14രാജ്യങ്ങളില്‍ നിന്ന് 18വയസിനു താഴെയുള്ള ഗായികരെ അണിനിരത്തി കൊണ്ട് യുകെ മലയാളി ജെസ്‌വിന്‍ പടയാട്ടില്‍ രചനയും സംഗീതവും നല്‍കിയ 'സ്നേഹമാം ഈശോയെ...' എന്ന ഗാനo ചരുങ്ങിയ സമയം കൊണ്ടാണ് സോഷ്യല്‍ മീഡിയകളില്‍ തരംഗമായി മാറിയത്.
കേരളത്തിന്റെ കൊച്ചു വാനമ്പാടിയായ ശ്രേയ ജയദീപ് അടക്കം 183ഗായകരെ കോര്‍ത്തിണക്കിയ ഈ മ്യൂസിക് ആല്‍ബം jesvinpadayattil official എന്ന youtube ചാനലിലൂടെ ഇക്കഴിഞ്ഞ ദിവസമാണ് റിലീസ് ചെയ്തത്. അങ്കമാലി കറുകുറ്റി സ്വദേശിയായ ജെയിംസ് പടയാട്ടിലിന്റെയും ജെസ്സി ജെയിംസ്ന്റെയും മകനാണ് ജെസ്‌വിന്‍. ഏകസഹോദരി ജെസ്‌ലിന്‍. 12വര്‍ഷമായി യുകെയിലെ വര്‍ത്തിങ്ങില്‍ താമസിക്കുന്ന ജെസ്‌വിന്‍ 2014ല്‍ ആണ് സംഗീത സംവിധാന രംഗത്തേക്ക് കടന്നു വരുന്നത്.
ഇതിനോടകം 15ല്‍ പരം ഗാനങ്ങള്‍ എഴുതാനും 40ഓളം ഗാനങ്ങള്‍ക്ക് ഈണം നല്‍കിയിട്ടുണ്ട്. ശ്രേയ ജയദീപ്, ബിജു നാരായണന്‍, മധു ബാലകൃഷ്ണന്‍, കെസ്റ്റര്‍, നജീം അര്‍ഷാദ്, മിഥില മൈക്കിള്‍, എലിസബേത് രാജു, ചിത്ര അരുണ്‍, ജോബി ജോണ്‍, അഭിജിത് കൊല്ലം തുടങ്ങി കേരളത്തിലെ അറിയപ്പെടുന്ന ഗായകര്‍ ജെസ്‌വിന്‍ ഈണം നല്‍കിയ ഗാനങ്ങള്‍ക്ക് ശബ്ദം നല്‍കിയിട്ടുണ്ട്.
ഓസ്ട്രേലിയ, കാനഡ, അയര്‍ലണ്ട്, കുവൈറ്റ്‌, ഒമാന്‍, സൗദി അറേബ്യ, ബഹ്‌റൈന്‍, ഖത്തര്‍, യു എ ഇ , ന്യൂ സിലാണ്ട്, അമേരിക്ക , യുകെ, ഇറ്റലി, ഇന്ത്യ തുടങ്ങിയ രാജ്യങ്ങളില്‍ നിന്നുമുള്ള കുട്ടികള്‍ ആണ് ഈ ഗാനത്തില്‍ പാടിയിരിക്കുന്നത്.
വീഡിയോ കാണുവാന്‍ ഇവിടെ ക്ലിക് ചെയുക : https://youtu.be/KRbeRqzSeiI
https://m.facebook.com/story.php?story_fbid=660465588235551&id=100028163484051
പശ്ചാത്തലസംഗീതം : ഡെനി ഡെന്‍സില്‍ ഫെര്‍ണാണ്ടസ്,
പുല്ലാങ്കുഴല്‍ രാജേഷ് ചേര്‍ത്തല,
ഗിറ്റാര്‍ ജിന്റോ ചാലക്കുടി
മിക്സ്‌ & മാസ്റ്ററിങ് : ഫ്രാന്‍സിസ് കോള്ളന്നൂര്‍, ഗ്രാഫിക്സ് & എഡിറ്റിംഗ് വിജിത് പുല്ലൂക്കര എന്നിവരാണ് ഈ ഗാനത്തിന്റെ മറ്റു അണിയറ ശില്പികള്‍
