വളരെ കുറഞ്ഞ കാലയളവ് കൊണ്ട് യു.കെ. ക്നാനായ കത്തോലിക്കരുടെ അഭിമാനമായി മാറിയ വിമന്‍സ് ഫോറം (UKKCWF )രണ്ടാം വാര്‍ഷികാഘോഷം ഡിസംബര്‍ 7 ന് കവന്‍ട്രിയില വില്ലന്‍ഹാളില്‍ നടക്കും. രാവിലെ 11 മണിക്ക് യു.കെ. യിലെ ക്നാനായ വൈദീകര്‍ ഒന്നുചേര്‍ന്ന് അര്‍പ്പിക്കുന്ന വിശുദ്ധ കുര്‍ബാനയോടെ ആഘോഷങ്ങള്‍ക്ക് തുടക്കം കുറിക്കും. തുടര്‍ന്ന് നടക്കുന്ന പൊതുസമ്മേളനത്തില്‍ മുഖ്യാതിഥിയായി എത്തുന്നത് നോര്‍ത്ത് അമേരിക്കയിലെ ക്നാനായ കാത്തോലിക് വിമന്‍സ് ഫോറം പ്രസിഡന്റ് (KCWFNA) ഡോ.ബീനാ പീറ്റര്‍ ഇണ്ടിക്കുഴിയാണ്.
തുടര്‍ന്ന് 2019 വര്‍ഷത്തില്‍ സ്വ സമുദായത്തില്‍ നിന്നും ജീവിത പങ്കാളിയെ സ്വീകരിച്ചു വിവാഹം എന്നകൂദാശയിലൂടെ കുടുംബ ജീവിതത്തിലേക്ക് പ്രവേശിച്ച 15 നവദമ്പതികളെ അനുമോദിക്കുകയും പുതുതലമുറയ്ക്ക് മാതൃകയാകുംവിധം അവരെ പരിചയപ്പെടുത്തുകയും ചെയ്യുന്നു.
അതിനുശേഷം കര്‍മ്മമണ്ഡലത്തിലും വിദ്യാഭ്യാസ രംഗത്തും മികവു പുലര്‍ത്തുന്ന ക്നാനായ വനിതകളെ ആദരിക്കും. യുകെ യിലെ വിവിധ യൂണിറ്റുകളിലെ വനിതാ അംഗങ്ങള്‍ ഒന്നുചേര്‍ന്ന് അവതരിപ്പിക്കുന്ന വെല്‍ക്കം ഡാന്‍സിനെ തുടര്‍ന്ന് വൈവിധ്യ മാര്‍ന്ന കലാ പരിപാടികള്‍ നടക്കും.
ഈ വാര്‍ഷികത്തിന്റെ വിജയത്തിനായി ടെസി ബെന്നി മാവേലില്‍ , ലീനുമോള്‍ ചാക്കോ, മോളമ്മ ചെറിയാന്‍ , മിനു തോമസ്, ജെസി ബൈജു, മിനി ബെന്നി എന്നീ കമ്മിറ്റി അംഗങ്ങള്‍ നേതുത്വം കൊടുക്കുന്നു. കലാപരിപാടികള്‍ ആസ്വദിക്കുവാനും വാര്‍ഷികാഘോഷം വന്‍ വിജയമാക്കി തീര്‍ക്കുവാനും ഏവരുടെയും സാന്നിദ്ധ്യം പ്രതീക്ഷിക്കുന്നു.
