മലയാള സിനിമയിലെ നടിമാര് നേരിടുന്ന പ്രശ്നങ്ങളെക്കുറിച്ച് പഠിക്കാന് നിയോഗിച്ച ഹേമ കമ്മീഷന് റിപ്പോര്ട്ട് കഴിഞ്ഞ ദിവസമാണ് പുറത്തുവന്നത്. കാസ്റ്റിംഗ് കൗച്ച് അടക്കമുള്ള ഞെട്ടിക്കുന്ന നിരവധി കാര്യങ്ങളാണ് റിപ്പോര്ട്ടിലുള്ളത്. വിഷയത്തില് പ്രതികരിച്ചിരിക്കുകയാണ് നടിയും ഡബ്ല്യൂസിസി അംഗവുമായ റിമ കല്ലിങ്കല്.
'255 പേജുള്ള റിപ്പോര്ട്ടാണ്. വായിക്കും, പ്രതികരിക്കും. ഹേമ കമ്മീഷന് റിപ്പോര്ട്ടില് സജസ്റ്റ് ചെയ്യുന്നത് എന്താണെന്ന് ഞങ്ങള്ക്ക് നോക്കണം. ഞങ്ങളും വായിച്ചിട്ടില്ല. ഞങ്ങള്ക്കും ഇപ്പോഴാണ് കിട്ടുന്നത്. ഞങ്ങളും നാല് കൊല്ലമായി ചോദിക്കുന്നതാണ്. കൃത്യമായി വായിച്ച്, എന്തായാലും ഞങ്ങള് പ്രതികരിക്കും. റിപ്പോര്ട്ട് വന്നതില് ഒരുപാട് സന്തോഷമുണ്ട്. ഒരുപാട് പേരുടെ, ഒരുപാട് കൊല്ലത്തെ ചോരയും നീരുമാണ്. ലൈഫും കരിയറും കളഞ്ഞിട്ടുള്ള കളിയാണ്. ഒരുപാടൊരുപാട് സന്തോഷമുണ്ട്.'- റിമ കല്ലിങ്കല് പറഞ്ഞു.
റിമയ്ക്ക് കരിയറില് അത്തരത്തിലുള്ള എന്തെങ്കിലും അനുഭവമുണ്ടോയെന്ന ചോദ്യത്തിന് 'ച്ചേ, ച്ചേ ഇല്ല. പുറത്തുവിടാന് എന്താണ് ഇത്ര ലേറ്റായത് എന്നറിയില്ല. ഞങ്ങളും ചോദിക്കുന്നുണ്ട്.' എന്നായിരുന്നു നടിയുടെ മറുപടി.
