അസോസിയേഷന്‍

യുക്മ സാംസ്‌കാരിക വേദിയുടെ ആഭിമുഖ്യത്തില്‍, കോവിഡ് 19 ന് എതിരായ പ്രവര്‍ത്തനങ്ങള്‍ക്ക് മുന്‍നിരയില്‍ നില്‍ക്കുന്ന ലോകം മുഴുവനുമുള്ള ആരോഗ്യ പ്രവര്‍ത്തകര്‍ക്ക് പിന്തുണയും ആദരവും അര്‍പ്പിച്ച് കൊണ്ടുള്ള ലൈവ് ടാലന്റ് ഷോ 'LET'S BREAK IT TOGETHER' ല്‍ നാളെ (വ്യാഴം)
5 PM ന് (ഇന്‍ഡ്യന്‍ സമയം രാത്രി 9.30) അഴകിന്റെ വാദ്യ വിസ്മയം തീര്‍ക്കാന്‍ എത്തുന്നത് ബര്‍മിംഗ്ഹാം BCMC യുടെ ഫിയോണ ജോയിയും സഹോദരന്‍ ഫെയിന്‍ ജോയിയുമാണ്.

ലോകമെമ്പാടുമുള്ള മലയാളികളുടെ പ്രിയ സംഗീത വിരുന്നായ 'Let's Break It Together' ല്‍ പാട്ടിന്റെ വിരുന്നൊരുക്കാന്‍ എത്തുന്ന ഫിയോണ വയലിനിലും ഫെയിന്‍ പിയാനോയിലും പെര്‍ഫോം ചെയ്യുന്നു.

ബര്‍മിംഗ്ഹാം സെന്റ്. പോള്‍സ് സ്‌കൂള്‍ ഫോര്‍ ഗേള്‍സിലെ ഇയര്‍ 10 വിദ്യാര്‍ത്ഥിനിയായ ഫിയോണ യുക്മ കലാമേളകളിലെ സ്ഥിര സാന്നിദ്ധ്യമാണ്. യു കെ യിലെമ്പാടുമായി നിരവധി വേദികളില്‍ തന്റെ പ്രതിഭ പ്രകടിപ്പിച്ചിട്ടുള്ള ഈ 15 വയസ്സ്‌കാരി യുക്മ കലാമേളകളില്‍ ഡാന്‍സിനും സോളോ സോങ്ങിനും നിരവധി തവണ സമ്മാനങ്ങള്‍ കരസ്ഥമാക്കിയിട്ടുണ്ട്. Fiona Joy എന്ന യു ട്യൂബ് ചാനലിലൂടെ തന്റെ കലാപ്രകടനങ്ങള്‍ ആസ്വാദകരിലെത്തിക്കുന്ന ഫിയോണ ബൈബിള്‍ കലോത്സവ വേദികളില്‍ നിരവധി തവണ വയലിന്‍ വിഭാഗത്തില്‍ സമ്മാനാര്‍ഹയായിട്ടുണ്ട്. വയലിന്‍ ഗ്രേഡ് നാലില്‍ പരിശീലനം തുടരുന്ന ഫിയോണ സംഗീത വഴിയില്‍ കൂടുതല്‍ ഉയരങ്ങളിലെത്താനുള്ള ഉറച്ച തീരുമാനത്തിലാണ്.

