എ-ലെവല്‍ ,ജിസിഎസ്ഇ പരീക്ഷ ഫലങ്ങള്‍ പുറത്തുവരവേ യുകെയിലെ മലയാളി വിദ്യാര്‍ഥികളിലെ മിന്നും താരങ്ങളായി മാറിയിരിക്കുകയാണ് സഹോദരിമാരായ ലെസ്ലിയും ക്ലരീസയും. ജിസിഎസ്ഇയിലും എ-ലെവലിലും അഭിമാനകരമായ വിജയമാണ് ലണ്ടനിലെ ന്യൂബറി പാര്‍ക്കില്‍ താമസിക്കുന്ന അജു മാത്യു-ജിനിമോള്‍ ദമ്പതികളുടെ മക്കളായ ഇരുവരും സ്വന്തമാക്കിയത്.
മൂത്തമകള്‍ ലെസ്ലി എ-ലെവലിന് മൂന്ന് എ- സ്റ്റാറും ഒരു എ ഗ്രേഡും നേടി ലണ്ടന്‍ ഇംപീരിയല്‍ കോളജില്‍ അനായാസം മെഡിസിന് പ്രവേശനം നേടി. ജി.സി.എസ്.ഇക്ക് 11 വിഷയങ്ങള്‍ക്കും ഗ്രേഡ് ഒമ്പത് (എ-ഡബിള്‍ സ്റ്റാര്‍) നേടിയാണ് ഇളയ മകള്‍ ക്ലരീസ മിന്നും വിജയം സ്വന്തമാക്കിയത്. ഭാവിയില്‍ നിയമം പഠിക്കാനാണ് ക്ലരീസയുടെ മോഹം. ഇതിനായുള്ള സബ്ജറ്റുകളില്‍ എ-ലെവല്‍ കോഴ്സിന് ചേര്‍ന്ന് സ്വന്തം സ്കൂളായ സെവന്‍ കിംങ്സില്‍ തന്നെ തുടരാനാണ് ക്ലരീസയുടെ തീരുമാനം.
പാഠ്യ, പാഠ്യേതര വിഷയങ്ങളിലും കഴിവ് തെളിയിച്ച ഇരുവരും ഈസ്റ്റ് ലണ്ടനിലെ പ്രശസ്തമായ സെവന്‍ കിംങ്സ് സ്കൂളിന്റെ അഭിമാന താരങ്ങളാണ്.
കോട്ടയം കൂടല്ലൂര്‍ സ്വദേശികളാണ് ഈ കുടുംബം. യുകെകെസിഎ ഈസ്റ്റ് ലണ്ടന്‍ യൂണിറ്റ് അംഗങ്ങളാണ്.
