കൊച്ചി: കൊച്ചിയില് ആരോഗ്യപ്രവര്ത്തകയ്ക്ക് കോവിഡ് സ്ഥിരീകരിച്ചു. തുടര്ന്ന്, ഇവര് പ്രതിരോധ കുത്തിവയ്പ്പെടുത്ത 70 കുട്ടികളാണ് എറണാകുളത്ത് നിരീക്ഷണത്തിലായത്. ചൊവ്വര പ്രാഥമികാരോഗ്യ കേന്ദ്രത്തിലെ ജൂനിയര് പബ്ലിക് ഹെല്ത്ത് നഴ്സിനാണ് കോവിഡ് സ്ഥിരീകരിച്ചത്.
രോഗലക്ഷണങ്ങള് കണ്ടശേഷവും നിരവധി കുട്ടികള്ക്ക് ഇവര് പ്രതിരോധ കുത്തിവയ്പ്പ് എടുത്തിരുന്നു. തുടര്ന്നാണ് ഈ കുട്ടികളുടെ വിവരം ശേഖരിച്ചത്. നഴ്സിന് രോഗം സ്ഥിരീകരിച്ചതിനെ തുടര്ന്ന് കുട്ടികളെയും കുടുംബാംഗങ്ങയെും ക്വാറന്റൈനിലാക്കി.
കഴിഞ്ഞ ബുധനാഴ്ചയാണ് നഴ്സ് 70 കുട്ടികള്ക്ക് പ്രതിരോധ കുത്തിവയ്പ്പ് എടുത്തത്. നഴ്സിന്റെ ഭര്ത്താവിനും കോവിഡ് പോസിറ്റീവാണ്. കാലടി ശ്രീമൂല നഗരം പഞ്ചായത്തിലെ ആറ് വാര്ഡുകൾ കണ്ടെയ്ന്റ് മെന്റ് സോണുകളാക്കി. നഴ്സിന്റെയും ഭര്ത്താവിന്റെയും സമ്പര്ക്ക പട്ടിക തയാറാക്കുകയാണ്.
