ഹെയര്ഫീല്ഡ്: ഗ്രെയ്റ്റ് ബ്രിട്ടന് സീറോ മലബാര് രൂപതയുടെ,ലണ്ടന് റീജണല് കോര്ഡിനേറ്ററും, ലേഡി ക്വീന് ഓഫ് ഹോളി റോസറി മിഷന് ഡയറക്ടറും ആയ ഫാ. സെബാസ്റ്റ്യന് ചാമക്കാല നയിക്കുന്ന നൈറ്റ് വിജില് ഹെയര്ഫീല്ഡില് ഡിസംബര് 21 ശനിയാഴ്ച നടത്തപ്പെടുന്നു. ലേഡി ക്വീന് ഓഫ് ഹോളി റോസറി മിഷന്റെ ആഭിമുഖ്യത്തില് എല്ലാ മൂന്നാം ശനിയാഴ്ച്ചകളില് നടത്തപ്പെടുന്ന നൈറ്റ് വിജില് ഈ ശനിയാഴ്ച രാത്രി എട്ടു മണിക്ക് ഹെയര്ഫീല്ഡ് സെന്റ് പോള്സ് കത്തോലിക്ക ദേവാലയത്തില് വെച്ചാണ് നടത്തപ്പെടുന്നത്.
യു കെ യിലെ ആല്മീയഅജപാലന ശുശ്രുഷകള് നിറുത്തി നാട്ടിലേക്ക് തിരിച്ചു പോകുന്ന സെബാസ്റ്റ്യന് ചാമക്കാല അച്ചന്, ലേഡി ക്വീന് ഓഫ് റോസരി മിഷന് ഡയറക്ടര് എന്ന നിലയില് ഹെയര് ഫീല്ഡില് നടത്തുന്ന ഈ സമാപന ശുശ്രുഷയില് പങ്കു ചേരുവാന് ഏവരെയും സസ്നേഹം ക്ഷണിച്ചു.
കരുണക്കൊന്തക്കു ശേഷം, ദിവ്യകാരുണ്യ ആരാധനയോടെ അവസാനിക്കുന്ന ഈ തിരുകര്മ്മങ്ങളില് വിശുദ്ധ കുര്ബ്ബാനയും, വചന പ്രഘോഷണവും ഉണ്ടായിരിക്കുന്നതാണ്. ബ്ര. ചെറിയാന്, ബ്ര. ജൂഡി എന്നിവര് പ്രെയിസ് ആന്ഡ് വര്ഷിപ്പ് ശുശ്രുഷകള്ക്കു നേതൃത്വം നല്കും. ശുശ്രുഷകള്ക്ക് സമാപനമായി 11:30 ന് സ്നേഹ വിരുന്നും ഉണ്ടായിരിക്കുന്നതാണ്.
തിരുപ്പിറവി തിരുന്നാളിന് ആമുഖമായി നോമ്പുകാലത്തില് നടത്തപ്പെടുന്ന ഈ നൈറ്റ് വിജില് ശുശ്രുഷകള് ആല്മീയമായും മാനസ്സികമായും ഒരുങ്ങുവാനും, ദൈവീക കൃപകള് സ്വീകരിക്കുവാനും ഉതകുന്ന അനുഗ്രഹദായകമായ ഈ അവസരം ഉപയോഗിക്കുവാന് എല്ലാവരോടും സസ്നേഹം അഭ്യര്ത്ഥിക്കുന്നു.
കുട്ടികള്ക്ക് മതബോധന പരിശീലനവും തത്സമയം നടത്തുന്നതാണ്.
കൂടുതല് വിവരങ്ങള്ക്ക്: ജോമോന് ഹെയര്ഫീല്ഡ് 07804691069
പള്ളിയുടെ വിലാസം: St Pauls church ,2 Merele Avenue. UB9 6DG.
