ബ്രക്‌സിറ്റിന് പിന്നാലെ ഇ യു വിപണിയില്‍ ബ്രിട്ടന് വര്‍ഷം നഷ്ടമാകുന്നത് 6.5 ബില്യണ്‍ പൗണ്ട്!
യൂറോപ്യന്‍ യൂണിയന്‍ വിടാനുള്ള ബ്രിട്ടന്റെ തീരുമാനം പ്രതീക്ഷിച്ചതിലും വലിയ ആഘാതമാണ് സൃഷ്ടിച്ചത്. നേരത്തെ യൂറോപ്യന്‍ യൂണിയനിലേക്കുള്ള ഉല്‍പ്പന്ന കയറ്റുമതി പ്രതിവര്‍ഷം 6.5 ബില്യണ്‍ പൗണ്ടു വരെ അധികമാകാമായിരുന്നുവെന്ന് പുതിയ പഠനം പറയുന്നു. എന്നാല്‍ ബ്രക്‌സിറ്റിന് ശേഷം ഉല്‍പ്പന്നങ്ങളുടെ പരിശോധനയും സര്‍ട്ടിഫിക്കേഷനും ഇരട്ടിയായി വേണ്ടിവരുന്നതാണ് കയറ്റുമതിക്ക് പ്രധാന തടസ്സങ്ങളിലൊന്നെന്ന് ഇന്‍സ്റ്റിറ്റ്യൂട്ട് ഫോര്‍ പബ്ലിക് പോളിസി റിസര്‍ച്ച് (ഐപിപിആര്‍ ) റിപ്പോര്‍ട്ട് ചൂണ്ടിക്കാട്ടുന്നു.
2021ല്‍ ബ്രക്‌സിറ്റിന് ശേഷമുള്ള പുതിയ വ്യാപാര ക്രമീകരണങ്ങള്‍ നിലവില്‍ വന്നതുമുതല്‍, ഇത്തരമൊരു കരാറിന്റെ അഭാവം ബ്രിട്ടീഷ് കയറ്റുമതിക്കാര്‍ക്ക് പ്രതിവര്‍ഷം £3.7 ബില്യണ്‍ മുതല്‍ £6.5 ബില്യണ്‍ വരെ വരുമാന നഷ്ടം ഉണ്ടാക്കിയിരിക്കാമെന്നാണ് ഇന്‍സ്റ്റിറ്റ്യൂട്ട് ഫോര്‍ പബ്ലിക് പോളിസി റിസര്‍ച്ചിന്റെ കണക്ക് വ്യക്തമാക്കുന്നു.
More »
ജോലി ഒരുവട്ടം പോലും ചെയ്യാത്തവരുടെ ആനുകൂല്യങ്ങള്‍ 30% കുറയ്ക്കുമെന്ന് ബാഡെനോക്ക്
ബ്രിട്ടന്റെ ബെനഫിറ്റ് ബില്ലുകള്‍ കുതിയ്ക്കുകയാണ്. ബെനഫിറ്റ് ബില്‍ കുറയ്ക്കുന്നത് വോട്ട് ചോര്‍ച്ചയ്ക്ക് ഇടയാക്കുമെന്ന് തിരിച്ചറിഞ്ഞ് ലേബര്‍ ഗവണ്‍മെന്റ് പോലും മടിച്ച് നില്‍പ്പാണ്. ഇതിനിടയിലാണ് കുതിയ്ക്കുന്ന ബെനഫിറ്റ് ബില്‍ കുറയ്ക്കാന്‍ ആശയവുമായി പ്രതിപക്ഷ നേതാവ് കെമി ബാഡെനോക് രംഗത്ത് വന്നിരിക്കുന്നത്.
നികുതിയിനത്തില്‍ ഒന്നും നല്‍കാത്ത തൊഴില്‍രഹിതരുടെ ആനുൂകൂല്യങ്ങള്‍ കുറയ്ക്കുകയും, ബാക്കി തുക മദ്യപാനം, പുകവലി, വാതുവെപ്പ് പോലുള്ളവയ്ക്ക് ഉപയോഗിക്കുന്നതിന് വിലക്കും ഏര്‍പ്പെടുത്താനാണ് ബാഡെനോകിന്റെ പദ്ധതി. ടോറികള്‍ അധികാരത്തില്‍ തിരിച്ചെത്തിയാല്‍ ഈ മാറ്റം വരുമെന്ന് അവര്‍ വ്യക്തമാക്കി.
