മലയാളത്തില് വീണ്ടും താരവിവാഹം. യുവതാരങ്ങളായ അപര്ണ ദാസും ദീപക് പറമ്പോലും ആണ് വിവാഹിതരാകുന്നത്. അപര്ണയുടെയും ദീപക്കിന്റെ വിവാഹക്ഷണത്തിന്റെ ഫോട്ടോയാണ് ഇപ്പോള് സോഷ്യല് മീഡിയയില് എത്തിയിരിക്കുന്നത്. ഏപ്രില് 24ന് വടക്കാഞ്ചേരിയില് വച്ചാണ് വിവാഹം എന്നാണ് ക്ഷണക്കത്തില് പറഞ്ഞിരിക്കുന്നത്.
എന്നാല് തങ്ങളുടെ വിവാഹത്തെ കുറിച്ച് താരങ്ങള് ഇതുവരെ ഒരു സൂചനയും നല്കിയിട്ടില്ല. താന് സിംഗിള് അല്ലെന്നും റിലേഷന്ഷിപ്പിലാണെന്നും നേരത്തെ ഒരു അഭിമുഖത്തില് ദീപക് അറിയിച്ചിരുന്നു. ഞാന് പ്രകാശന് എന്ന സിനിമയിലൂടെ അഭിനയരംഗത്തെത്തിയ അപര്ണ മനോഹരം എന്ന സിനിമയിലൂടെയാണ് ശ്രദ്ധ നേടുന്നത്.
ഈ ചിത്രത്തില് അപര്ണയ്ക്കൊപ്പം ദീപക് പറമ്പോലും ഒരു പ്രധാന കഥാപാത്രത്തെ അവതരിപ്പിച്ചിരുന്നു. വിനീത് ശ്രീനിവാസന്റെ മലര്വാട് ആര്ട്ട്സ് ക്ലബ് എന്ന സിനിമയിലൂടെയാണ് ദീപക് പറമ്പോള് സിനിമയിലേക്കെത്തുന്നത്.
‘മഞ്ഞുമ്മല് ബോയ്സ്’ ആണ് ദീപക്കിന്റെതായി ഒടുവില് പുറത്തിറങ്ങിയ ചിത്രം. ‘വര്ഷങ്ങള്ക്ക് ശേഷം’ എന്ന ചിത്രമാണ് നടന്റെതായി ഇനി റിലീസിന് ഒരുങ്ങുന്നത്. ‘സീക്രട്ട് ഹോം’ ആണ് അപര്ണയുടെതായി ഒടുവില് തിയേറ്ററുകളിലെത്തിയ സിനിമ.
