റെക്കോഡുകള് തിരുത്തി ദിനംപ്രതി സ്വര്ണവില ശരവേഗത്തില് കുതിക്കുന്നു. തിങ്കളാഴ്ച രാവിലെ 320 രൂപയും ഉച്ചകഴിഞ്ഞ് 200 രൂപയുംകൂടി 32,000 രൂപയായി. ഇതോടെ ഗ്രാമിന്റെ വില 4000 രൂപയുമായി. തുടര്ച്ചയായി നാലാമത്തെ ദിവസമാണ് സ്വര്ണവില വര്ധിക്കുന്നത്. ശനിയാഴ്ച 200 രൂപയും വെള്ളിയാഴ്ച 400 രൂപയും വര്ധിച്ചിരുന്നു. 20 ദിവസം ദിവസംകൊണ്ട് 2,080 രൂപയാണ് കൂടിയത്.
ഡോളറിനെതിരെയുള്ള രൂപയുടെ മൂല്യം 71.89ലേയ്ക്ക് താഴ്ന്നതും സ്വര്ണവില ഉയരാനിടയാക്കി. ആഗോള വിപണിയില് സ്പോട്ട് ഗോള്ഡ് വില രണ്ടുശതമാനം വര്ധിച്ച് ഔണ്സിന് 1,678.58 ഡോളറായി.
ചൈനയിയില് കൊറോണ വൈറസ് ബാധയാണ് വിലവര്ധനയെ സ്വാധീനിച്ചത്. വ്യാവസായ വളര്ച്ചകുറയുന്നത് ആഗോള സാമ്പത്തിക മാന്ദ്യത്തിലേയ്ക്ക് നീങ്ങുമെന്ന ഭയമാണ് കാരണം. മാന്ദ്യവേളയില് സുരക്ഷിത നിക്ഷേപമെന്ന നിലയില് സ്വര്ണത്തിന് ഡിമാന്റ് കൂടി. വരും ദിവസങ്ങളിലും വില കൂടാന് തന്നെയാണ് സാധ്യത. കേരളത്തില് ഒരു പവന് വാങ്ങണമെങ്കില് 35000 രൂപ കൊടുക്കണം. സ്വര്ണ വില വിവാഹ പാര്ട്ടികള്ക്ക് വലിയ ഭാരമാണ് വരുത്തിവയ്ക്കുന്നത്.
യുഎസ്-ഇറാന് സംഘര്ഷത്തെതുടര്ന്ന് ആണ് കഴിഞ്ഞമാസം പവനു ആദ്യമായി 30000 ല് എത്തിയത്. ആഗോള വിപണിയില് വില കുതിച്ചതാണ് ആഭ്യന്ത വിപണിയിലും പ്രതിഫലിച്ചത്. സ്വര്ണവില സമീപ ഭാവിയില് നാല്പ്പതിനായിരമെത്തുമെന്ന വാര്ത്തകള് വരുന്നുണ്ട്.
