ദയവായി ബോഡി ഷെയിം നടത്തി ഇങ്ങനെ വേദനിപ്പിക്കരുതെന്ന് അന്ന രാജന്
ഉദ്ഘാടന, പൊതു പരിപാടികളില് ഏറ്റവും തിരക്കുള്ള താരമാണ് നടി അന്ന രാജന്. ഏറ്റവും കൂടുതല് ബോഡി ഷെയ്മിംഗ് നേരിടുന്ന താരം കൂടിയാണ് നടി. പൊതുപരിപാടികള്ക്ക് എത്തുന്ന താരത്തിന്റെ വീഡിയോക്ക് താഴെ എപ്പോഴും ബോഡി ഷെയ്മിംഗ് കമന്റുകള് എത്താറുണ്ട്. എന്നാല് ഇതിനോട് അന്ന ഇതുവരെ പ്രതികരിച്ചിരുന്നില്ല. ഒടുവില് അഭ്യര്ത്ഥനയുമായി രംഗത്തെത്തിയിരിക്കുകയാണ് നടി ഇപ്പോള്.
തന്റെ രോഗത്തെ കുറിച്ച് വെളിപ്പെടുത്തിയാണ് ഒരു കമന്റിന് താഴെ അന്ന പ്രതികരിച്ചിരിക്കുന്നത്. അന്ന ഡാന്സ് ചെയ്യുന്ന വീഡിയോക്ക് താഴെയാണ് താരത്തെ അപമാനിച്ചു കൊണ്ട് ‘മാംസപിണ്ഡത്തിന് അനങ്ങാന് വയ്യ’ എന്ന കമന്റ് വന്നത്. ഈ കമന്റിന് മറുപടി ആയാണ് തനിക്ക് തൈറോയിഡ് ആണെന്നും അതുകൊണ്ടാണ് തടിച്ചും മെലിഞ്ഞും ഒക്കെ ഇരിക്കുന്നതെന്നും നടി പറയുന്നത്.
'നിങ്ങള്ക്ക് എന്നെയോ ഞാന് പോസ്റ്റ് ചെയ്യുന്ന വീഡിയോകളോ ഇഷ്ടപ്പെടുന്നില്ലെങ്കില് അത് പറയാം. പക്ഷെ ഇത് പോലെയുള്ള കമന്റ് ഇടുന്നതും ആ കമന്റിന് പലരും ലൈക്ക് ചെയ്യുന്നത് കാണുന്നതും വളരെ വേദനാജനകമാണ്. ആ നൃത്ത വീഡിയോയില് എന്റെ ചലനങ്ങള്ക്ക് തടസമാകുന്ന നിരവധി കാര്യങ്ങളുണ്ടായിരുന്നു. ഞാന് ഓട്ടോ ഇമ്മ്യൂണ് തൈറോയ്ഡ് രോഗത്തിനെതിരെ പോരാടുന്ന ഒരു വ്യക്തിയാണ്.'
'ചിലപ്പോള് എന്റെ ശരീരത്തിന് വീക്കം അനുഭവപ്പെടും അടുത്ത ദിവസം വളരെ മെലിയും, ചിലപ്പോള് മുഖം വീര്ക്കുകയും എന്റെ സന്ധികളില് നീര്വീക്കവും വേദനയും ഉണ്ടാവുകയും ചെയ്യും. അങ്ങനെ നിരവധി രോഗലക്ഷണങ്ങള് ഇടയ്ക്കിടെ പ്രത്യക്ഷപ്പെടാറുണ്ട്. രണ്ട് വര്ഷമായി ഞാന് ഇത്തരത്തില് ബുദ്ധിമുട്ടുകയാണ്. എങ്കിലും എന്റെ കഴിവിന്റെ പരമാവധി കാര്യങ്ങള് ചെയ്യാന് ഞാന് ആഗ്രഹിക്കുന്നു.'
ഒന്നും ചെയ്യാതെ വീട്ടില് ഇരിക്കാന് ഞാന് ആഗ്രഹിക്കുന്നില്ല കാരണം ഈ ലോകം എന്റേത് കൂടിയാണ്. നിങ്ങള്ക്ക് എന്റെ വീഡിയോകള് ഇഷ്ടപ്പെടുന്നില്ലെങ്കില് അത് കാണാതിരിക്കുക. ഇത്തരത്തിലുള്ള കമന്റുമായി ദയവായി വരാതിരിക്കുക. എന്റെ ആരോഗ്യത്തെ കുറിച്ച് ആശങ്കാകുലരായ എല്ലാവര്ക്കും, പ്രത്യേക കരുതലുള്ള അഭിപ്രായങ്ങള്ക്കും വളരെ നന്ദി.'
'എന്റെ വസ്ത്രധാരണം കാരണം എന്റെ നൃത്തച്ചുവടുകളില് പരിമിതി ഉണ്ടായിരുന്നുവെന്നു മാത്രമല്ല വളരെ ചൂടുള്ള കാലാവസ്ഥയായിരുന്നു. പക്ഷേ പരിമിതികള്ക്കിടയില് നിന്നു ശ്രമിക്കുന്നതില് എനിക്ക് സന്തോഷമുണ്ട്. ഒരു തടസ്സവുമില്ലാതെ നൃത്തം ചെയ്യാന് ഞാന് ആഗ്രഹിക്കുന്നു. ഉറപ്പായും അടുത്ത തവണ നിങ്ങളെ നിരാശപ്പെടുത്തില്ല' എന്നാണ് അന്ന പറയുന്നത്.
'നിങ്ങള്ക്ക് എന്നെയോ ഞാന് പോസ്റ്റ് ചെയ്യുന്ന വീഡിയോകളോ ഇഷ്ടപ്പെടുന്നില്ലെങ്കില് അത് പറയാം. പക്ഷെ ഇത് പോലെയുള്ള കമന്റ് ഇടുന്നതും ആ കമന്റിന് പലരും ലൈക്ക് ചെയ്യുന്നത് കാണുന്നതും വളരെ വേദനാജനകമാണ്. ആ നൃത്ത വീഡിയോയില് എന്റെ ചലനങ്ങള്ക്ക് തടസമാകുന്ന നിരവധി കാര്യങ്ങളുണ്ടായിരുന്നു. ഞാന് ഓട്ടോ ഇമ്മ്യൂണ് തൈറോയ്ഡ് രോഗത്തിനെതിരെ പോരാടുന്ന ഒരു വ്യക്തിയാണ്.'