ഫിയോണയുടെ കുഞ്ഞനുജന്‍ 11 വയസ്സ്‌കാരന്‍ ഫെയിന്‍ ചേച്ചിയോടൊപ്പം സംഗീതലോകത്ത് ചുവടുറപ്പിക്കുകയാണ്. ബര്‍മിംഗ്ഹാം, കിറ്റ്‌സ് ഗ്രീന്‍ ഔവ്വര്‍ ലേഡീസ് കാത്തലിക് പ്രൈമറി സ്‌കൂള്‍ ഇയര്‍ 6 വിദ്യാര്‍ത്ഥിയായ ഫെയിന്‍ പിയാനോ ഗ്രേഡ് നാലില്‍ പരിശീലനം തുടരുകയാണ്. ബര്‍മിംഗ്ഹാമിലെ ജോയി ജോണ്‍ - മിനി ജോയി ദമ്പതികളുടെ മക്കളാണ് ഈ കലാമുകുളങ്ങള്‍. യുക്മ മിഡ്‌ലാന്‍ഡ്സ് റീജിയണിലെ ബര്‍മിംങ്ഹാം BCMC യിലെ സജീവാംഗങ്ങളാണ് ഈ കുടുംബം.

പാട്ടരങ്ങുകളില്‍ സംഗീതത്തിന്റെ പൊന്‍കിരണങ്ങള്‍ വീശുന്ന ഈ കൌമാര പ്രതിഭകള്‍ക്ക് പിന്തുണയേകാന്‍ ലോകമെമ്പാടുമുള്ള സംഗീതാസ്വാദകരെ യുക്മ സാംസ്‌കാരിക വേദിയുടെ 'Let's Break It Together' ല്‍ നാളെ 23/07/2020 വ്യാഴാഴ്ച 5PM ന് (ഇന്ത്യന്‍ സമയം രാത്രി 9.30) ആരംഭിക്കുന്ന ലൈവ് ഷോയിലേക്ക് സസ്‌നേഹം സ്വാഗതം ചെയ്യുന്നു.

'LET'S BREAK IT TOGETHER' ലൈവ് ഷോയ്ക്ക് ലോകമെമ്പാടുമുള്ള മലയാളി പ്രേക്ഷകര്‍ നല്‍കി വരുന്ന പിന്തുണയ്ക്ക് യുക്മ, യുക്മ സാംസ്‌കാരിക വേദി പ്രവര്‍ത്തകര്‍ ഹൃദയപൂര്‍വ്വം നന്ദി രേഖപ്പെടുത്തുന്നു.

എട്ടു വയസ്സു മുതല്‍ 21 വയസ്സ് വരെ പ്രായമുള്ള യു കെ യിലെ വൈവിധ്യമാര്‍ന്ന കലാവാസനയുള്ള പ്രതിഭകളെയും ലോകത്തിന്റെ വിവിധ ഭാഗങ്ങളില്‍ പ്രശസ്തരായ കുട്ടികളെയും പങ്കെടുപ്പിച്ച് നടത്തുന്ന ഈ കലാവിരുന്ന് ആരോഗ്യ പ്രവര്‍ത്തകര്‍ക്ക് കൃതജ്ഞതയും അഭിവാദ്യവും അര്‍പ്പിക്കുന്നതിനായാണ് സംഘടിപ്പിച്ചിരിക്കുന്നത്. വ്യത്യസ്തമായ സംഗീതോപകരണങ്ങളില്‍ കലാവിരുത് പ്രകടിപ്പിക്കുവാന്‍ കഴിവുള്ള പ്രതിഭകളുടെ കലാപ്രകടനങ്ങളാണ് ഈ ലൈവ് ഷോയുടെ പ്രധാന ആകര്‍ഷണം. എന്നാല്‍ ഹാസ്യാത്മകമായ പരിപാടികള്‍ ഉള്‍പ്പെടെ വൈവിധ്യമാര്‍ന്നതും ആകര്‍ഷണങ്ങളുമായ മറ്റു കലാപരിപാടികള്‍ അവതരിപ്പിക്കുവാനുള്ള അവസരവും ഉണ്ടായിരിക്കുന്നതാണ്.