ജോലി ചെയ്യാന്‍ സാധിക്കുമായിരുന്നിട്ടും, ഇതിന് തയ്യാറാകാത്ത ആളുകള്‍ ദീര്‍ഘകാലം ജോലിയില്‍ നിന്നും വിട്ടുനിന്നാല്‍ ഇവരുടെ യൂണിവേഴ്‌സല്‍ ക്രെഡിറ്റ് പേയ്‌മെന്റുകള്‍ 30 ശതമാനം വെട്ടിക്കുറയ്ക്കാനാണ് പദ്ധതി.
More »
ഹൗസിംഗ് പ്രതിസന്ധി പരിഹരിക്കാന്‍ ആദ്യ വീട് വാങ്ങുന്നവര്‍ക്ക് ബജറ്റില്‍ പുതിയ സ്‌കീം
ഹൗസിംഗ് പ്രതിസന്ധി പരിഹരിക്കാന്‍ ശ്രമിക്കുന്നതിന്റെ ഭാഗമായി ആദ്യത്തെ വീട് വാങ്ങുന്നവര്‍ക്ക് അടുത്ത മാസത്തെ ബജറ്റില്‍ പദ്ധതി അവതരിപ്പിക്കുമെന്ന് സൂചന. ഹോം ബൈ ഡയറക്ടിന് സമാനമായ ഒരു പുതിയ സ്‌കീമാണ് ബജറ്റില്‍ പ്രഖ്യാപിക്കുകയെന്നാണ് സൂചന. 2009ല്‍ അവതരിപ്പിച്ച സ്‌കീം ആദ്യത്തെ വീട് വാങ്ങുന്നവര്‍ക്ക് സഹായം നല്‍കുന്നതായിരുന്നു.
ഇതിന് പുറമെ ഗവണ്‍മെന്റ് ആദ്യമായി വീട് വാങ്ങുന്നവര്‍ക്ക് മാത്രമായി പുതിയ വീടുകള്‍ നിര്‍മ്മിക്കുമെന്നും ഐ പേപ്പര്‍ റിപ്പോര്‍ട്ട് പറയുന്നു. വിപണി വിലയേക്കാള്‍ അല്‍പ്പം വില കുറഞ്ഞ രീതിയില്‍ ഇത് വില്‍ക്കും.
നിലവിലെ ലൈഫ്‌ടൈം ഐഎസ്എ റദ്ദാക്കുമെന്ന് ഗവണ്‍മെന്റ് സ്ഥിരീകരിച്ചിട്ടുണ്ട്. ഇതിന് പകരമായി ഫസ്റ്റ് ടൈം ബയേഴ്‌സിനായി പുതിയ സേവിംഗ്‌സ് പ്രൊഡക്ട് അവതരിപ്പിക്കുമെന്നാണ് അറിയിച്ചിരിക്കുന്നത്.
ഉയര്‍ന്ന മോര്‍ട്ട്‌ഗേജ് നിരക്കുകള്‍ മൂലം ഹൗസിംഗ് വിപണി സ്തംഭനാവസ്ഥ
More »
ഇമിഗ്രേഷന്‍ നിയമങ്ങള്‍ക്ക് കടുപ്പം കുറയ്ക്കണമെന്ന് ട്രേഡ് യൂണിയനുകള്‍
ഇമിഗ്രേഷന്‍ നിയമമാറ്റങ്ങള്‍ മയപ്പെടുത്തണമെന്ന് ഗവണ്‍മെന്റിനോട് ആവശ്യപ്പെട്ട് ട്രേഡ് യൂണിയനുകളുടെ സമ്മര്‍ദം. വിദേശ ജോലിക്കാര്‍ക്ക് യുകെയില്‍ പെര്‍മനന്റ് റസിഡന്‍സി ലഭിക്കുന്നത് ബുദ്ധിമുട്ടാക്കി മാറ്റാനുള്ള ഹോം സെക്രട്ടറിയുടെ നീക്കങ്ങള്‍ക്കെതിരെയാണ് യൂണിയനുകള്‍ രംഗത്ത് വന്നിരിക്കുന്നത്.
പദ്ധതികള്‍ അംഗീകരിച്ചാല്‍ മിക്ക കുടിയേറ്റക്കാര്‍ക്കും പെര്‍മനന്റ് റസിഡന്‍സിന് 10 വര്‍ഷത്തെ കാത്തിരിപ്പ് ആവശ്യമായി വരും. നിലവില്‍ ഇത് അഞ്ച് വര്‍ഷമാണ്. കൂടാതെ ഹെല്‍ത്ത് & സോഷ്യല്‍ കെയര്‍ വിസയിലുള്ള വിദേശ ജോലിക്കാര്‍ക്ക് 15 വര്‍ഷം കാത്തിരിപ്പ് വേണ്ടി വരുമെന്നാണ് ആശങ്ക.
