ക്രിസ്മസ് ആഘോഷ വേളയില്‍ യുകെ മലയാളികളെ തേടി അപ്രതീക്ഷിതമായി മരണ വാര്‍ത്ത എത്തി. നോട്ടിംഗ്ഹാം മലയാളിയായ ദീപക് ബാബു (39) ആണ് വിട വാങ്ങിയിരിക്കുന്നത്. നാട്ടില്‍ കൊല്ലം സ്വദേശിയാണ്. ക്രിസ്മസ് ദിനത്തില്‍ രാത്രിയാണ് മരണം സംഭവിച്ചത്.
രാത്രി വീട്ടില്‍ വച്ച് കുഴഞ്ഞു വീഴുകയും ഹൃദയ സ്തംഭനം മൂലം മരണത്തിനു കീഴടങ്ങുകയും ആയിരുന്നു. ഇവിടെ ആമസോണില്‍ ജോലി ചെയ്യുകയായിരുന്നു ദീപക്. നീതുവാണ് ഭാര്യ. മകന്‍ ദക്ഷിത് എട്ടു വയസുകാരനാണ്. രണ്ടു വര്‍ഷം മുമ്പാണ് ഇവര്‍ യുകെയില്‍ എത്തിയത്.
സേവനം യുകെ അംഗമാണ് ദീപക്. അദ്ദേഹത്തിന്റെ അപ്രതീക്ഷിത വേര്‍പാടില്‍ തകര്‍ന്നുപോയ കുടുംബത്തിന് ആശ്വാസമായി സംഘടന ഒപ്പമുണ്ട്.
