പാലക്കാട്: റോഡരികില് കഴുത്തറുത്ത നിലയില് യുവതിയുടെ മൃതദേഹം കണ്ടെത്തി. പുതുനഗരം ചോറക്കോട് റോഡരികിലാണ് മൃതദേഹം കണ്ടെത്തിയത്. 40 വയസ് തോന്നിക്കുന്ന സ്ത്രീയാണ് കൊല്ലപ്പെട്ടത് . ഇവര് തമിഴ്നാട് സ്വദേശിനിയാണെന്നാണ് സൂചനകള്. പ്രദേശത്ത് ടെന്റ് കെട്ടി താമസിച്ച് വന്നിരുന്ന സ്ത്രീയാണ് കൊല്ലപ്പെട്ടത് എന്നാണ് റിപ്പോര്ട്ടുകള്. പൊലീസ് ഉദ്യോഗസ്ഥര് സംഭവ സ്ഥലത്ത് എത്തി അന്വേഷണം ആരംഭിച്ചു. സമീപത്തെ സിസിടിവി ദൃശ്യങ്ങള് ഉള്പ്പെടെ പരിശോധിച്ച് അന്വേഷണം നടത്താനാണ് പൊലീസിന്റെ നീക്കം. യുവതി കൊല്ലപ്പെട്ട സ്ഥലത്തിന് സമീപം വെട്ടുകത്തിയും മദ്യക്കുപ്പിയും കണ്ടെത്തിയിട്ടുണ്ട്.
