡ്രസ് കോഡുണ്ട്. വൈകിട്ട് മറ്റൊരു ചടങ്ങും ഉണ്ടാകും. സൂര്യാസ്തമയത്തെ സാക്ഷിയാക്കിയുളള പ്രത്യേക ചടങ്ങായിരിക്കും ഇത്. രാത്രിയിലെ കാസിനോ നൈറ്റ് പാര്ട്ടിയോടെ ആയിരിക്കും വിവാഹാഘോഷങ്ങള് അവസാനിക്കുക.
ഇന്സ്റ്റഗ്രാമില് ആന്റണിക്കൊപ്പമുള്ള ചിത്രം പങ്കുവെച്ചുകൊണ്ടായിരുന്നു വിവാഹവാര്ത്തകളോട് കീര്ത്തി പ്രതികരിച്ചത്. 15 വര്ഷമായി തുടരുന്ന ബന്ധമാണ് ഇത് എന്നാണ് താരം വ്യക്തമാക്കിയത്. 15 വര്ഷം, സ്റ്റില്
More »
സീരിയലുകള്ക്കെതിരായ പരാമര്ശം: പ്രേംകുമാറിനെതിരെ ഗണേഷ് കുമാറും 'ആത്മ'യും
ചില സീരിയലുകള് എന്ഡോസള്ഫാനേക്കാള് വിഷലിപ്തം എന്ന കേരള ചലച്ചിത്ര അക്കാദമി വൈസ് ചെയര്മാന് പ്രേംകുമാറിന്റെ പരാമര്ശം പിന്വലിക്കണമെന്ന് ആവശ്യപ്പെട്ട് മന്ത്രി ഗണേഷ് കുമാറും സീരിയല് താരങ്ങളുടെ സംഘടനയായ 'ആത്മ'യും. പരാമര്ശം പിന്വലിക്കണമെന്നും സീരിയല് മേഖലക്കായി പ്രേംകുമാര് എന്ത് ചെയ്തുവെന്നാണ് കുറ്റപ്പെടുത്തല്. ചില സീരിയലുകള് എന്ഡോസള്ഫാന് പോലെ മാരകമാണെന്നായിരുന്നു പ്രേംകുമാറിന്റെ പ്രതികരണം. സീരിയലുകള്ക്ക് സെന്സറിങ്ങ് വേണമെന്നും പ്രേംകുമാര് ആവശ്യപ്പട്ടിരുന്നു. കൊച്ചിയില് മാധ്യമങ്ങളോട് സംസാരിക്കവേ സീരിയിലുകളുമായി ബന്ധപ്പെട്ട് നടത്തിയ പരാമര്ശമാണ് വിവാദമായത്.
സിനിമയും സീരിയലും വെബ്സീരീസുമെല്ലാം ഒരു വലിയ ജനസമൂഹത്തെയാണ് കൈകാര്യം ചെയ്യുന്നത്. അത് പാളിപ്പോയാല് ഒരു ജനതയെ തന്നെ അപചയത്തിലേക്ക് നയിക്കുമെന്ന തിരിച്ചറിവ് കല സൃഷ്ടിക്കുന്നവര്ക്ക് ഉണ്ടാകണം. എല്ലാ സീരിയലുകളെയും
More »
ഫ്ലാറ്റ് തട്ടിപ്പ് കേസ്: കണ്ടുകെട്ടി എന്ന് പറയുന്ന സ്വത്തുക്കള് തന്റേതല്ലെന്ന് നടി ധന്യ മേരി വര്ഗീസ്
ഫ്ലാറ്റ് തട്ടിപ്പ് കേസില് തന്റെ പേര് അനാവശ്യമായി ചേര്ത്തതാണ് എന്ന് നടി ധന്യ മേരി വര്ഗീസ്. കണ്ടുകെട്ടി എന്ന് പറയുന്ന സ്വത്തുക്കള് തന്റേതല്ലെന്ന് നടി സോഷ്യല് മീഡിയ പേജുകളിലൂടെ വ്യക്തമാക്കി. കഴിഞ്ഞ ദിവസമാണ് ഫ്ലാറ്റ് തട്ടിപ്പ് കേസില് ധന്യയുടെ പട്ടത്തും പേരൂര്ക്കടയിലുമുള്ള 1.56 കോടി രൂപയുടെ സ്വത്തുക്കര് കണ്ടുകെട്ടിയെന്ന വാര്ത്തകര് എത്തിയത്. ഇതിന് പിന്നാലെയാണ് ഔദ്യോഗിക അറിയിപ്പ് എന്ന വരികളോടെ ധന്യ പ്രതികരിച്ചത്.
സാംസണ് സണ്സ് ബില്ഡേഴ്സ് ആന്ഡ് ഡെവലപ്പേഴ്സ് പ്രൈവറ്റ് ലിമിറ്റഡ് എന്ന കമ്പനിയുടെ ഡയറക്ടര്, ഓഹരിയുടമ, അല്ലെങ്കില് ഏതെങ്കിലും രേഖകളില് ഒപ്പിടാന് അര്ഹതയുള്ള വ്യക്തി അല്ല എന്നതാണ് യാഥാര്ഥ്യം. ഇതിന് മറുപടി നല്കുന്നതിനായി, ഞാന് നിയമ നടപടികള് സ്വീകരിച്ച് മാധ്യമങ്ങളെ അവരുടെ പിഴവ് തിരുത്താന് ആവശ്യപ്പെടുന്നു എന്നും പ്രസ്താവനയില് ധന്യ വ്യക്തമാക്കിയിട്ടുണ്ട്.
ധന്യ മേരി
More »
