അയോധ്യയില് പുതിയ രാം ലല്ല വിഗ്രഹത്തിന്റെ പ്രതിഷ്ഠ നടത്തിയതിന് പിന്നാലെ ഒട്ടേറെ സെലിബ്രിറ്റികളാണ് രാമക്ഷേത്ര പ്രതിഷ്ഠയെ അനുകൂലിച്ചുകൊണ്ട് രംഗത്തെത്തിയത്. മിക്കവരും തങ്ങളുടെ സോഷ്യൽ മീഡിയ പ്ലാറ്റ്ഫോമുകളിലൂടെയാണ് രാമക്ഷേത്ര പ്രതിഷ്ഠയുടെ ചിത്രങ്ങളടക്കം പങ്കുവെച്ചുകൊണ്ട് രംഗത്തെത്തിയത്. ഇപ്പോഴിതാ മലയാളത്തിന്റെ പ്രയപ്പെട്ട താരം രേവതിയും രാം ലല്ലയുടെ മനോഹരമായ ചിത്രം പങ്കുവെച്ചുകൊണ്ട് രാമക്ഷേത്രം തനിക്ക് എത്രമാത്രം പ്രധാനപ്പെട്ടതാണെന്ന് വ്യക്തമാക്കിയിരിക്കുകയാണ്.
ജയ് ശ്രീറാം വിളിയോട് കൂടിയാണ് രേവതി തന്റെ ഇന്സ്റ്റഗ്രാം പേജിലൂടെ രാം ലല്ലയുടെ ചിത്രം പങ്കുവെച്ചിരിക്കുന്നത്. ഇതുവരെയും പരസ്യമായ രാഷ്ട്രീയ നിലപാടുകള് ഒന്നും തന്നെ വ്യക്തമാക്കാത്ത രേവതി 1996 ലെ തമിഴ് നാട് നിയമസഭാ തിരഞ്ഞെടുപ്പില് സ്വതന്ത്രയായി മത്സരിച്ചിരുന്നു. മദ്രാസ് സൗത്തില് നിന്നും ജനവിധി തേടിയ താരം 42,906 വോട്ടുകളും നേടിയിരുന്നു. ആ തരത്തില് തമിഴ് നാട്ടില് ആധിപത്യം പുലര്ത്താന് പാടുപെടുന്ന ബിജെപി രേവതിയുടെ നിലപാടിനെ ഏറെ ശ്രദ്ധയോടെയാവും നോക്കിക്കാണുന്നത്.
രേവതിയുടെ കൂടെ ഡബ്ലിയുസിസിയില് ഉള്ള പാര്വതി, റിമ എന്നിവരടക്കം പ്രതിഷ്ഠാ ദിനത്തില് ഭരണഘടനയുടെ ആമുഖം പോസ്റ്റ് ചെയ്തു വിയോജിപ്പ് രേഖപ്പെടുത്തിയതിനു പിന്നാലെയാണ് രേവതിയുടെ പോസ്റ്റ് വന്നത്.