യുകെയിലെ അറിയപ്പെടുന്ന ഗായകനായ റെക്‌സ് ബാന്‍ഡ് യു കെ യുടെ റെക്‌സ് ജോസും, ജെ ജെ ഓഡിയോസിന്റെ ജോജോ തോമസും ചേര്‍ന്ന് പരിപാടികള്‍ അവതരിപ്പിക്കുന്നവര്‍ക്ക് വേണ്ട സാങ്കേതിക സഹായങ്ങള്‍ നല്‍കുന്നതാണ്. കലാപരിപാടികള്‍ അവതരിപ്പിക്കുന്നതിനുവേണ്ട മിനിമം സമയം ഇരുപത് മിനിറ്റ് ആണ്. പരിപാടികള്‍ അവതരിപ്പിക്കുവാന്‍ ആഗ്രഹിക്കുന്ന എട്ടു മുതല്‍ ഇരുപത്തിയൊന്ന് വയസ്സ് വരെ പ്രായപരിധിയിലുള്ള കലാ പ്രതിഭകള്‍ അവതരിപ്പിക്കുവാന്‍ ആഗ്രഹിക്കുന്ന പരിപാടിയുടെ, കുറഞ്ഞത് അഞ്ച് മിനിറ്റ് ദൈര്‍ഘ്യം ഉള്ള വീഡിയോ ക്ലിപ്പ് 07846747602 എന്ന് വാട്‌സ്ആപ്പ് നമ്പറില്‍ അയച്ചു തരേണ്ടതാണ് . ഓര്‍ഗനൈസിംഗ് കമ്മിറ്റിയുടെ തീരുമാനം അനുസരിച്ച് പരിപാടികള്‍ അവതരിപ്പിക്കേണ്ടവരെ മുന്‍കൂട്ടി അറിയിക്കുന്നതുമായിരിക്കും.

ലോകമെമ്പാടുമുള്ള ആതുരസേവകര്‍ക്ക് ആദരവ് നല്‍കുന്നതിനായി യുക്മ സാംസ്‌കാരിക വേദിയുടെ ആഭിമുഖ്യത്തില്‍ പ്രതിഭാ സമ്പന്നരായ കുട്ടികള്‍ അവതരിപ്പിക്കുന്ന 'ലെറ്റ്‌സ് ബ്രേക്ക് ഇറ്റ് ടുഗദര്‍ ' എന്ന ലൈവ് കലാവിരുന്നിന് എല്ലാവിധ പ്രോത്സാഹനവും നല്‍കി വിജയിപ്പിക്കണമെന്ന് യുക്മ പ്രസിഡണ്ട് മനോജ്കുമാര്‍ പിള്ള, ജനറല്‍ സെക്രട്ടറി അലക്‌സ് വര്‍ഗീസ് വൈസ് പ്രസിഡന്റ് എബി സെബാസ്റ്റ്യന്‍ എന്നിവര്‍ അഭ്യര്‍ത്ഥിച്ചു.

യുക്മ സാംസ്‌കാരിക വേദി രക്ഷാധികാരി സി എ ജോസഫ് ദേശീയ കോര്‍ഡിനേറ്റര്‍ കുര്യന്‍ ജോര്‍ജ്, വൈസ് ചെയര്‍മാന്‍ ജോയി ആഗസ്തി, ജനറല്‍ കണ്‍വീനര്‍മാരായ ജയ്സണ്‍ ജോര്‍ജ്ജ്, തോമസ് മാറാട്ടുകളം എന്നിവരാണ് പരിപാടിയുടെ മേല്‍നോട്ടം വഹിക്കുന്നത്.

പ്രോഗ്രാം സംബന്ധമായ കൂടുതല്‍ വിവരങ്ങള്‍ക്ക് യുക്മ സാംസ്‌കാരിക വേദി രക്ഷാധികാരിയും, പരിപാടിയുടെ പ്രധാന ചുമതല വഹിക്കുന്നയാളുമായ സി എ ജോസഫ് (07846747602),

യുക്മ സാംസ്‌കാരിക വേദി നാഷണല്‍ കോര്‍ഡിനേറ്റര്‍ കുര്യന്‍ ജോര്‍ജ് (07877348602) എന്നിവരെ ബന്ധപ്പെടേണ്ടതാണ്.