തന്റെ വ്യക്തിത്വം കൊണ്ടും പെരുമാറ്റം കൊണ്ടും ലോകത്തിന്റെ മുഴുവന് ശ്രദ്ധ നേടിയ ആളാണ് ന്യൂസിലന്ഡ് പ്രധാനമന്ത്രി ജസീന്ദ ആര്ഡേന്. ന്യൂസിലാന്റില് ഭീകരാക്രമണം ഉണ്ടായപ്പോള് ഇരകളെ നേരിട്ട് എത്തി ആശ്വസിപ്പിക്കാനും പ്രാര്ത്ഥനയില് പങ്കുകൊള്ളാനും അവര്ക്കുവേണ്ട എല്ലാ സഹായവും നല്കുവാനും ജസീന്ദ മുന്നിലുണ്ടായിരുന്നു. പ്രധാനമന്ത്രിയിലിരിക്കെ പ്രസവവും കൈക്കുഞ്ഞുമായി പാര്ലമെന്റില് എത്തി തന്റെ ജോലിയില് വ്യാപൃതയായും 39 കാരിയായ അവര് ആദരമേറ്റുവാങ്ങിയിരുന്നു. ഇപ്പോഴിതാ തന്റെ രണ്ടുവര്ഷത്തെ ഭരണനേട്ടം വെറും രണ്ട് മിനുട്ടില് വിശദീകരിച്ചാണ് ജസീന്ദ ഇപ്പോള് താരമാവുന്നത്.
ന്യൂസിലാന്ഡ് ലേബര് പാര്ട്ടിയുടെ നേതാവാണ് ജസീന്ദ . അധികാരത്തിലേറിയതിന്റെ രണ്ടാം വാര്ഷികത്തിലാണ് ജസീന്ദയുടെ രണ്ട് മിനുട്ട് മാത്രം ദൈര്ഘ്യമുള്ള ഭരണ നേട്ട വിശദീകരണം നല്കുന്ന വീഡിയോ .
തന്റെ സര്ക്കാര് എങ്ങനെയാണ് രണ്ട് വര്ഷംകൊണ്ട് 92,000 തൊഴിലവസരങ്ങള് സൃഷ്ടിച്ചതെന്നും 2,200ല് അധികം വീടുകള് നിര്മ്മിച്ചതെന്നും സീറോ കാര്ബണ് ബില്ലിലേക്കെത്തിയതെന്നും ഹൈവേകള് സുരക്ഷിതമാക്കിയതെങ്ങനെയെന്നും ജയിലിലാവുന്നവരുടെ എണ്ണം കുറച്ചതെങ്ങനെയെന്നുമടക്കമുള്ള കാര്യങ്ങള് ജസീന്ദ ഞൊടിയിടകൊണ്ടു വീഡിയോയില് വ്യക്തമാക്കുന്നു. രണ്ട് മിനുട്ടും 56 സെക്കന്റും മാത്രമാണ് വീഡിയോയുടെ ദൈര്ഘ്യം.
ജസീന്ദ ഈ വീഡിയോ ട്വിറ്ററില് പോസ്റ്റ് ചെയ്തയുടനെ വീഡിയോ വൈറലായി. ലക്ഷക്കണക്കിന് ആളുകളാണ് ട്വീറ്റ് ചെയ്തയുടനെ വീഡിയോ ഷെയര് ചെയ്തത്. എല്ലാവരും ജസീന്ദയെ വാനോളം പുകഴ്ത്തിയാണ് വീഡിയോ പങ്കുവച്ചത്. ജസീന്ദയുടെ നേതൃത്വ പാടവത്തെ അഭിനന്ദിച്ചുകൊണ്ടുള്ള ആശംസാപ്രവാഹമാണ് ട്വിറ്ററില്.
വീഡിയോ
