ഷൂട്ടിങ്ങിന് എടുത്ത വാടകവീട്ടില്‍ വച്ച് സിനിമയില്‍ അഭിനയിക്കാനെത്തിയ 9 വയസുകാരിയെ പീഡിപ്പിച്ച കേസില്‍ സിനിമ–സീരിയല്‍ നടന് 136 വര്‍ഷം കഠിനതടവ്. കങ്ങഴ കടയനിക്കാട് കോണേക്കടവ് മടുക്കക്കുഴി എം.കെ.റെജിയെ (52) ആണ് ഈരാറ്റുപേട്ട ഫാസ്റ്റ് ട്രാക്ക് സ്പെഷല്‍ കോടതി (പോക്സോ) ജഡ്ജി റോഷന്‍ തോമസ് 136 വര്‍ഷം കഠിനതടവിനും 1,97,500 രൂപ പിഴയ്ക്കും ശിക്ഷിച്ചത്.
പിഴത്തുകയില്‍ 1,75,000 രൂപ അതിജീവിതയ്ക്കു നല്‍കണമെന്നും ഉത്തരവുണ്ട്. 2023 മേയ് 31ന് ആണു പെണ്‍കുട്ടി പീഡിപ്പിക്കപ്പെട്ടത്. മേലുകാവ് എസ്എച്ച്ഒ ആയിരുന്ന രഞ്ജിത് കെ.വിശ്വനാഥന്‍ അന്വേഷിച്ച കേസില്‍ തിടനാട് എസ്എച്ച്ഒ ആയിരുന്ന കെ.കെ.പ്രശോഭാണ് കുറ്റപത്രം തയാറാക്കിയത്. പ്രോസിക്യൂഷനു വേണ്ടി സ്പെഷല്‍ പബ്ലിക് പ്രോസിക്യൂട്ടര്‍ ജോസ് മാത്യു തയ്യില്‍ ഹാജരായി.