കഴിഞ്ഞ വര്‍ഷം ഹോം സെക്രട്ടറി ഷബാന മഹ്മൂദാണ് ഈ പദ്ധതികള്‍ മുന്നോട്ട് വെച്ചത്. പുതിയ പ്രധാനമന്ത്രി ആന്‍ഡി ബേണ്‍ഹാമിന് കീഴിലും മഹ്മൂദ് ഹോം സെക്രട്ടറിയായി തുടരുകയാണ്. ഇതിനിടയിലാണ് യുകെയില്‍ നിലവില്‍ ജോലി ചെയ്യുന്ന വിദേശികളെ നിയമങ്ങള്‍
More »
പ്രണയാഭ്യര്‍ത്ഥന നിരസിച്ചു; പെണ്‍കുട്ടിയെ കടയ്ക്കുള്ളില്‍ ക്രൂരമായി കുത്തിപ്പരിക്കേല്‍പ്പിച്ച് 14കാരന്‍
പ്രണയാഭ്യര്‍ത്ഥന നിരസിച്ചതിന്റെ പേരില്‍ പ്രായപൂര്‍ത്തിയാകാത്ത പെണ്‍കുട്ടിയെ കടയ്ക്കുള്ളില്‍ വച്ച് നിരവധി തവണ കുത്തിപ്പരിക്കേല്‍പ്പിച്ച് 14കാരന്‍. യുകെയിലെ ഗ്ലോസ്റ്റര്‍ഷെയറിലെ സിറന്‍സെസ്റ്ററിലാണ് സംഭവം. കഴിഞ്ഞ ഡിസംബറിലാണ് 14കാരന്‍ പെണ്‍കുട്ടിയോട് പ്രണയാഭ്യര്‍ത്ഥന നടത്തിയത്. പെണ്‍കുട്ടി ഇത് നിരസിച്ചതോടെ വ്യാജ സോഷ്യല്‍ മീഡിയ അക്കൗണ്ടുകള്‍ വഴി നിരന്തരം ശല്യം ചെയ്യുകയും പിന്തുടരുകയും ചെയ്തിരുന്നു. പിന്നീട് ആക്രമണത്തിലേക്ക് എത്തുകയായിരുന്നു.
മാര്‍ച്ച് 15ന് സിറന്‍സെസ്റ്ററിലെ ഒരു കടയ്ക്ക് സമീപം കാത്തുനിന്ന പ്രതി പെണ്‍കുട്ടി കടയിലേക്ക് പ്രവേശിക്കുന്നത് കണ്ടതോടെ പിന്നാലെ എത്തി. ജീന്‍സിന്റെ പോക്കറ്റില്‍ ഒളിപ്പിച്ചിരുന്ന കത്തിയെടുത്ത് പെണ്‍കുട്ടിയെ കടന്നുപിടിച്ച ശേഷം നിരവധി തവണ കുത്തുകയായിരുന്നു.
രക്ഷപ്പെടാന്‍ പെണ്‍കുട്ടി ശ്രമിച്ചെങ്കിലും പ്രതി ആക്രമണം തുടര്‍ന്നു. കടയുടമ ആക്രമിയെ
More »
'മാര്‍ത്താസ് റൂള്‍' ഇനി ഇംഗ്ലണ്ടിലെ എല്ലാ എ&ഇ ഡിപ്പാര്‍ട്ട്‌മെന്റുകളിലും! ചികിത്സയില്‍ അടിയന്തര റിവ്യൂ ആവശ്യപ്പെടാം
എന്‍എച്ച്എസില്‍ എ&ഇകളിലെ തിരക്കിന്റെ കാര്യം ചിന്തിക്കുന്നതിനും അപ്പുറമാണ്. രോഗികള്‍ക്ക് പലപ്പോഴും കൃത്യമായ ചികിത്സ സമയത്ത് നല്‍കാന്‍ ജീവനക്കാര്‍ക്ക് സാധിക്കുന്നില്ല. ഇതിനിടയില്‍ ബന്ധുക്കളുടെ ആശങ്കകള്‍ പലപ്പോഴും കാര്യമായി എടുക്കാറുമില്ല. ഈ പ്രതിസന്ധി അവസാനിപ്പിക്കാന്‍ എന്‍എച്ച്എസില്‍ നടപ്പാക്കിയ 'മാര്‍ത്താസ് റൂള്‍' ഇനി ഇംഗ്ലണ്ടിലെ എല്ലാ എമര്‍ജന്‍സി ഡിപ്പാര്‍ട്ട്‌മെന്റുകളിലും ഉപയോഗപ്പെടുത്താം.
