പിറന്നാള് സമ്മാനമായി പുതിയ ബൈക്ക് വാങ്ങാനായി അമ്മയുമൊത്ത് ഷോറൂമിലെത്തിയ യുവാവ് ടെസ്റ്റ് ഡ്രൈവിനിടെ അപകടത്തില് മരിച്ചു. അമ്മയെ ബൈക്ക് ഷോറൂമില് നിര്ത്തി ടെസ്റ്റ് ഡ്രൈവിനു പോയ വരാപ്പുഴ മുട്ടിനകം കണ്ണാത്തറ വീട്ടില് നിധിന് നാഥന് (23) ആണ് കടവന്ത്ര എളംകുളത്തുണ്ടായ അപകടത്തില് മരിച്ചത്.
മാര്ച്ച് 15ന് നിധിന്റെ പിറന്നാളാണ്. പിറന്നാള് സമ്മാനമായി പുതിയ ബൈക്ക് വാങ്ങാനാണ് അമ്മയും മകനും കൂടി കടവന്ത്രയിലുള്ള ബൈക്ക് ഷോറൂമില് ബുധനാഴ്ച ഉച്ചയ്ക്ക് 12 മണിയോടെ എത്തിയത്. തുടര്ന്ന് അമ്മയെ ഷോറൂമില് നിര്ത്തി നിധിന് നാഥന് ബൈക്ക് ടെസ്റ്റ് ഡ്രൈവിനായി പോകുകയായിരുന്നു.
എളംകുളം ഭാഗത്തെത്തി യൂ ടേണ് എടുക്കുന്നതിനിടെ ബൈക്ക് നിയന്ത്രണം വിട്ട് മെട്രോ പില്ലറില് ഇടിച്ചാണ് അപകടമുണ്ടായത്.
അഞ്ചു മിനിറ്റിലേറെ നേരം റോഡില് കിടന്ന നിധിന് നാഥനെ അതുവഴി വന്ന എക്സൈസിന്റെ വാഹനത്തിലാണ് വൈറ്റിലയിലുള്ള സ്വകാര്യ ആശുപത്രിയില് എത്തിച്ചത്. നിധിന് സംഭവ സ്ഥലത്ത് വച്ചു തന്നെ മരിച്ചു.
കളമശ്ശേരി സ്കോഡ ഷോറൂമില് മെക്കാനിക്കാണ് നിധിന് നാഥന്. അച്ഛന് : കാശിനാഥ് ദുരൈ, അമ്മ : ഷൈനി, സഹോദരി: നിഖിന.
