വികാരിയെ പള്ളി മേടയില്‍ മരിച്ച നിലയില്‍ കണ്ടെത്തി. അമ്പലപ്പുഴ കരുമാടി സെന്റ് നിക്കോളാസ് പള്ളി വികാരി പച്ച സ്വദേശി മാത്യു ചെട്ടിക്കുളത്തെ(57)യാണ് മേടയില്‍ മരിച്ച നിലയില്‍ കണ്ടെത്തിയത്. ചൊവ്വാഴ്ച രാവിലത്തെ പ്രാര്‍ത്ഥനക്ക് അച്ഛനെ കാണാതെ വന്നതോടെ വിശ്വാസികള്‍ തിരക്കി ചെന്നപ്പോള്‍ മുറി അകത്തു നിന്ന് പൂട്ടിയ നിലയിലായിരുന്നു. തുടര്‍ന്ന് വിശ്വാസികള്‍ മുറിചവിട്ടിത്തുറന്ന് അകത്തു കയറിയപ്പോള്‍ കട്ടിലില്‍ കിടക്കുന്നതാണ് കണ്ടത്. നിരവധി രോഗങ്ങള്‍ക്ക് മരുന്നു കഴിക്കുന്നയാളാണ് ഫാ.ഫാത്യു എന്ന് കൂടെയുള്ളവര്‍ പറയുന്നു. അമ്പലപ്പുഴ പൊലീസും സ്ഥലത്തെത്തിയിരുന്നു. മൃതദേഹം ചങ്ങനാശേരിയിലുള്ള സ്വ വസതിയിലേക്ക് കൊണ്ടു പോയി.
