യുക്രൈയിന് മുകളില് പറക്കുന്നതിന് വിലക്ക് ഏര്പ്പെടുത്താന് നാറ്റോ ഇനിയും താമസിച്ചാല് ലക്ഷക്കണക്കിന് പേര് മരിക്കുമെന്ന് മുന്നറിയിപ്പ് നല്കി പ്രസിഡന്റ് വ്ളാദിമിര് സെലെന്സ്കി. സഖ്യകക്ഷികള് മൂന്നാം ലോകമഹായുദ്ധത്തിനായി കാത്തിരിക്കുകയാണെന്നും യുക്രൈയിന് പ്രസിഡന്റ് കുറ്റപ്പെടുത്തി.
യുക്രൈയിന്കാരെ മൃഗങ്ങളാക്കി മാറ്റുകയാണ് റഷ്യ ചെയ്യുന്നതെന്ന് സെലെന്സ്കി ആരോപിച്ചു. തന്റെ രാജ്യത്തേക്ക് മോസ്കോ രണ്ടാഴ്ചയായി നടത്തുന്ന അധിനിവേശത്തില് എത്രയും വേഗം നടപടിയെടുക്കാനാണ് നാറ്റോയോടും, പാശ്ചാത്യ ചേരിയോടും പ്രസിഡന്റ് ആവശ്യപ്പെടുന്നത്.
മരിയോപോളില് ശിശു- മാതൃരോഗ ആശുപത്രിയിലാണ് റഷ്യ നേരിട്ടുള്ള ആക്രമണം നടത്തിയത്. റഷ്യന് ആക്രമണത്തില് 17 പേര്ക്ക് പരുക്കേറ്റുവെന്നും റിപ്പോര്ട്ട് ഉണ്ട്. ആക്രമണത്തില് തകര്ന്ന ആശുപത്രിയുടെ വീഡിയോ സെലന്സ്കി ട്വീറ്റ് ചെയ്തു. ജനലുകലും ചുമരുകളും തകര്ന്നതായി വീഡിയോയില് കാണാം. തെക്ക് കിഴക്കന് ഡൊണാട്സ്ക് പ്രദേശത്താണ് ഈ ആശുപത്രി സ്ഥിതി ചെയ്യുന്നത്. പരുക്കേറ്റവരില് കുട്ടികള് ഇല്ലെന്നും മരണം റിപ്പോര്ട്ട് ചെയ്യപ്പെട്ടിട്ടില്ലെന്നും അധികൃതര് അറിയിച്ചു.
'നഗരങ്ങളെ അടച്ചുപൂട്ടി ഞങ്ങളെ മൃഗങ്ങളെ പോലെയാക്കി മാറ്റുകയാണ്. ഞങ്ങളുടെ ജനങ്ങള്ക്ക് ഭക്ഷണവും, വെള്ളവും ലഭിക്കരുതെന്ന നിലപാടാണ് അവര്ക്ക്. ഇത് ഞങ്ങള്ക്ക് ഒറ്റയ്ക്ക് നിര്ത്താന് കഴിയില്ല. ലോകം ഉക്രെയിന് ചുറ്റും അണിനിരക്കണം. പല തവണ നിങ്ങളോട് ആവശ്യപ്പെടാന് കാത്തിരിക്കരുത്. ആകാശ മാര്ഗ്ഗം അടയ്ക്കാന് ലക്ഷം തവണ ചോദിപ്പിക്കരുത്. ലോകം ഒന്നും ചെയ്യുന്നില്ല. ഖേദമുണ്ട്, പക്ഷെ അതാണ് സത്യം', സെലെന്സ്കി പറഞ്ഞു.
