ബര്ലിന്: ജര്മന് ചാന്സലര് ആംഗേല മെര്ക്കല് ക്വാറന്റീനില്. ആംഗേലയ്ക്ക് വാക്സിന് നല്കിയ ഡോക്ടര്ക്ക് കൊവിഡ് 19 സ്ഥിരീകരിച്ചതോടെയാണ് മെര്ക്കല് ക്വാറന്റീനില് പ്രവേശിച്ചത്.
ആംഗേലയ്ക്ക് ന്യൂമോണിയ വാക്സിന് നല്കിയ ഡോക്ടര്ക്ക് കൊവിഡ് 19 സ്ഥിരീകരിച്ചിട്ടുണ്ട്. അതേസമയം ചാന്സലര് നിരീക്ഷണത്തിലാണെന്നും എന്നാല് വീട്ടിലിരുന്ന് തന്റെ ജോലി ചെയ്യുമെന്നും വക്താവ് അറിയിച്ചു.
നേരത്തെ ജര്മ്മനിയിലെ ജനങ്ങള് സാമൂഹിക അകലം പാലിക്കണമെന്ന് ആംഗേല അവസാനമായി രാജ്യത്തെ ജനങ്ങളെ അഭിസംബോധന ചെയ്ത് പറഞ്ഞിരുന്നു.
അതിനിടെ യു.എസ്. സെനറ്റര് റാന്റ് പോളിന് വൈറസ് ബാധ സ്ഥിരീകരിച്ചു. വൈറസ് ബാധിക്കുന്ന ആദ്യ സെനറ്റംഗമാണ് പോള്.
ഇദ്ദേഹം ലക്ഷണങ്ങളൊന്നും പ്രകടിപ്പിച്ചിരുന്നില്ലെങ്കിലും അടുത്തിടെ ഒട്ടേറെ യാത്രകള് നടത്തിയിരുന്ന പശ്ചാത്തലത്തില് പരിശോധനയ്ക്ക് വിധേയനാക്കുകയായിരുന്നു.
