യുക്രൈന് അതിര്ത്തിയില് നിന്ന് റഷ്യ പിന്മാറുന്നെന്ന പുടിന്റെ പ്രഖ്യാപനം തട്ടിപ്പെന്നും റഷ്യ യുക്രൈനെ ആക്രമിക്കുമെന്നും അമേരിക്ക. ഒരു രാസായുധ പ്രയോഗത്തിനാണ് റഷ്യ മുതിരുന്നതെന്ന അമേരിക്കയുടെ മുന്നറിയിപ്പ് വന്ന് ഏതാനും മണിക്കൂറുകള്ക്ക് ശേഷമാണ് വൈറ്റ്ഹാള് പുടിന്റെ പുതിയ യുദ്ധതന്ത്രം വെളിപ്പെടുത്തുന്നത്.
എന്നാല്, മദ്ധ്യയൂറോപ്പില് നിന്നും കിഴക്കന് യൂറോപ്പില് നിന്നും ബാള്ട്ടിക് മേഖലയില് നിന്നും അമേരിക്കന് സൈന്യത്തെ പൂര്ണ്ണമായും പിന്വലിക്കണമെന്ന ആവശ്യമാണ് ഇതിനു പകരമായി പുടിന് ഉയര്ത്തുന്നത്.
യുക്രൈയിന് തലസ്ഥാനമായ കീവിന് ഭീഷണി ഉയരുന്ന തരത്തിലാണ് ഇപ്പോള് റഷ്യന് സൈന്യം അതിര്ത്തിയില് പുനര്വിന്യസിക്കപ്പെട്ടിരിക്കുന്നതെന്ന് ബ്രിട്ടീഷ് പ്രതിരോധ മന്ത്രാലയം ചൂണ്ടിക്കാട്ടുന്നു. യുക്രൈയിനിലേക്ക് അതിക്രമിച്ചു കടന്ന് കിഴക്കന് മേഖലയില് റഷ്യന് സൈന്യത്തിന് പൂര്ണ്ണ ആധിപത്യം സ്ഥാപിക്കാന് സഹായിക്കുന്ന നിരവധി മാര്ഗങ്ങള് ഉണ്ടെന്നും പ്രതിരോധ മന്ത്രാലയ വക്താവ് പറയുന്നു. ഒരു യുദ്ധമുണ്ടായാല്, നിരവധി സാധാരണക്കാര് കൊല്ലപ്പെടുമെന്നും റഷ്യയ്ക്കുണ്ടാകുന്ന നഷ്ടം നേരിടാന് പുടിന് തയാറെടുക്കണമെന്നും വക്താവ് മുന്നറിയിപ്പ് നല്കി.
യുക്രൈയിന് അതിര്ത്തിയില് നിന്നും പിന്മാറ്റം നടത്തുന്നു എന്ന റഷ്യന് വാദത്തെ സാധൂകരിക്കുന്ന തെളിവുകള് ഒന്നുമില്ലെന്ന് നേരത്തേ നാറ്റോയും അമേരിക്കയും പറഞ്ഞിരുന്നു. സൈനിക പരിശീലനം കഴിഞ്ഞ സ്ഥിതിക്ക് സൈന്യത്തെ തിരികെ വിളിക്കുകയാണ് എന്നായിരുന്നു പുടിന് പറഞ്ഞിരുന്നത്. എന്നാല് ലഭിക്കുന്ന ഏറ്റവു പുതിയ വിവരങ്ങള് അനുസരിച്ച് റഷ്യ ഏതു സമയവും യുക്രൈയിനെ ആക്രമിച്ചേക്കുമന്നാണ് ബ്രിട്ടീഷ് സര്ക്കാരിന്റെ ഒരു വക്താവ് അറിയിച്ചത്.
സൈന്യത്തെ പിന്വലിക്കാതെ അവരെ അതിര്ത്തിയോട് കൂടുതല് അടുത്ത പ്രദേശങ്ങളില് പുനര്വിന്യസിക്കുകയാണ് റഷ്യ എന്നാണ് നാറ്റോയും വൈറ്റ് ഹൗസും പറയുന്നത്.
