ശതകോടീശ്വരനായ വ്യവസായി ഇലോണ് മസ്ക് ട്വിറ്റര് സ്വന്തമാക്കി . 4400 കോടി ഡോളറിനാണ് ഇലോണ് മസ്ക് ട്വിറ്റര് സ്വന്തമാക്കിയത്. തിങ്കളാഴ്ചയാണ് ട്വിറ്ററുമായി മസ്ക് കരാറില് ഒപ്പിട്ടത്. എല്ലാവര്ക്കും അഭിപ്രായ സ്വാതന്ത്യം നല്കുമെന്ന് ട്വിറ്റര് ഏറ്റെടുത്തതിന് പിന്നാലെ മസ്ക് ട്വീറ്റ് ചെയ്തു. 'ജനാധിപത്യത്തിന്റെ ജീവനുള്ള അടിത്തറയാണ് അഭിപ്രായ സ്വാതന്ത്ര്യം, മനുഷ്യരാശിയുടെ ഭാവിയില് സുപ്രധാനമായ കാര്യങ്ങള് ചര്ച്ച ചെയ്യപ്പെടുന്ന ഡിജിറ്റല് ടൗണ് സ്ക്വയറാണ് ട്വിറ്റര്.
പുതിയ ഫീച്ചറുകള് ഉപയോഗിച്ച് ട്വിറ്ററിനെ മെച്ചപ്പെടുത്തി, അല്ഗോരിതങ്ങള് ഓപ്പണ് സോഴ്സ് ആക്കി വിശ്വാസം വര്ധിപ്പിക്കുക, സ്പാം ബോട്ടുകളെ പരാജയപ്പെടുത്തുക, എല്ലാവര്ക്കും ആധികാരികത നല്കുക തുടങ്ങിയവയിലൂടെ ട്വിറ്ററിനെ എക്കാലത്തേയും മികച്ചതാക്കാന് ഞാന് ആഗ്രഹിക്കുന്നു.
ട്വിറ്ററിന് അനന്തമായ സാധ്യതകളുണ്ട്. അത് അണ്ലോക്ക് ചെയ്യുന്നതിന് കമ്പനിയുമായും ഉപയോക്താക്കളുടെ കമ്മ്യൂണിറ്റിയുമായും ചേര്ന്ന് പ്രവര്ത്തിക്കാന് ഞാന് ആഗ്രഹിക്കുന്നു,' മസ്ക് ട്വീറ്റ് ചെയ്തു.
കമ്പനി വാങ്ങാനുള്ള താല്പര്യം അറിയിച്ച് മസ്ക് ട്വിറ്റര് ചെയര്മാന് ബ്രെറ്റ് ടൈലര്ക്ക് കത്തെഴുതുകയായിരുന്നു.
