കൊച്ചി: സ്വര്ണവില സകല റെക്കോഡുകളും തിരുത്തി മുന്നേറുകയാണ്. എങ്കിലും മലയാളിയുടെ സ്വര്ണ പ്രേമത്തിന് തെല്ലും കുറവില്ല. പവന് 200 രൂപ കൂടി പവന് 28,000 രൂപയായി. ഗ്രാമിന് 25 രൂപ കൂടി 3,500 രൂപയായി. ആറുവര്ഷങ്ങള്ക്ക് ശേഷം സ്വര്ണവില തുടരെ കുതിച്ചുയരുകയാണ്. സ്വര്ണത്തിന് ചരിത്രത്തിലെ ഏറ്റവും ഉയര്ന്ന വിലയാണ് ഇന്ന് രേഖപ്പെടുത്തിയത്.
ആഗോളവിപണിയിലെ വിലവര്ദ്ധനവിന് അനുസരിച്ചാണ് ആഭ്യന്തരവിപണിയിലും സ്വര്ണ വില കൂടുന്നത്. 2019-20 കാലയളവില് ആഗോള സാമ്പത്തിക മാന്ദ്യത്തിന് സാധ്യതയുണ്ടെന്ന റിപ്പോര്ട്ടുകള് നിലനില്ക്കുന്നതിനാല് വില അടുത്തെങ്ങും കുറയാന് സാധ്യതയില്ലെന്നാണ് വിദഗ്ദരുടെ അഭിപ്രായം.
വിവാഹസീസണ് ആരംഭിച്ചതും ആഭ്യന്തര വിപണിയില് ഡിമാന്റ് ഉയര്ത്തിയിട്ടുണ്ട്. എന്നാല് അത്യാവശ്യക്കാരല്ലാത്തവര് വിപണിയില് നിന്നും മാറിനില്ക്കുന്നത് ചെറുകിട വ്യാപാരികളുടെ കച്ചവടത്തേയും ബാധിക്കുന്നുണ്ട്. പവന് 30000 പിന്നിടാന് വൈകില്ലെന്നാണ് വിലയിരുത്തല് .
