ചൈനയില് പടര്ന്നുപിടിച്ച കൊറോണ ബാധയില് മരണസംഖ്യ 1368 ആയി. റിപ്പോര്ട്ട് ചെയ്യപ്പെട്ട രോഗബാധിതരുടെ എണ്ണം 60,000 ആയി ഉയര്ന്നു. ദിനംപ്രതി 100 പേര് വീതമാണ് ചൈനയില് മരണമടഞ്ഞുകൊണ്ടിരിക്കന്നത്. എന്നാല് ചൊവ്വാഴ്ച മാത്രം മരണമടഞ്ഞവരുടെ എണ്ണം 242 ആയിരുന്നു.
ഇതുവരെ ചൈനയില് 60,286 പേര്ക്കാണ് രോഗം ബാധിച്ചിരിക്കുന്നത്. രോഗത്തിന് വാക്സിന് കണ്ടെത്താന് താമസിക്കുന്നത് വലിയ തിരിച്ചടിയാണ്. രോഗം പടരുന്നത് പ്രതിരോധിക്കാന് കഴിയാത്ത സ്ഥിതിയിലേക്ക് മാറിയതോടെ ഫെബ്രുവരിയില് ഏറ്റവും കൂടിയ നിലയിലേക്കാണ് മരണസംഖ്യ കടന്നിരിക്കന്നത്.
വിവിധ രാജ്യങ്ങളില് പല പേരുകളില് അറിയപ്പെടുന്നതിനാല് കഴിഞ്ഞ ദിവസം ലോകാരോഗ്യ സംഘടന കൊറോണ വൈറസിന് കോവിഡ് - 19 എന്ന പൊതുനാമം പുറത്തുവിട്ടിരുന്നു. ചൈനയ്ക്ക് പുറത്ത് ഹോങ്കോംഗിലും സിങ്കപ്പൂരിലുമാണ് വൈറസ് കേസുകള് കൂടുതല് റിപ്പോര്ട്ട് ചെയ്തത്.
