അനുഗ്രഹ വര്ഷത്തിനൊരുങ്ങി സെന്റ് കാതറിന് ഓഫ് സിയന .പരിശുദ്ധ ദൈവമാതാവിന്റെ മാധ്യസ്ഥം തേടിക്കൊണ്ട് ജപമാല മാസ രണ്ടാം ശനിയാഴ്ച്ച കണ്വെന്ഷന് നാളെ നടക്കുമ്പോള് സ്ഥിരം വേദിയായ ബഥേല് കണ്വെന്ഷന് സെന്ററിന് പകരം സെന്റ് കാതറിന് ഓഫ് സിയന വേദിയാകും.ഇത്തവണ കുട്ടികള്ക്കൊഴികെയുള്ള ശുശ്രൂഷകള് മലയാളത്തില് മാത്രമായിരിക്കും.
നവംബര് മാസം മുതല് വീണ്ടും സ്ഥിരമായി ബഥേല് സെന്ററില്ത്തന്നെ കണ്വെന്ഷന് നടക്കും.ആത്മാഭിഷേകം നിറയുന്ന ദൈവിക ശുശ്രൂഷകളുമായി,പ്രകടമായ അത്ഭുത അടയാളങ്ങളിലൂടെ, ആയിരങ്ങള്ക്ക് ജീവിതനവീകരണവും, രോഗശാന്തിയും,മാനസാന്തരവും പകര്ന്നുനല്കുന്ന കണ്വെന്ഷന് ഇത്തവണ സെഹിയോന് മിനിസ്ട്രിയുടെ പ്രമുഖ വചന പ്രഘോഷകന് റവ. ഫാ.ഷൈജു നടുവത്താനിയില് നയിക്കും .
അട്ടപ്പാടി സെഹിയോന് ധ്യാനകേന്ദ്രത്തിലെ ഫാ. ഷിനോജ് കളരിക്കല് , സെഹിയോന് യുകെ യുടെ മുഴുവന്സമയ ശുശ്രൂഷകനും വചനപ്രഘോഷകനുമായ ബ്രദര് അനി ജോണ് എന്നിവരും വിവിധ ശുശ്രൂഷകള് നയിക്കും. ഏറെ പുതുമകളോടെ കുട്ടികള്ക്കും യുവതീ യുവാക്കള്ക്കും പ്രത്യേക ശുശ്രൂഷകള് ഉണ്ടായിരിക്കും.
കണ്വെന്ഷനെപ്പറ്റിയുള്ള പ്രോമോ വീഡിയോ കാണാം ;
https://www.youtube.com/watch?v=-lha3dQP_HM&feature=youtu.be
പ്രകടമായ അത്ഭുതങ്ങളും ദൈവിക അടയാളങ്ങളും, വിടുതലും സൗഖ്യവുമായി വ്യക്തികളിലും കുടുംബങ്ങളിലും ഈ കണ്വെന്ഷനിലൂടെ സാദ്ധ്യമാകുന്നു എന്നതിന് ഓരോതവണയും പങ്കുവയ്ക്കപ്പെടുന്ന നിരവധി വ്യത്യസ്തമാര്ന്ന അനുഭവ സാക്ഷ്യങ്ങള് തെളിവാകുന്നു.
കഴിഞ്ഞ അനേക വര്ഷങ്ങളായി കുട്ടികള്ക്കും യുവജനങ്ങള്ക്കും വിശ്വാസജീവിതത്തില് വളരാനുതകുന്ന ക്രിസ്തീയ ജീവിതമൂല്യങ്ങള് വിവിധശുശ്രൂഷകളിലൂടെ പകര്ന്നു നല്കാന് സാധിക്കുന്നത് രണ്ടാംശനിയാഴ്ച കണ്വെന്ഷന്റെ പ്രധാന സവിശേഷതയാണ്.
ടീനേജുകാര്ക്കായി പ്രത്യേക പ്രോഗ്രാമോടുകൂടിയ കണ്വെന്ഷന് നടക്കും.
കുട്ടികള്ക്കായി ഓരോതവണയും ഇംഗ്ലീഷില് പ്രത്യേക കണ്വെന്ഷന്തന്നെ നടക്കുന്നു.അനേകം കുട്ടികളും കൗമാരപ്രായക്കാരുമാണ് ഓരോ രണ്ടാംശനിയാഴ്ച കണ്വെന്ഷനിലും മാതാപിതാക്കളോടോ മറ്റ് മുതിര്ന്നവര്ക്കൊപ്പമോ യു കെ യുടെ വിവിധ പ്രദേശങ്ങളില്നിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റര് എന്ന കുട്ടികള്ക്കായുള്ള മാസിക ഓരോരുത്തര്ക്കും സൗജന്യമായി നല്കിവരുന്നു .
ലിറ്റില് ഇവാഞ്ചലിസ്റ് പുതിയ ലക്കം ഇത്തവണയും ലഭ്യമാണ്.
കണ്വെന്ഷനില് കടന്നുവരുന്ന ഏതൊരാള്ക്കും മലയാളത്തിലും ഇംഗ്ലീഷിലും , മറ്റു ഭാഷകളിലും കുമ്പസാരിക്കുന്നതിനും സ്പിരിച്വല് ഷെയറിംങ്ങിനുമുള്ള സൌകര്യം ഉണ്ടായിരിക്കും.
വിവിധ പ്രായക്കാരായ ആളുകള്ക്ക് ഇംഗ്ലീഷിലും മലയാളത്തിലുമുള്ള ബൈബിള്, പ്രാര്ത്ഥനാ പുസ്തകങ്ങള് , മറ്റ് പ്രസിദ്ധീകരണങ്ങള് എന്നിവ കണ്വെന്ഷന് സെന്ററില് ലഭ്യമാണ്.
പതിവുപോലെ രാവിലെ 8 ന് മരിയന് റാലിയോടെ തുടങ്ങുന്ന കണ്വെന്ഷന് 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും.
കണ്വെന്ഷന്റെ ആത്മീയവിജയത്തിനായി പ്രാര്ത്ഥനാസഹായം അപേക്ഷിക്കുന്ന ഫാ.സോജി ഓലിക്കലും സെഹിയോന് കുടുംബവും യേശുനാമത്തില് മുഴുവനാളുകളെയും നാളെ രണ്ടാം ശനിയാഴ്ച ബര്മിംങ്ഹാം സെന്റ് കാതറിന് ഓഫ് സിയന ചര്ച്ചിലേയ്ക്ക് ക്ഷണിക്കുന്നു .
അഡ്രസ്സ് :
ST .CATHERINE OF SIENA CHURCH
69.IRVING ST.
BIRMINGHAM
B5 7BE
താഴെ പറയുന്നവയാണ് തൊട്ടടുത്തുള്ള കാര് പാര്ക്കിംങുകള് ,
NCP CAR PARKING
BOW STREET,
B1 1DW ( £6.50 All day)
GALLON PARKING
THORP STREET
B1 1QP(£5 All day)
B5 6SD , HURST STREET (£4 All day).
കൂടുതല് വിവരങ്ങള്ക്ക് ;ജോണ്സന് - 07506 810177
അനീഷ് - 07760254700
ബിജുമോന് മാത്യു - 07515 368239
യുകെയുടെ വിവിധ പ്രദേശങ്ങളില്നിന്നും ഏര്പ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയും പറ്റിയുള്ള പൊതുവിവരങ്ങള്ക്ക്,
ബിജു എബ്രഹാം - 07859 890267
ജോബി ഫ്രാന്സിസ് - 07588 809478