പ്രിയപ്പെട്ടവരുടെ രോഗാവസ്ഥയ്ക്ക് ആവശ്യമായ ചികിത്സ ലഭിക്കുന്നില്ലെന്ന് തോന്നിയാല്‍ അടിയന്തര റിവ്യൂ ആവശ്യപ്പെടാനുള്ള അവസരമാണ് എന്‍എച്ച്എസ് മാര്‍ത്താസ് റൂള്‍ വ്യാപിപ്പിക്കുന്നതിലൂടെ നല്‍കുന്നത്. 2021-ല്‍ 13-ാം വയസ്സില്‍ സെപ്‌സിസ് ബാധിച്ച് മരിച്ച മാര്‍ത്താ മില്‍സ് എന്ന പെണ്‍കുട്ടിയുടെ പേരിലാണ് നിയമം. ഇവരുടെ കുടുംബം ചികിത്സ സംബന്ധിച്ച് ആശങ്ക ഉന്നയിച്ചപ്പോള്‍ അത് കേള്‍ക്കാന്‍ ആരും ഉണ്ടായിരുന്നില്ല.
More »
ജോലി ചെയ്യേണ്ട പ്രായത്തിലുള്ള അഞ്ചിലൊന്ന് പേരും യൂണിവേഴ്‌സല്‍ ക്രെഡിറ്റില്‍
ജോലി ചെയ്യേണ്ട പ്രായത്തിലുള്ള അഞ്ചിലൊന്ന് മുതിര്‍ന്നവരും യൂണിവേഴ്‌സല്‍ ക്രെഡിറ്റ് നേടുന്നതായി ഔദ്യോഗിക കണക്കുകള്‍. തലമുറകളെ എഴുതിത്തള്ളുന്ന വിധത്തിലുള്ള നടപടിയാണ് അരങ്ങേറുന്നതെന്നാണ് ഇതേക്കുറിച്ച് വിമര്‍ശനം ഉയരുന്നത്.
20 മുതല്‍ 64 വയസ്സ് വരെയുള്ള 7.3 മില്ല്യണ്‍ ആളുകളാണ് ബെനഫിറ്റുകളെ പ്രധാന വരുമാന മാര്‍ഗ്ഗമാക്കി മാറ്റിയത്. ഈ വര്‍ഷം മേയ് വരെയുള്ള കണക്കുകളാണ് ഈ ഞെട്ടിക്കുന്ന അവസ്ഥ പുറത്തെത്തിച്ചത്.
ഇംഗ്ലണ്ടിലും, വെയില്‍സിലും ജോലി ചെയ്യാന്‍ പ്രായത്തിലുള്ള 20.3 ശതമാനം മുതിര്‍ന്നവരാണ് ഈ ബെനഫിറ്റ് പട്ടികയിലുള്ളതെന്ന് ടാക്‌സ്‌പെയേഴ്‌സ് അലയന്‍സ് കണ്ടെത്തി. ഇതില്‍ 3.3 മില്ല്യണ്‍ ആളുകള്‍ കരിയര്‍ ഏറ്റവും നല്ല രീതിയില്‍ എത്തുന്ന 40 വയസ്സില്‍ താഴെയുള്ളവരാണെന്നും ക്യാംപെയിന്‍ ഗ്രൂപ്പ് പറയുന്നു.
ഡസന്‍ കണക്കിന് പ്രദേശങ്ങളില്‍ ജോലി ചെയ്യാന്‍ കഴിയുന്ന മുതിര്‍ന്നവരില്‍ നാലിലൊന്ന് പേരും
More »
പെട്രോള്‍പമ്പുകളില്‍ നീണ്ട ക്യൂ; ഇന്ധന പ്രതിസന്ധിയ്ക്കു സാധ്യത
റഷ്യ - യുക്രൈന്‍ സംഘര്‍ഷത്തിലും അമേരിക്കന്‍ - ഇറാന്‍ യുദ്ധത്തിലും പെട്ട് വലയുന്നത് യുകെ. ഏതാനും ദിവസങ്ങള്‍ക്കുള്ളില്‍ തന്നെ ബ്രിട്ടനിലെ ശരാശാരി ഡീസല്‍ വില റെക്കോര്‍ഡ് ഉയരത്തിലെത്തും എന്നാണ് പ്രതീക്ഷിക്കുന്നത്. യൂറോപ്പിലും അമേരിക്കയിലും പെട്രോള്‍ പമ്പുകളിലെ വില ഇതിനോടകം തന്നെ കുത്തനെ ഉയര്‍ന്നു കഴിഞ്ഞു.
