സംഗീത സംവിധായകനും നടി രമ്യ നമ്പീശന്റെ സഹോദരനുമായ രാഹുല് സുബ്രഹ്മണ്യന് വിവാഹിതനാകുന്നു. ഡെബി സൂസന് ചെമ്പകശേരിയാണ് വധു. ഇരുവരുടേയും വിവാഹ നിശ്ചയം കഴിഞ്ഞു. എറണാകുളത്തെ ഫ്ലോറ എയര്പോര്ട്ട് ഹോട്ടല് ആന്ഡ് കണ്വെന്ഷന് സെന്ററില് വച്ചു നടന്ന ചടങ്ങില് അടുത്ത ബന്ധുക്കളും സുഹൃത്തുക്കളും പങ്കെടുത്തു.10 വര്ഷം നീണ്ട പ്രണയത്തിനു ശേഷമാണ് ഇരുവരും ഒന്നിക്കുന്നത്. ജൂണ് 12നാണ് ഇരുവരുടേയും വിവാഹം.
വിവാഹനിശ്ചയ ചിത്രങ്ങള് പങ്കുവച്ചുകൊണ്ട് താരം തന്നെയാണ് സന്തോഷവാര്ത്ത അറിയിച്ചത്. പുതിയ തുടക്കത്തിനുള്ള സമയമായി എന്നാണ് രാഹുല് കുറിച്ചത്.
2013ല് പുറത്തിറങ്ങിയ 'മങ്കിപെന്' എന്ന ചിത്രത്തിനു സംഗീതമൊരുക്കിയാണ് രാഹുല് ചലച്ചിത്രഗാന രംഗത്തേക്ക് ചുവടുവെക്കുന്നത്. പിന്നീട് 'ജോ ആന്ഡ് ദ് ബോയ്', 'സെയ്ഫ്', 'മേപ്പടിയാന്', 'ഹോം' എന്നീ ചിത്രങ്ങള്ക്കു വേണ്ടിയും ഈണമൊരുക്കി.
