ഹെല്സിങ്കി: ഫിന്ലന്ഡിലെ യുവ പ്രധാനമന്ത്രി സന മാരിന് (36) സ്വകാര്യ പാര്ട്ടിയില് ആടിപ്പാടുന്ന വിഡിയോ വൈറല്. ലോകത്തിലെ ഏറ്റവും പ്രായം കുറഞ്ഞ പ്രധാനമന്ത്രിയാണ് സന. സ്വകാര്യ പാര്ട്ടിയില് സുഹൃത്തുക്കള്ക്കൊപ്പം സന നൃത്തം ചെയ്തതിന്റെ വിഡിയോയാണ് പരസ്യമായത്. കറുത്ത ടാങ്ക് ടോപ്പും വെളുത്ത ജീന്സും ധരിച്ച പ്രധാനമന്ത്രി നൃത്തം ചെയ്യുന്നതും ഗാനമാലപിക്കുന്നതുമാണ് ഈ മാസം ഏഴിനു പുലര്ച്ചെ 4 മണിക്കു ചിത്രീകരിച്ച വീഡിയോയിലുള്ളത്.
പ്രധാനമന്ത്രി ഓഫിസില് ചെലവഴിക്കുന്നതിലേറെ സമയം പാര്ട്ടികളിലാണ് ചെലവഴിക്കുന്നതെന്ന് എതിരാളികള് പറയുന്നു. വസ്ത്രധാരണത്തിന്റെ പേരില് തുടക്കം മുതല് വിമര്ശനങ്ങളേറ്റുവാങ്ങിയ സന, സ്ത്രീയെന്ന നിലയില് തനിക്കെതിരെ നടക്കുന്ന പ്രചാരണത്തിന്റെ ഭാഗമാണ് പുതിയ ആരോപണമെന്നു പറഞ്ഞു.
പാര്ട്ടിയില് ലഹരി ഉണ്ടായിരുന്നെന്ന വിവാദത്തെത്തുടർന്നു താന് ലഹരിപരിശോധനയ്ക്കു വിധേയയായെന്നും വെളിപ്പെടുത്തി. ഏതായാലും സനയെ വീഴ്ത്താന് കോപ്പു കൂട്ടുന്ന പ്രതിപക്ഷം ഇത് ആയുധമാക്കാന് ശ്രമിക്കുന്നുണ്ട്.