റഷ്യന്‍ റിഫൈനറികള്‍ക്ക് മേല്‍ നടക്കുന്ന യുക്രൈന്‍ ആക്രമണം ആഗോള വിപണിയില്‍ ഇന്ധന വില ഇനിയും കുത്തനെ ഉയര്‍ത്തിയേക്കാം എന്ന ആശങ്ക നിലനില്‍ക്കവെ അമേരിക്കന്‍ പ്രസിഡണ്ട് ഡൊണാള്‍ഡ് ട്രംപ് ഇന്നലെ യുക്രെയിന്‍ പ്രസിഡണ്ട് വ്‌ലോഡിമര്‍ സെലന്‍സ്‌കിയുമായി സംസാരിച്ച് റിഫൈനറികള്‍ക്ക് നേരെയുള്ള ആക്രമണം നിര്‍ത്തണമെന്ന് ആവശ്യപ്പെട്ടിട്ടുണ്ട്.
ഈ നിലയില്‍ സാഹചര്യങ്ങള്‍ തുടര്‍ന്നാല്‍ അധികം വൈകാതെ ആഗോളാടിസ്ഥാനത്തില്‍ തന്നെ വലിയ ഇന്ധനക്ഷാമം അനുഭവപ്പെടുമെന്നാണ് മുന്നറിയിപ്പ്. ക്രൂഡോയിലിന്റെ ലഭ്യതയില്‍
More »
തുടര്‍ച്ചയായ എയര്‍ ട്രാഫിക് കണ്‍ട്രോള്‍ തകരാര്‍; ബ്രിട്ടനില്‍ 200ലേറെ വിമാന സര്‍വീസുകള്‍ റദ്ദാക്കി
യുകെയുടെ എയര്‍ ട്രാഫിക് സിസ്റ്റം വീണ്ടും കുഴപ്പത്തില്‍ ചാടിയതോടെ രണ്ടാഴ്ചയ്ക്കിടെ വിമാന സര്‍വ്വീസുകള്‍ വീണ്ടും പ്രതിസന്ധിയില്‍. എയര്‍ ട്രാഫിക് കണ്‍ട്രോള്‍ സര്‍വ്വീസുകളില്‍ സാങ്കേതിക പ്രശ്‌നം ഉടലെടുത്തതോടെയാണ് വിമാന സര്‍വ്വീസുകള്‍ തടസ്സപ്പെട്ടത്.
നാഷണല്‍ എയര്‍ ട്രാഫിക് സര്‍വ്വീസസിന്റെ സൗത്ത് എയ്ഷറര്‍ പ്രസ്റ്റ്‌വിക്കിലുള്ള രണ്ടാമത്തെ കണ്‍ട്രോള്‍ സെന്ററിലാണ് പ്രതിസന്ധി. ഡസന്‍ കണക്കിന് വിമാനങ്ങള്‍ റദ്ദാക്കിയതിനൊപ്പം, നിരവധി വിമാന സര്‍വ്വീസുകള്‍ കുടുങ്ങി കിടക്കുകയും ചെയ്യുന്നു.
ഗ്ലാസ്ഗോ, മാഞ്ചസ്റ്റര്‍ ഉള്‍പ്പെടെ സ്‌കോട്ട്ലന്‍ഡിലെയും വടക്കന്‍ ഇംഗ്ലണ്ടിലെയും വിമാനത്താവളങ്ങളിലാണ് തകരാര്‍ കൂടുതല്‍ പ്രതിസന്ധി സൃഷ്ടിച്ചത്. ലണ്ടന്‍ സിറ്റി, ല്യൂട്ടണ്‍, ബെല്‍ഫാസ്റ്റ് വിമാനത്താവളങ്ങളിലും സര്‍വീസുകള്‍ തടസ്സപ്പെട്ടു.യുകെയില്‍ നിന്ന് പുറപ്പെടേണ്ട 117 വിമാനങ്ങളും രാജ്യത്തേക്ക്
More »
