കോട്ടയം ജില്ലയില്‍ ഉഴവൂര്‍ പഞ്ചായത്തിലെ മോനിപ്പള്ളി എന്ന ഗ്രാമത്തില്‍ നിന്നും യുകെയില്‍ കുടിയേറിയ പ്രവാസികളുടെ പതിനാലാമത്‌ സംഗമം ജൂലൈ 9ന് കേംബ്രിഡ്ജില്‍ നടക്കുമെന്നു സംഘാടകര്‍ അറിയിച്ചു. എല്ലാ വര്‍ഷവും യുകെയിലെ വിവിധ നഗരങ്ങളില്‍ നടത്തപ്പെടുന്ന സംഗമം ഈ വര്‍ഷം, ലോകപ്രശസ്തമായ യൂണിവേഴ്‌സിറ്റി സ്ഥിതി ചെയ്യുന്ന കേംബ്രിഡ്ജിലാണ്.
ഷിനു നായര്‍- ലേഖ കുടുംബം ആതിഥ്യമരുളുന്ന ഈ സംഗമത്തിലേയ്ക്ക് യുകെയിലെ എല്ലാ മോനിപ്പള്ളിക്കാരും എത്തിച്ചേരണമെന്ന് സംഘാടകര്‍ അഭ്യര്‍ത്ഥിക്കുന്നു. അതോടൊപ്പം വിവിധ രാജ്യങ്ങളില്‍ ജോലിചെയ്യുന്ന മോനിപ്പള്ളിക്കാരെയും സംഗമത്തിലേയ്ക്ക് സ്വാഗതം ചെയ്തിട്ടുണ്ട്.
വിവിധ ചാരിറ്റി പ്രവര്‍ത്തനങ്ങള്‍ നടത്തുവാന്‍ സാധിച്ച യുകെയിലെ മോനിപ്പള്ളി പ്രവാസികളെ ഈ വര്‍ഷത്തെ സംഗമം മനോഹരവും സന്തോഷപ്രദവുമാക്കുവാന്‍ സംഘാടകര്‍ കേംബ്രിഡ്ജിലേയ്ക്ക് ക്ഷണിച്ചു.
