'തന്റെ ഫോട്ടോ തിരഞ്ഞെടുപ്പ് പ്രചാരണത്തിന് ഉപയോഗിക്കരുതെന്ന് ടോവിനോ'; ഫേസ്ബുക്ക് പോസ്റ്റ് പിന്വലിച്ച് വിഎസ് സുനില്കുമാര്
നടന് ടൊവിനോ തോമസിനൊപ്പമുള്ള തിരഞ്ഞെടുപ്പ് പ്രചാരണ പോസ്റ്റ് ഫേസ്ബുക്കില് നിന്ന് പിന്വലിച്ച് തൃശ്ശൂരിലെ എല്ഡിഎഫ് സ്ഥാനാര്ഥി വിഎസ് സുനില്കുമാര്. തന്റെ ഫോട്ടോ തിരഞ്ഞെടുപ്പ് പ്രചാരണത്തിന് ഉപയോഗിക്കരുതെന്നാവശ്യപ്പെട്ട് നടന് പ്രതികരണം നടത്തിയതിന് പിന്നാലെയാണ് സുനില്കുമാര് പോസ്റ്റ് പിന്വലിച്ചത്.
തന്റെ ഫോട്ടോയോ തന്നോടൊപ്പമുള്ള ഫോട്ടോയോ തിരഞ്ഞെടുപ്പ് പ്രചാരണത്തിന് ഉപയോഗിക്കുന്നത് നിയമ വിരുദ്ധമാണെന്ന് ആയിരുന്നു ടൊവിനോ തോമസ് പ്രതികരിച്ചത്. സംസ്ഥാന തിരഞ്ഞെടുപ്പ് കമ്മീഷന്റെ അംബാസഡര് ആയതിനാല് തന്റെ ചിത്രമോ തന്നോടൊപ്പമുള്ള ചിത്രമോ തിരഞ്ഞെടുപ്പ് പ്രചാരണത്തിന് ഉപയോഗിക്കുന്നത് നിയമവിരുദ്ധമാണെന്ന് ചൂണ്ടിക്കാട്ടിയാണ് സമൂഹ മാധ്യമത്തിലൂടെ ടൊവിനോ എതിര്പ്പറിയിച്ചത്. കേരള തിരഞ്ഞെടുപ്പ് കമ്മീഷന്റെ സിസ്റ്റമാറ്റിക് വോട്ടേഴ്സ് എജ്യുക്കേഷന് ആന്ഡ് ഇലക്ടറല് പാര്ട്ടിസിപ്പേഷന് (എസ് വി ഇ ഇ പി) അംബാസഡര് ആണ് താനൊന്നും ടൊവിനോ വ്യക്തമാക്കി.
'എല്ലാ ലോക്സഭാ സ്ഥാനാര്ഥികള്ക്കും എന്റെ ആശംസകള്. ഞാന് തിരഞ്ഞെടുപ്പ് കമ്മീഷന്റെ സിസ്റ്റമാറ്റിക് വോട്ടേഴ്സ് എഡ്യൂക്കേഷന് ആന്ഡ് ഇലക്ടറല് പാര്ട്ടിസിപേഷന് അംബാസഡര് ആയതിനാല് എന്റെ ഫോട്ടോയോ എനിക്കൊപ്പമുള്ള ഫോട്ടോയോ പ്രചാരണത്തിന് ഉപയോഗിക്കരുത്. അത് നിയമ വിരുദ്ധമാണ്. ആരെങ്കിലും ഫോട്ടോ ഉപയോഗിക്കുന്നുണ്ടെങ്കില് എന്റെ അറിവോടെയോ സമ്മതത്തോടെയോ അല്ല. എല്ലാവര്ക്കും നിഷ്പക്ഷവും നീതിയുക്തവുമായ തിരഞ്ഞെടുപ്പ് ആശംസിക്കുന്നു'- ടൊവിനോ ഫേസ്ബുക്കില് കുറിച്ചു.
അതേസമയം, ടൊവിനോ തിരഞ്ഞെടുപ്പ് കമ്മീഷന്റെ ബ്രാന്ഡ് അംബാസഡര് ആന്നെന്ന കാര്യം അറിയില്ലായിരുന്നുവന്നും അദ്ദേഹത്തിനൊരു ബുദ്ധിമുട്ടുണ്ടാകേണ്ട എന്നതിനാല് കാര്യം അറിഞ്ഞപ്പോള്തന്നെ ഫോട്ടോ പിന്വലിക്കുകയും ചെയ്തെന്നുമാണ് അനുവാദമില്ലാതെ ടോവിനോയുടെ ചിത്രം ഉപയോഗിച്ചെന്ന വിവാദത്തില് വിഎസ് സുനില്കുമാര് പ്രതികരിച്ചത്.
