ഡെഡ്‌ലിയില്‍ മലയാളികളുടെ പുതു സംഘടന രൂപംകൊണ്ടു. മലയാളി അസോസിയേഷന്‍ ഓഫ് ഡെഡ്ലി ( MAD) ആണത്. കേരളീയ സമൂഹത്തിന്റെ യുകെയിലേക്കുള്ള കുത്തൊഴുക്കില്‍ ഇംഗ്ലണ്ടിന്റെ പല ഭാഗങ്ങളിലേക്കും മലയാളികള്‍ എത്തിക്കൊണ്ടിരിക്കുകയാണ്. ബര്‍മിംഗ്ഹാമിലെ ഡെഡ്‌ലിയില്‍ റസ്സല്‍സ്ഹാള്‍ ഹോസ്പിറ്റല്‍ കേന്ദ്രീകരിച്ചു ന്യൂറോളം കുടുംബങ്ങള്‍ എത്തിച്ചേര്‍ന്നു.
വെറും പത്തില്‍പരം ഫാമിലി ഉണ്ടായിരുന്ന ഇടത്താണ് ഇത്രയും കുടുംബങ്ങള്‍ എത്തിച്ചേര്‍ന്നത്. സെപ്തംബര്‍ മാസം 17 ന് 280 ഓളം അംഗങ്ങള്‍ ഒത്ത് ചേര്‍ന്ന് ഓണം ആഘോഷിച്ചു. അന്നു നടന്ന ജനറല്‍ മീറ്റിങ്ങില്‍ യുക്മയുടെ മിഡ്ലാന്റ് റീജിനല്‍ പ്രസിഡന്റ് ജോര്‍ജ്ജ് തോമസ്സ് സന്നിഹിതനായിരുന്നു. അദ്ദഹത്തിന്റെ മേല്‍നോട്ടത്തില്‍ നടന്ന തെരഞ്ഞെടുപ്പില്‍ മലയാളികളുടെ ഇടയില്‍ സുപരിചിതനായ കലാകാരനായ ജോണ്‍ മുളയങ്കലിനെ പ്രസിഡന്റായി തിരഞ്ഞെടുത്തു. വിപുലമായ ഒരു കമ്മറ്റിയും രൂപീകൃതമായി. ആനന്ദ് ജോണിനെ സെക്രട്ടറിയായും തിരഞ്ഞെടുത്തു. സന്ദീപ് ദീപക്കാണ് ട്രഷറര്‍. മേരി ജോസഫ് വൈസ് പ്രസിഡന്റും ആര്യാ പീറ്റര്‍ ജോയിന്റ് സെക്രട്ടറിയുമായും നിയമിതരായപ്പോള്‍ ഹര്‍ഷല്‍ വിശ്വം ജോയിന്റ് ട്രഷററുമായി ചുമതല ഏററു.
കമ്മറ്റിയംഗങ്ങളായി ജോണ്‍ വഴുതനപ്പള്ളി , സതീഷ് സജീശന്‍ ,ബ്രീസ് ആന്‍ വില്‍സന്‍ , റോബി ജോസഫ് എന്നിവരേയും തിരഞ്ഞെടുത്തു. Dr. റേറാണിയും അജോ ജോസും ഓഡിറ്റര്‍ന്മാരായി നിയമിതരായി. . മലയാളി അസോസിയേഷന്‍ ഓഫ് ഡെഡ്ലി (MAD) എന്ന പേരും സ്വീകരിച്ചു. ഓണലോഷത്തിന് വടംവലിയും തിരുവാതിരയും ഓണഘോഷത്തിന് മിഴിവേകി. കുട്ടികളുടെയും കായിക മത്സരങ്ങള്‍ വിവിധ കലാപരിപാടികള്‍ ഓണാഘോഷത്തിന് മാറ്റുകൂട്ടി.
