ചൈനയില് വീട്ടില് അതിക്രമിച്ചു കയറി ബലാത്സംഗം ചെയ്യാന് ശ്രമിച്ചയാളില് നിന്നും ഷവോ എന്ന യുവതി രക്ഷപ്പെട്ടത് കൊറോണയുടെ പേര് പറഞ്ഞ്. 25 വയസുള്ള ജിങ്ഷാന് സ്വദേശിനിയെ ആണ് അക്രമിയില് നിന്നും കൊറോണ ഭീതി രക്ഷിച്ചത്.
വീട്ടില് അതിക്രമിച്ചു കയറി ബലാത്സംഗം ചെയ്യാന് ശ്രമിച്ചയാളില് നിന്നും ഷവോ എന്ന യുവതിയാണ് രക്ഷപ്പെട്ടത്. താന് കഴിഞ്ഞ ദിവസം വുഹാനില് നിന്നും മടങ്ങിയെത്തിയതേയുള്ളുവെന്നും ക്ഷീണിതയായ തന്നെ ഉപദ്രവിക്കരുതെന്നുംയുവതി അക്രമിയോട് അപേക്ഷിച്ചു. വുഹാന് എന്നു കേട്ടപാടെ അയാള് ജീവനും കൊണ്ട് ഓടിയെന്നാണ് റിപ്പോര്ട്ട് പറയുന്നത്.
അത് അയാളെ ഭയപ്പെടുത്തി. യുവതിയെ ഉപേക്ഷിച്ചെങ്കിലും അവരുടെ കൈവശമുണ്ടായിരുന്ന 3080 (31,417 രൂപ) യുവാന് അയാള് മോഷ്ടിച്ചു. മോഷണ ലക്ഷ്യത്തോടെയാണ് വീട്ടില് കടന്നതെങ്കിലും വീട്ടില് അവര് തനിച്ചാണെന്ന് കണ്ടതോടെ ബലാത്സംഗത്തിന് ശ്രമിക്കുകയായിരുന്നു എന്നാണ് റിപ്പോര്ട്ട്. വുഹാനില് നിന്നും മൂന്നു മണിക്കൂര് ദൂരം യാത്ര ചെയ്താന് എത്തുന്നയിടത്താണ് പെണ്കുട്ടിയുടെ വാസസ്ഥലം. എന്തായാലും വീട്ടില് അതിക്രമിച്ചു കയറിയയാള് ഇപ്പോള് അറസ്റ്റിലായിട്ടുണ്ട്.
