ഇറാന്റെ യു എസ് സൈനിക താവള ആക്രമണത്തിന് പിന്നാലെ 180 പേരുമായി പറന്ന യുക്രൈന് വിമാനം ഇറാനില് തകര്ന്നു വീണു. ബോയിങ് 737 വിമാനമാണ് ടെഹ്റാന് വിമാനത്താവളത്തില് നിന്ന് ടേക്ക് ഓഫ് ചെയ്തു മൂന്നു മിനിട്ടിനു ശേഷം തകര്ന്നു വീണത്.
ടെഹ്റാന് ഇമാം ഖമേനി അന്താരാഷ്ട്ര വിമാനത്താവളത്തില് യുക്രൈന് തലസ്ഥാനമായ കീവിലേക്ക് പുറപ്പെട്ട വിമാനമാണ് പുലര്ച്ചെ രണ്ടേമുക്കാലോടെ അപകടത്തില്പ്പെട്ടത്. വിമാനത്തില് 170 യാത്രക്കാരും 10 ജീവനക്കാരുമാണ് ഉണ്ടായിരുന്നത്. വിമാനത്തിലുണ്ടായിരുന്ന എല്ലാവരും മരിച്ചതായാണ് റിപ്പോര്ട്ട്
യു.എസ്.-ഇറാന് സംഘര്ഷം നിലനില്ക്കുന്ന സാഹചര്യത്തിലാണ് അപകടം. എന്നാല് അപകടത്തിന് ഇതുമായി ബന്ധമില്ലെന്നാണ് റിപ്പോര്ട്ടുകള്. സാങ്കേതിക തകരാര് മൂലമാണ് വിമാനം തകര്ന്ന് വീണതെന്നാണ് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നത്.
സൈനിക കേന്ദ്രങ്ങള് ആക്രമിച്ചതിന് പിന്നാലെ യു.എസ്. യാത്രാവിമാനങ്ങള് ഗള്ഫ് വ്യോമാതിര്ത്തികളില് പ്രവേശിക്കരുതെന്ന് അമേരിക്കന് വ്യോമയാന കേന്ദ്രങ്ങള് കര്ശന നിര്ദേശം നല്കിയിരുന്നു.
