സമ്പത്തിനും അധികാരത്തിനുമുള്ള മല്സരത്തില് എന്നും ബലിയാടാകേണ്ടി വരുന്നത് ദുര്ബലരും കുട്ടികളുമാണെന്ന് ഫ്രാന്സിസ് മാര്പ്പാപ്പ. യുദ്ധത്തില് ക്ഷീണിച്ചവരേയും ദരിദ്രരേയും ഓര്മ്മിക്കണമെന്ന് ഫ്രാന്സിസ് മാര്പാപ്പ ക്രിസ്മസ് സന്ദേശത്തില് പറഞ്ഞു.
യുക്രൈനിലെ യുദ്ധത്തെയും മറ്റ് സംഘര്ഷങ്ങളെയും കുറിച്ച് പരാമര്ശിച്ച അദ്ദേഹം, അധികാരത്തോടുള്ള അത്യാഗ്രഹം അയല്ക്കാരെപ്പോലും വിഴുങ്ങാന് പ്രേരിപ്പിക്കുന്ന തരത്തിലെത്തിയെന്നും പറഞ്ഞു. വത്തിക്കാനിലെ സെന്റ് പീറ്റേഴ്സ് ചത്വരത്തില് നടന്ന വിശുദ്ധ കുര്ബാനക്ക് അദ്ദേഹം നേതൃത്വം നല്കി.
വിശുദ്ധ കുര്ബാനയില് നാലായിരത്തിലധികം വിശ്വാസികള് പങ്കെടുത്തു. മാര്പാപ്പയായി സ്ഥാനമേറ്റെടുത്ത ശേഷം പത്താമത്തെ ക്രിസ്മസ് സന്ദേശമായിരുന്നു ഇത്തവണത്തേത്. വത്തിക്കാനില് കുര്ബാനയ്ക്ക് നേതൃത്വം നല്കിയ അദ്ദേഹം കുട്ടികളോടെപ്പം സമയം ചെലവഴിക്കുകയും ചെയ്തു.
